Auega 2:1-22
א [Alefa]
2 E! ua faapouliuligia e Ieova i lona toʻasā le tama teine a Siona.+Ua ia lafo ifo mai i le lagi i le lalolagi+ le matagofie o Isaraelu.+Ua lē manatua foʻi e ia le mea e tū ai+ ona aao i le aso o lona toʻasā.
ב [Peta]
2 Ua faaumatia e Ieova, e leʻi faapelepeleina foʻi e ia mea e mau ai+ Iakopo.Ua ia lepeti nofoaga+ malupuipuia a le tama teine a Iuta i lona maʻemaʻeā.Ua ia faagatasia ma le laueleele,+ ua ia faaleaga foʻi le malo+ ma ona perenise.+
ג [Gimela]
3 Ua ia vavaeese nifo uma o Isaraelu i le aasa o lona toʻasā.+Ua faafoʻi mai e ia lona aao taumatau mai i luma o le fili;+Ua mumū pea foʻi lona toʻasā iā Iakopo e pei o se afi e faaumatia ai itu uma.+
ד [Taleta]
4 Ua ia loloʻu lana ʻaufana e pei o le fili.+ Ua sauni foʻi lona aao taumatau+E pei o sē e ita mai,+ ma ua ia fasiotia i latou uma ua ia finagalo i ai.+Ua ia sasaa ifo lona toʻasā e pei o le afi i le faleʻie+ o le tama teine a Siona.+
ה [He]
5 Ua avea Ieova e pei o se fili.+ Ua ia faaumatia Isaraelu.+Ua faaumatia e ia ona ʻolo+ uma e nonofo ai; ua ia faatafunaina foʻi ona nofoaga malupuipuia.+Ua ia faateleina foʻi le faanoanoa ma auēga o le tama teine a Iuta.+
ו [Vau]
6 Ua ia matuā lepeti lona fale lauvao+ e pei o loo i se togālaau.+ Ua faaiʻuina e ia lana tausamiga.Ua faagaloina e Ieova i Siona le tausamiga+ ma le sapati,O lona toʻasā tele foʻi ua lē faaaloalo ai o ia i le tupu ma le ositaulaga.+
ז [Saina]
7 Ua lafoaʻiina e Ieova lona fata faitaulaga.+ Ua teena e ia lona malumalu.+Ua tuuina atu e ia i lima o le fili pā o ona ʻolo e nonofo ai.+Ua latou alalaga foʻi i le fale o Ieova, e pei ona faia i le tausamiga.+
ח [Heta]
8 Ua finagalo Ieova e faatamaʻia le pā+ o le tama teine a Siona.Ua faataatia e ia le fua.+ Ua lē toe faafoʻi mai e ia lona aao mai i le faaumatiaina.+Ua ia faapogaia foʻi le faavauvau+ o le pā puipui ma le pā. Ua mou atu lo laʻua malosi.
ט [Teta]
9 Ua gogoto ifo ona faitotoʻa+ i le eleele. Ua faaumatia e ia ma nutililiia ona faamau faalava.Ua iai lona tupu ma ona perenise i atunuu.+ Ua leai se tulafono.+Ua lē toe maua foʻi e ona perofeta ni faaaliga mai iā Ieova.+
י [Iota]
10 Ua nonofo i le eleele toeaina o le tama teine a Siona, ua latou fifilemu ai pea.+Ua latou tuu efuefu i luga o o latou ulu.+ Ua latou fusia i latou i ʻie talatala.+Ua punonou foʻi ulu o taupou o Ierusalema i le eleele.+
כ [Kafa]
11 Ua vaivai oʻu mata i le tagi.+ Ua tigā loʻu manava.+Ua masaa loʻu ate i le eleele,+ ona ua taia le tama teine a loʻu nuu,+Auā ua matapogia tamaiti ma tama o loo fesusui i nofoaga faitele o le taulaga.+
ל [Lameta]
12 Ua latou fai atu pea i o latou tinā: “O fea o iai saito ma uaina?”+Auā ua matapogia i latou e pei o sē ua fasiotia i nofoaga faitele o le aai,Auā ua latou feoti foʻi i fatafata o o latou tinā.
