Efeso 2:1-22
2 Ua faaolaina foʻi outou e le Atua, e ui ina outou oti ona o a outou mea sesē ma agasala,+
2 lea na outou savavali ai e tusa ma le faiga o mea a lenei lalolagi,+ e tusa foʻi ma le pule+ a le taʻitaʻi o le ʻea, o le agaga+ lea o loo galue i fanau e lē usiusitaʻi.+
3 Ioe, o i tatou foʻi sa amio faatasi ma i latou muamua, e tusa ma le tuʻinanau o le tino,+ na faia foʻi mea na manaʻo i ai le tino+ atoa ma le mafaufau, na fanau mai foʻi i tatou o le fanauga o le toʻasā+ e pei o isi uma.
4 A o le Atua o lē e tele le alofa mutimutivale,+ e ala i lona alofa tele lea ua ia alofa mai ai iā i tatou,+
5 ua ia faaola faatasi ai i tatou ma le Keriso e ui ina oti i tatou ona o a tatou mea sesē,+ ae o lona agalelei faifua ua ia faaola ai outou,+
6 ma na ia faaeaina i tatou+ ma faanonofo faatasi i tatou i mea o i le lagi+ e autasi ma Keriso Iesu,
7 ina ia faaalia ai i le faiga o mea a lenei lalolagi o loo fotuaʻi mai+ le matuā tele+ o lona agalelei faifua, i lona agalelei tele mai iā i tatou o ē ua autasi+ ma Keriso Iesu.
8 O le mea moni, o lenei agalelei faifua ua faaolaina ai outou e ala i le faatuatua;+ e lē ona o outou,+ ae ona o le meaalofa a le Atua.+
9 E leai, e lē ona o galuega+ ina neʻi maua e se tasi se mea e mimitavale ai.+
10 Auā o i tatou o lana galuega,+ ma o lo tatou autasi+ ma Keriso Iesu, ua foafoaina ai i tatou+ mo galuega lelei+ na muaʻi faatulaga+ mai e le Atua mo i tatou e fai.
11 O lea la, ia outou manatua pea na avea muamua outou ma tagata o nuu ese e tusa ma le tino;+ na taʻua foʻi outou o tagata “e lē peritomeina” e i latou ua “peritomeina” i le tino lea na faia i lima+
12 o le taimi foʻi lenā na aunoa ai outou ma Keriso,+ o tagata ese+ i le nuu o Isaraelu ma o tagata ese i feagaiga o le folafolaga,+ na leai foʻi so outou faamoemoe+ ma na aunoa outou ma le Atua i le lalolagi.+
13 A o lenei, ona o le autasi ma Keriso Iesu, o outou o ē sa matuā mamao ese mai i le Atua, ua outou faalatalata mai nei iā te ia ona o le toto+ o Keriso.
14 Auā na ia aumaia le filemu+ iā i tatou, o ia foʻi na tuufaatasia+ o ē sa toʻalua,*+ ma soloia le pā+ lea na vaeluaina+ ai.
15 O lona tino+ foʻi ua ia faaumatia ai le feitagaʻi,+ o le Tulafono lea ua iai poloaʻiga+ ma faatonuga, ina ia foafoaina e ia o ē sa toʻalua+ ia tasi i le autasi ma ia, ma fai ma tagata fou,+ ma ia faatupu ai le filemu;
16 ma ia faaleleia+ atili ai ma le Atua o ē sa toʻalua ina ia fai ma tino e tasi,+ ona o le laau na faapuapuagatia*+ ai, auā na ia faaumatia le feitagaʻi+ e ala iā te ia.
17 Na maliu mai o ia ma folafola atu le tala lelei o le filemu+ iā te outou, o ē sa mamao ese atoa ma ē ua latalata mai,+
18 auā o ia ua mafai ai e tagata sa toʻalua+ ona faalatalata+ atu i le Tamā, i le agaga e tasi.+
19 E moni, o le mea lea ua lē o toe tagata ese+ ai outou po o ē e aumau,+ a ua avea ma tagatānuu+ faatasi ma le ʻaupaia,+ ma o tagata foʻi o le aiga+ o le Atua,
20 ma ua atiaʻe outou i luga o le faavae+ o le ʻauaposetolo+ ma le ʻauperofeta,+ a o Keriso Iesu o le maa tulimanu+ o le fale.
21 O le autasi ma ia, ua fesootaʻi faatasi+ lelei ai le fale atoa, ma ua tupu aʻe e avea ma malumalu paia mo Ieova.+
22 O le autasi ma ia,+ ua atiaʻe faatasi ai foʻi outou e avea ma nofoaga e afio ai le Atua i le agaga.+
Faamatalaga Pito i Lalo
^ I le gagana Eleni, “o ni vaega se lua o tagata.”
^ Tagaʻi i le Faaopoopoga e 10.
