Auega 4:1-22
א [Alefa]
4 E! ua nenefu le auro sa iila, o le auro lelei lava.+E! ua sasaa atu maa paia+ i tulimanu o auala uma.+
ב [Peta]
2 A o atalii peleina o Siona,+ o i latou o ē sa tautele e pei o le auro ua faamamāina,E! ua manatu iā i latou o ni fagu omea lapopoʻa, o le galuega a lima o le fai ipu omea.+
ג [Gimela]
3 E oo lava i taʻifau o le vao, ua tuuina atu o latou susu. Ua latou faasusu ai a latou toloaʻi.A o le tama teine a loʻu nuu ua lē alofa,+ e pei o iaena* o loo i le toafa.+
ד [Taleta]
4 Ua pipii le laulaufaiva o le tamaitiiti o loo susu i lona gutu ona o le fia inu.+Ua talosaga atu foʻi tamaiti mo se meaʻai.+ A ua leai se tasi e tuuina atu iā i latou.+
ה [He]
5 O i latou na aai i mea lelei, ua matuā faateʻia i latou i auala.+O ē na oofu i ofu mūmū sesega,+ ua taooto i latou i faupuʻega lefulefu.+
ו [Vau]
6 Ua sili atu foʻi le faasalaga mo le mea sesē a le tama teine a loʻu nuu, nai lo o le faasalaga o le agasala a Sotoma,+Lea na faaumatia e pei o le emo o le mata, ma o lea foʻi e leʻi fesoasoani i ai nisi.+
ז [Saina]
7 O ona tagata Naseri+ e sili atu ona mamā nai lo o le kiona;+ e sili atu foʻi ona paʻepaʻe nai lo o le suāsusu.E moni sa sili atu foʻi ona enaena mumū+ nai lo o ʻamu; ua feʻilafi e pei o le safaira.+
ח [Heta]
8 Ua sili atu lo latou uliuli nai lo o le pogisa. Ua lē iloa i latou i auala.+Ua maanuminumi o latou paʻu i o latou ivi.+ Ua mago foʻi e pei lava o se laau.
ט [Teta]
9 E sili atu ona lelei i latou ua fasiotia i le pelu,+ nai lo o ē na fasiotia i le oge,+Auā ua mou ese atu lo latou malosi, ua taia ona o le leai o ni mea e maua i le fanua.
י [Iota]
10 Ua tunu e lima o fafine alolofa a latou lava fanau.+Ua avea i latou o ni meaʻai a le tagata faavauvau, ina ua faatamaʻia le tama teine a loʻu nuu.+
כ [Kafa]
11 Ua faaoo mai e Ieova lona ita tele.+ Ua ia sasaa mai lona toʻasā aasa.+Ua ia tutu foʻi se afi mumū i Siona, ua susunuina ai ona faavae.+
ל [Lameta]
12 O tupu o le lalolagi ma ē uma o loo nonofo ai i le laueleele, e leʻi talitonu+Ua ō mai lē e ita mai ma le fili i faitotoʻa o Ierusalema.+
מ [Mema]
13 Ona o agasala a ona perofeta, ma mea sesē a ona ositaulaga,+Sa iai foʻi i totonu iā te ia o i latou na faamaligiina le toto o ē e amiotonu.+
נ [Nuna]
14 Ua latou feoaʻi solo e pei o ni tauaso+ i auala.+ Ua faaleagaina i latou i le toto,+Ua lē mafai ai e se tasi ona paʻi atu i o latou ofu.+
ס [Sameka]
15 Ua latou valaau atu iā i latou: “Inā ō ese ia i le ala! O outou o ē e lē mamā!+ Inā ō ese ia i le ala! Ō ese ia i le ala! Aua le papaʻi atu iā i latou!”+Auā ua leai se mea e nonofo ai i latou.+ Ua feoaʻi solo foʻi i latou.+ Ua faapea ane tagata o atunuu: “E latou te lē toe nonofo ai lava i inei.+
פ [Pe]
16 O fofoga o Ieova ua taapeape ai i latou.+ E lē toe silasila mai o ia iā i latou.+E lē toe manatu tagata i ositaulaga.+ E latou te lē alolofa lava foʻi i toeaina.”+
ע [Oina]
17 A o iai pea i matou, ua tigā o matou mata i le naunau atu mo se fesoasoani mo i matou, a ua lē aogā.+A o matou vaavaai solo, sa matou vaavaai i se atunuu e lē aumaia ai se faaolataga.+
צ [Sati]
18 Sa latou tulitatao mai i o matou tulagavae+ ina ia leai sē e fesavaliaʻi i o matou nofoaga faitele.Ua lata mai lo matou iʻuga. Ua atoatoa foʻi o matou aso, auā ua oo mai lo matou iʻuga.+
ק [Kofa]
19 Ua sili atu ona televavave ē na tuliloa mai i matou, nai lo o aeto o le lagi.+Ua latou matuā tuliloa mai i matou i luga o mauga.+ Ua latou taotooto foʻi i le toafa e lamalama iā i matou.+
ר [Resa]
20 O le mānava a o matou pogaʻiisu,+ o lē ua faauuina a Ieova,+ ua puʻea o ia i la latou lua telē,+O lē na matou faapea ane ai: “E matou te nonofo i atunuu i lona paolo.”+
ש [Sina]
21 Inā fiafia ia ma olioli+ oe le tama teine a Etoma e,+ o loo nofo i le nuu o Usa.+E oo atu foʻi iā te oe lava le ipu.+ E te onā ai ma e lē lavalavā.+
ת [Tau]
22 Le tama teine a Siona e, ua faaiʻuina le faasalaga o lau mea sesē.+ E na te lē toe aveina faapagota oe.+Le tama teine a Etoma e, ua liuliualo mai o ia i lau mea sesē. Ua ia faaalia foʻi au agasala.+
Faamatalaga Pito i Lalo
^ O se manu e umī lona ua, e iai ona apaau ae e lē lele. O le upu Peretania o le ostrich.
