2 Tupu 2:1-25
2 Ina ua finagalo Ieova e ave aʻe Elia+ i se asiosio i le lagi,+ ona ō atu lea o Elia ma Elisaia+ mai i Kilikala.+
2 Ua fai atu Elia iā Elisaia: “Inā nofo ia i inei, auā ua auina aʻu e Ieova e alu atu i Peteli.” A ua fai mai Elisaia: “O loo soifua Ieova,+ o loo e soifua foʻi,+ ou te lē tuua lava oe.”+ Ona la ō ifo lea i Peteli.+
3 Ua ō mai iā Elisaia atalii o le ʻauperofeta+ na i Peteli, ua faapea mai iā te ia: “Po ua e iloa ea o le asō e aveese ai e Ieova lou matai mai i le avea ma ou taʻitaʻi?”+ Ona ia fai atu lea: “Ua ou iloa lelei lava.+ Ae aua le pisa.”
4 Ona fai atu lea o Elia iā te ia: “Elisaia e, faamolemole nofo atu ia i inei, auā ua auina atu aʻu e Ieova i Ieriko.”+ A ua fai mai o ia: “O loo soifua Ieova, o loo e soifua foʻi, ou te lē tuua lava oe.” Ona la ō atu lea i Ieriko.
5 Ona faalatalata mai lea iā Elisaia o atalii o le ʻauperofeta na i Ieriko, ua faapea mai iā te ia: “Po ua e iloa ea o le asō e aveese ai e Ieova lou matai mai i le avea ma ou taʻitaʻi?” Ona ia fai atu lea: “Ua ou iloa lelei lava. Ae aua le pisa.”+
6 Ona fai atu lea o Elia iā te ia: “Seʻi e nofo atu ia i inei, auā ua auina atu aʻu e Ieova i Ioritana.”+ A ua fai mai o ia: “O loo soifua Ieova, o loo e soifua foʻi, ou te lē tuua lava oe.”+ Ona la ō ai lea.
7 E toʻalima sefulu tagata, o atalii ia o le ʻauperofeta na ō ua tutū ma vaavaai mamao atu;+ a o i laʻua, ua la tutū i tafatafa o le vaitafe o Ioritana.
8 Ona tago lea o Elia i lona ofu tele,+ ua taataʻai ma tā ai le vai, ona vaeluaina lea o le vai i le isi itu ma le isi itu, ona la savavali ai lea i le ilitivai mātūtū.+
9 Ina ua la oo atu i le isi itu, ona fai atu lea o Elia iā Elisaia: “Ia e fai mai iā te aʻu i se mea ou te faia mo oe, a o leʻi aveeseina aʻu mai iā te oe.”+ Ona faapea mai lea o Elisaia: “Ia faalua+ mai lou agaga+ iā te aʻu.”+
10 Ona ia fai atu lea: “Ua e talosaga+ mai i se mea faigatā. Afai e te iloa mai aʻu pe a aveeseina mai iā te oe, e faapea foʻi ona tupu iā te oe; ae afai e leai, ona lē tupu foʻi lea.”
11 A o savavali i laʻua ma talatalanoa, faauta! ua iai se kariota afi+ ma solofanua afi, ua tuueseese ai i laʻua; ona alu aʻe ai lea o Elia i se asiosio i le lagi.+
12 O loo vaavaai atu Elisaia, ma ua alaga atu: “Loʻu tamā e, loʻu tamā e,+ o le kariota tau a Isaraelu ma ona tagata tiʻetiʻe solofanua!”+ Ua lē toe iloa atu e Elisaia o ia. Ona tago lea o ia i ona ofu ma saeluaina.+
13 Ua mavae lenā, ona ia ave aʻe lea o le ofu tele+ o Elia na paʻū ese mai iā te ia, ua toe foʻi ma tū i tafatafa o le auvai o Ioritana.
14 Ua ia ave le ofu tele o Elia na paʻū ese mai iā te ia ma tā ai le vai,+ ua faapea ane: “O fea ea o iai Ieova le Atua o Elia?”+ Ua tā e ia le vai, ona vaeluaina ai lea i le isi itu ma le isi itu, ma ua alu atu ai Elisaia i le isi itu vai.
15 Ina ua iloa mamao atu o ia e atalii o le ʻauperofeta o ē sa iai i Ieriko, ona latou faapea ane lea: “Ua i luga o Elisaia le agaga+ o Elia.” Ona latou ō atu lea e faafetaiaʻi o ia, ma ua latou ifo+ toʻele iā te ia.
16 Ua latou fai mai iā te ia: “Vaai! o loo faatasi ma au auauna o tagata totoa e toʻalima sefulu. Ia tuu atu i latou e ō e saʻili i lou matai. Atonu na siitia aʻe o ia e le agaga+ o Ieova, ma lafo i luga o se mauga po o se vanu.” A ua fai atu o ia: “Aua tou te aauina atu i latou.”
17 Ua latou tauanau pea o ia seʻia oo ina mā o ia, ona ia fai atu lea: “Inā aauina atu ia.” Ona latou aauina atu lea o tagata e toʻalima sefulu, ua latou saʻili pea mo aso e tolu, ae latou te leʻi maua o ia.
18 Ina ua latou toe foʻi mai iā te ia, o loo nofo o ia i Ieriko.+ Ona ia fai atu lea iā i latou: “Po ou te leʻi fai atu ea iā te outou, ‘Aua neʻi tou ō’?”
19 Ua fai mai tagata o le aai iā Elisaia: “Vaai! o lea ua lelei le tulaga o le aai,+ e pei lava ona vaai atu i ai loʻu matai; ae e leaga le vai,+ ma ua fanau lē au foʻi fafine ona o le laueleele.”+
20 Ona ia fai atu lea: “Inā aumai ia iā te aʻu se tamaʻi ipu fou, ma tuu i ai se masima i totonu.” Ona latou aumaia lea iā te ia.
21 Ona alu lea o ia i le mata o le vai ma lafo i ai le masima,+ ma faapea atu: “O le mea lenei na fetalai mai ai Ieova, ‘Ou te faamamāina lenei vai.+ E lē toe oti ai se isi, ma e lē toe fanau lē au ai fafine ona o le vai.’”
22 Ua mamā foʻi le vai seʻia oo mai i le aso nei,+ e tusa ai ma le upu na fai atu ai Elisaia.
23 Ua alu aʻe o ia mai i inā e agaʻi atu i Peteli.+ A o alu aʻe o ia i lona ala, na ō mai ai ni tamaiti+ mai i le aai ma ula+ iā te ia, ua latou faapea mai iā te ia: “Le ulu tula e,+ alu aʻe ia! Le ulu tula e, alu aʻe ia!”
24 Ona faliu lea o ia i tua ma iloa atu i latou, ma ua ia fetuuina+ i latou i le suafa o Ieova. Ona ō mai lea o pea*+ e lua mai i le vaomatua, ua saeia tamaiti e toʻafā sefulu lua.+
25 Ua alu atu pea o ia mai i inā e agaʻi atu i le Mauga o Karamelu,+ ona toe foʻi atu lea mai i inā i Samaria.
Faamatalaga Pito i Lalo
^ Po o le “urosa fafine.” O le upu faa-Peretania o le she-bears.
