Efeso 6:1-24
6 Le fanau e, ia usiusitaʻi i o outou mātua+ e tusa ma le finagalo o le Alii,+ auā o le mea tonu lea e ao ona fai.+
2 “Ia e āva i lou tamā ma lou tinā,”+ o le poloaʻiga muamua lea ua iai le mea ua folafolaina:+
3 “Ina ia e manuia ai ma e ola umi ai i le lalolagi.”+
4 O outou tamā foʻi, aua le faatigā loto i a outou fanau,+ a ia tausia+ pea i latou i aʻoaʻiga+ ma apoapoaʻiga*+ a Ieova.
5 O outou pologa, ia usiusitaʻi i o outou matai o i le lalolagi,+ ma le āva ma le mataʻu+ i le lotofaamaoni e pei ua outou faia iā Keriso,
6 e lē i le vaaiga a tagata ina ia faafiafia ai i latou,+ ae e pei o pologa a Keriso, ia faia ma le lotoatoa le finagalo o le Atua.+
7 Ia galulue ma le maelega e pei o loo faia iā Ieova+ ae lē o tagata,
8 auā ua outou iloa, po o ā lava mea lelei e faia e tagata taʻitoʻatasi, e tauia o ia e Ieova+ e tusa lava po o ia o se pologa, po o se tagata saʻoloto.+
9 O outou matai foʻi, ia outou faia le mea lava lea iā i latou, ia tuu le taufaafefe+ iā i latou, auā ua outou iloa, o lo outou Matai,+ o lo latou Matai foʻi lea o loo i le lagi, ma e lē faailoga tagata+ o ia.
10 O aʻu toe upu nei, ia maua pea e outou le mana+ mai i le Alii, ma le tele o lona malosi.+
11 Ia oofu i le ofutau+ atoatoa mai i le Atua, ina ia mafai ai ona outou tutū mausalī e tetee atu i togafiti+ a le Tiapolo;
12 auā tatou te lē o tau+ ma tagata* a o malo,*+ ma pule,+ ma taʻitaʻi+ o le lalolagi o loo pulea lenei lalolagi pogisa, ma agaga leaga+ uma i mea o i le lagi.
13 O le mea lea, ia oofu ai i le ofutau atoatoa mai i le Atua,+ ina ia mafai ona outou tetee atu pe a oo i le aso leaga, ma ia outou tutū mausalī ai pe a uma ona outou faia māeʻaeʻa o nei mea uma.+
14 O lenei, ia tutū mausalī, a o fusia+ o outou sulugātiti i le upu moni,+ ma oofu i le ufifatafata o le amiotonu,+
15 ia faaseevaeina o outou vae+ e nofosauni e talaʻi le tala lelei o le filemu.+
16 A o le mea e sili ona tāua, ia outou ave le talita telē o le faatuatua,+ lea e mafai ai ona outou tineia ai aū fanafana mū uma a lē o loo leaga.+
17 Ia talia foʻi le puloutau+ o le faaolataga, ma le pelu+ a le agaga,+ o le afioga lea a le Atua,+
18 ma ia faaauau ona tatalo+ i le Atua i taimi uma i le agaga,+ ma tatalo eseese uma, ma faatoga eseese uma. O le mea lea, ia mataala ai pea ma tausisi i talosaga mo le ʻaupaia uma,
19 o aʻu foʻi, ina ia tuuina mai iā te aʻu le upu+ e mafai ai ona ou saʻoloto e tautala atu,+ ina ia faailoa atu le mea lilo paia o le tala lelei,+
20 lea ua fai ai aʻu ma sāvali+ ua saisaitia; ina ia ou tautala ma le lototele e tusa ma lenā mea, e pei ona tatau ona ou tautala atu ai.+
21 O lea, ina ia outou iloa ai foʻi se tala e uiga iā te aʻu, po o ā mea na ou faia, e faailoa atu mea uma lava iā te outou e Tuiko+ le uso pele, ma o le auauna faamaoni i le Alii.+
22 O le mea lava lea ua ou auina atu ai o ia iā te outou, ina ia outou iloa ai mea e uiga iā i matou, ma ia faamāfanafanaina e ia o outou loto.+
23 Tau ina ia maua e uso le filemu ma le alofa, faatasi ma le faatuatua mai i le Atua le Tamā, ma le Alii o Iesu Keriso.
24 Tau ina ia iai le agalelei faifua+ iā i latou uma, o ē e tumau lo latou alofa i le Alii o Iesu Keriso.
Faamatalaga Pito i Lalo
^ Po o “faatonuga e taʻitaʻia ai le mafaufau.” I le gagana Eleni, “ia tāmau i le mafaufau.”
^ E foliga mai e faatatau atu i malo lē vaaia i nofoaga o agaga.
^ I le gagana Eleni, “o tino aano ma toto.”
