Esekielu 17:1-24
17 Ua toe oo mai le afioga a Ieova iā te aʻu e faapea:
2 “Le atalii e o le tagata, ia e faia se tupua+ ma fatu se faaupuga masani e faatatau i le aiga o Isaraelu.+
3 Ia e faapea atu, ‘O le fetalaiga lenei a le Alii Pule Silisili Ese o Ieova: “O le aeto telē,+ e tetelē ona apaʻau,+ e uumi fulu o ona apaʻau, e tele ona fulu ma e felanulanuaʻi, ua sau i Lepanona+ ma ave le moemoe+ o le laau o le arasi.+
4 Ua ia oto le tumutumu o ona tātupu ma avatu i le atunuu o Kanana;+ ma tuu ai i se aai o tagata faatauʻoa.
5 E lē gata i lea, ua ia ave ni fatu o le laueleele+ ma tuu i se fanua ua galueaʻiina. E pei o le laau o le sapasapa i autafa o vai e tele,+ ua ia totōina ai.
6 Ua oo ina tupu aʻe ma avea ma vine lauolaola e maulalo lana tupu,+ ua falala i totonu ona lālā; ma ua sosolo ona aa i ona lalo ifo. Ua oo ina avea ma vine, ua tutupu aʻe tātupu ma oso aʻe foʻi lālā.+
7 “ʻ“Ua iai se isi aeto telē,+ e tetelē ona apaʻau, e iai foʻi ona fulu tetelē,+ faauta! o lenei vine ua sosolo atu ona aa ma le naunau tele iā te ia.+ Ua faalālā atu ona lālā iā te ia, ina ia faasūsū e ia o ia, i se isi mea e ese mai i le togālaau lea na totō ai.+
8 Ua uma ona totō i se fanua lelei i tala ane o vai e tele,+ ina ia tutupu mai ai ni lālā ma fua mai ai ni fua, ma avea ai foʻi ma vine matagofie.”’
9 “Ia faapea atu, ‘O le fetalaiga lenei a le Alii Pule Silisili Ese o Ieova: “Pe e taulau manuia ea le vine?+ Pe e lē liaʻieseina e se tasi ma ona aa+ ma mamaʻi ai ona fua? Pe e lē mamago ai ea ona tātupu faatoʻā tau mai?+ E mamago lava. E lē o se lima malosi po o ni tagata e toʻatele e liaʻiina ona aa.
10 Faauta! e ui ina totōina* ae pe e taulau manuia ai ea? Pe e lē matuā mamago lava ea, e pei ona tupu pe a agi mai i ai le matagi mai i sasaʻe?+ O le a mamago ai lava i le togālaau lea na totō ai.”’”+
11 Ua toe oo mai le afioga a Ieova iā te aʻu e faapea:
12 “Faamolemole ia fai atu i le aiga fouvale,+ ‘Pe e tou te lē iloa ea le uiga o nei mea?’ Ia fai atu, ‘Tagaʻi foʻi! Na sau le tupu o Papelonia i Ierusalema ma ave lona tupu+ ma ona perenise, ma avatu i latou i Papelonia.+
13 E lē gata i lea, na osia e ia se feagaiga ma se tasi o fanau a le tupu,+ ma fai atu iā te ia e tautō;+ ua ia ave foʻi alii sili o le atunuu,+
14 ina ia fai ma malo faatauvaa,+ ma lē mafai ona toe maualuga ai, ina ia tumau ai pea le malo e ala i le tausia o lana feagaiga.+
15 Ae mulimuli ane, ua fouvale+ o ia faasaga iā te ia i le aauina atu o ana avefeʻau i Aikupito, ina ia tuu mai iā te ia o solofanua+ ma tagata e toʻatele. Pe e taulau manuia o ia? Pe e sao o ia, o lē ua faia nei mea ma solia ai le feagaiga? Pe e moni ea e sao o ia?’+
16 “ʻ“O loo ola aʻu,”+ ua fetalai mai le Alii Pule Silisili Ese o Ieova, “i le mea ua nofo ai le tupu o lē na tofia le tupu lea na ʻinoʻino i lana tautoga,+ ma na solia lana feagaiga, o le a oti o ia i le nofoaga lava e tasi i Papelonia.+
17 O le a lē aogā iā te ia i le taua a Farao ma lana ʻautau tele,+ ma le faapotopotoga e toʻatele, i le tanuina o mea mautiʻetiʻe ma fausia se pā e siʻo ai ina ia fasiotia ai le toʻatele.+
18 Ua ia ʻinoʻino i le tautoga+ i le solia o le feagaiga, faauta! ua ia lūlū lima+ ae ua ia faia lava ia mea uma. O le a lē sao lava o ia.”’+
19 “‘O lea, o le fetalaiga lenei a le Alii Pule Silisili Ese o Ieova: “O loo ola aʻu, ou te taui+ atu lava iā te ia e tusa ma laʻu tautoga na ia ʻinoʻino i ai, ma laʻu feagaiga na ia solia.
20 O le a ou fofolaina laʻu upega i ona luga, ma o le a maua o ia i laʻu upega+ tulimanu; o le a ou aumaia foʻi o ia i Papelonia, ma o le a faia la ma faamasinoga e tusa ma lona lē faamaoni iā te aʻu.+
21 O le a feoti i le pelu ona tagata fesolasolataʻi solo o ana ʻau uma, a o ē e totoe, o le a faasalalau solo i latou i ala matagi uma.+ O le a outou iloa ai o aʻu o Ieova, ua ou fai atu ai.”’+
22 “‘O le fetalaiga lenei a le Alii Pule Silisili Ese o Ieova: “O le a ou ave ma totō ai ni moemoe o le laau maualuga o le arasi;+ ou te tau mai se moemoe fou mai i le tumutumu o ona lālā,+ ma o le a ou totōina i le mauga e sili ona maualuga.+
23 Ou te totō ai i le mauga maualuga o Isaraelu,+ o le a tutupu lālā ma fua mai ni fua,+ ma avea ma laau o le arasi matagofie.+ E ofaga i ai manulele eseese uma; e nonofo ai i le paolo o ona lālā.+
24 O le a iloa ai e laau uma o le fanua, o aʻu o Ieova,+ ua ou faamaulaloina le laau maualuga,+ ma ua ou faamaualugaina le laau maulalo,+ ua ou faamago le laau mata+ ma ua ou toe faaola le laau mago ma ua fuga mai. O aʻu o Ieova, ua ou fai atu ma faia lea mea.”’”+
Faamatalaga Pito i Lalo
^ Pe “toe sii e totō i se isi mea.”
