Amosa 2:1-16
2 “O le fetalaiga lenei a Ieova, ʻ“Ona o fouvalega e tolu a Moapi,+ e fā foʻi, ou te lē liliuese ai i lona faasalaga, auā ua ia susunuina ivi o le tupu o Etoma ina ia maua ai le namu.+
2 Ou te auina atu se afi i Moapi, ma e faatamaʻia ai maota o Kiriota;+ e oti ai foʻi Moapi i le vāvāō ma le alaga o le taua, ma le ilia o le pū.+
3 Ou te faaumatia le faamasino mai i Moapi, ou te fasiotia foʻi ona perenise faatasi ma ia,”+ ua fetalai mai ai Ieova.’
4 “O le fetalaiga lenei a Ieova, ‘Ona o fouvalega e tolu a Iuta,+ e fā foʻi, ou te lē liliuese ai i lona faasalaga, ona ua latou teena le tulafono a Ieova,+ ma ua latou lē tausia ana poloaʻiga; a ua faasesēina i latou i pepelo+ na savavali ai o latou augātamā, ma na see ese ai pea i latou.+
5 Ou te auina atu se afi i Iuta, ma e faatamaʻia ai maota o Ierusalema.’+
6 “O le fetalaiga lenei a Ieova, ‘Ona o fouvalega e tolu a Isaraelu,+ e fā foʻi, ou te lē liliuese ai i lona faasalaga, auā ua latou faatau atu se tagata amiotonu mo na o ni siliva, ua faatau atu foʻi se tagata mativa mo le na o se pea seevae tosotoso.+
7 Ua latou naunau lava ina ia oo le efuefu i ulu o tagata faatauvaa;+ ua latou faaliliuese le ala o tagata agamalu;+ o le tamāloa ma lona tamā ua ō i le teine e toʻatasi,+ ina ia faalumaina ai loʻu igoa paia.+
8 O ofu na aumaia e faamau ai se aitalafu,+ ua latou taooto ai i tafatafa ane o fata faitaulaga uma;+ o le uaina na faatauina mai i tupe a i latou na faasalaina, ua latou feinu ai i le fale o o latou atua.’+
9 “‘A o aʻu, na ou faaumatia le tagata Amorī+ ona o loʻu nuu, o lona umī e pei o le laau o le arasi, o lē na malosi e pei o laau maualuluga;+ na ou faaumatia foʻi ona fua i luga ma ona aa i lalo.+
10 O aʻu foʻi, na ou aumaia outou mai i le atunuu o Aikupito,+ na ou taʻitaʻiina outou i le toafa i tausaga e fā sefulu,+ ina ia fai mo outou le laueleele o tagata Amorī.+
11 Na ou faatūina aʻe nisi o o outou atalii e fai ma perofeta,+ ma nisi o o outou tauleleʻa e fai ma Naseri.+ Le fanauga a Isaraelu e, pe sa lē tatau ea ona tutupu o ia mea?’ ua fetalai mai ai Ieova.
12 “‘Ae na outou avatu pea uaina i tagata Naseri ina ia feinu ai,+ ma na outou tuu atu le poloaʻiga i le ʻauperofeta e faapea: “E sa ona outou faia ni valoaga.”+
13 O lenei, ou te lūlūina le laueleele i lalo ifo o outou, e pei ona lūlūina o le taavale toso ua tumu i fatu mai i se faaputuga o fatu faatoʻā seleseleina.
14 E fano foʻi le mea e sola atu i ai le tagata saoasaoa,+ e lē faateleina e lē ua malosi lona malosi, o le toa foʻi na te lē faasaoina lona lava ola.+
15 E lē tumau o lē na te uu le ʻaufana, e lē faasaoina o lē ua saoasaoa tele ona vae, e lē faasaoina foʻi e lē e tiʻetiʻe solofanua lona lava ola.+
16 A o le toa ua lototele, e sola lē lavalavā o ia i lea lava aso,’+ ua fetalai mai ai Ieova.”