מ [Mema]
13 O le ā se mea ou te tuuina atu iā te oe e fai ma molimau? O le ā se mea ou te faatusaina i ai oe, le tama teine a Ierusalema e?+Le taupou e, le tama teine a Siona, o le ā se mea ou te faatutusa ma oe ina ia ou faamāfanafana ai iā te oe?+Auā ua tele lou manuʻa+ e pei o le sami. O ai e mafai ona faamālōlō iā te oe?+
נ [Nuna]
14 Ua vaaia e ou perofeta faaaliga mo oe, o mea e lē aogā ma mea faatauvaa,+Ua latou lē faaalia foʻi au mea sesē ina ia puipuia ai oe mai i le aveina faapagota,+A ua latou vaaia pea mo oe i faaaliga, o mea e lē aogā ma feʻau e taʻitaʻisesēina ai.+
ס [Sameka]
15 Ua pati lima iā te oe i latou uma o ē e ui ane i le auala.+Ua latou tuufaaili+ ma lūlū o latou ulu+ i le tama teine a Ierusalema, ua faapea ane:“Po o le aai ea lenei sa masani ona latou faapea mai ai, ‘Ua atoatoa lona matagofie, ma e fiafia i ai le lalolagi uma’?”+
פ [Pe]
16 Ua faamamaga atu iā te oe gutu uma o ou fili.+Ua latou tuufaaili ma lilivau pea o latou nifo.+ Ua latou faapea mai: “O le a tatou faaumatia o ia.+O le aso lava lenei na tatou faamoemoe i ai.+ Ua tatou maua! Ua tatou vāai i ai!”+
ע [Oina]
17 Ua faia e Ieova le mea na ia finagalo i ai.+ Ua faataunuu e ia lana fetalaiga,+O mea na ia poloaʻi mai ai i aso anamua.+ Ua ia lepetia ma ua lē alofa mutimutivale i ai.+Ua ia faapogaia foʻi le fili e olioli ona o oe.+ Ua ia faamaualugaina le nifo o ē e ita iā te oe.+
צ [Sati]
18 Ua alalaga atu o latou loto iā Ieova,+ le pā e, o le tama teine a Siona.+Ia tafe ifo loimata e pei o se ālia i le ao ma le pō.+Aua lava e te mālōlō. Aua foʻi neʻi mapu ou tamatamaʻimata.
ק [Kofa]
19 Inā tulaʻi ia! Inā alaga atu ia i le pō i le amataga o leoleoga o le taeao.+Ia sasaa atu lou loto+ i luma+ o Ieova e pei o le vai.Ia sisii atu ou lima+ iā te ia ona o lau fanau,O ē ua matapogia ona o le oge o loo i tulimanu o ala uma.+
ר [Resa]
20 Ieova e, inā silasila+ mai ia ma silafia ai lē na faapea foʻi ona e matuā faasalaina.Pe e ʻaina pea e fafine a latou lava fanau na fananau mai o malolosi,+Pe e fasiotia foʻi le ositaulaga ma le perofeta i le malumalu o Ieova?+
ש [Sini]
21 Ua taatitia le tama ma le toeaina+ i le eleele i auala.+Ua paʻuʻū foʻi i le pelu oʻu taupou ma oʻu tauleleʻa.+Ua e fasiotia i latou i le aso o lou toʻasā.+ Ua e fasiotia lava;+ ua e lē alofa mutimutivale i ai.+
ת [Tau]
22 I le tausamiga,+ ua e valaauina ai tagata mai i nuu i itu uma o loo nonofo ai o ni tagata ese.E leai foʻi se isi e sao pe e faaolaina i le aso o le toʻatamaʻi o Ieova;+Ua faaumatia e loʻu fili i latou uma na ou fanauina ma ou tausia.+
