Esekielu 18:1-32
18 Ua toe oo mai le afioga a Ieova iā te aʻu e faapea:
2 “O le ā le uiga o lenei faaupuga masani e tou te faia i le laueleele o Isaraelu e faapea, ‘Ua ʻaina e tamā o vine moto ae magiagia ai nifo o fanau’?+
3 “‘O loo ola aʻu,’ ua fetalai mai ai le Alii Pule Silisili Ese o Ieova, ‘e lē faaauau ona outou toe faia lenei faaupuga masani i Isaraelu.
4 Faauta! o ola uma, o aʻu lava e ona i latou.+ E pei o le ola+ o le tamā e faapea foʻi le ola o le atalii, o aʻu e ana ia ola.+ O le tagata ola e agasala,+ e oti lava o ia.+
5 “‘A o se tagata, pe afai e amiotonu o ia ma ua ia faia le mea tonu ma le amiotonu;+
6 e leʻi ʻai+ o ia i taulaga mo tupua i luga o mauga,+ e leʻi tepa aʻe foʻi ona mata i tupua inosia a le aiga o Isaraelu,+ e na te leʻi faaleagaina+ le avā a lana uō, e leʻi faalatalata atu foʻi o ia i se fafine ua lē mamā,+
7 e na te lē agaleaga+ i se isi; ae ua ia toe faafoʻi atu le mea na faamau ai le aitalafu;+ e na te leʻi gaoia se mea mai i se isi;+ e na te avatu lana lava meaʻai+ i lē ua fia ʻai, e na te ufiufi foʻi i lē ua lē lavalavā i se ofu;+
8 e na te lē nonō atu ina ia maua ai se pasene,+ pe e nonō atu foʻi ina ia maua ai se polofiti;+ ae e na te taofia lona lima mai i faiga lē tonu;+ e na te faia le faamasinogatonu i lea tagata ma lea tagata;+
9 ua savali+ pea o ia i aʻu tulafono ma ua ia tausia iʻuga o aʻu faamasinoga ina ia faia le mea moni,+ e amiotonu o ia.+ E ola pea lava o ia,’+ ua fetalai mai ai le Alii Pule Silisili Ese o Ieova.
10 “‘Afai ua avea se tasi ma tamā i se atalii o sē e faomea,+ o sē e faamasaatoto,+ o sē ua faia mea e pei o ia mea
11 (ae na te leʻi faia se mea o nei mea); afai e ʻai o ia i taulaga mo tupua i luga o mauga,+ ma ua ia faaleagaina le avā a lana uō;+
12 ua ia agaleaga atu i lē ua puapuagatia ma lē ua mativa;+ ua ia fao foʻi mea mai i isi,+ e na te leʻi toe faafoʻi atu le mea na faamau ai le aitalafu;+ ua tepa aʻe ona mata i tupua inosia,+ o le mea inosia lea ua ia faia.+
13 Ua ia avatu mea e maua ai le polofiti,+ ua ia talia foʻi le pasene,+ e lē ola lava o ia. Ua ia faia nei mea inosia uma.+ O le a fasiotia lava o ia. E paʻū i ona luga lona lava toto.+
14 “‘Faauta foʻi! ua avea se tasi ma tamā i se atalii, o lē ua vaai pea i agasala uma a lona tamā ua faia, ua ia vaai i ai ae e na te lē faia ni mea faapea.+
15 E leʻi ʻai o ia i taulaga mo tupua i luga o mauga, e leʻi tepa aʻe foʻi ona mata i tupua inosia a le aiga o Isaraelu;+ e na te leʻi faaleagaina foʻi le avā a lana uō;+
16 e na te lē agaleaga+ i se isi; e na te leʻi avea se mea na faamau ai se aitalafu;+ e na te leʻi gaoia se mea mai i se isi;+ e na te avatu lana lava meaʻai+ i lē ua fia ʻai, e na te ufiufi foʻi i lē ua lē lavalavā i se ofu;+
17 ua ia taofia lona lima mai i le sauāina o lē ua puapuagatia; e na te lē nonō atu ina ia maua ai se polofiti,+ pe e nonō atu foʻi ina ia maua ai se pasene;+ ua ia tausia iʻuga o aʻu faamasinoga;+ ua savali+ pea o ia i aʻu tulafono; e lē oti o ia ona o mea sesē a lona tamā.+ E ola pea lava o ia.+
18 A o lona tamā, ona ua ia faia le taufaasesē,+ ua ia gaoia se mea mai i se uso,+ ma ua ia faia i lona nuu o so o se mea e lē lelei,+ silasila foʻi! e ao ona oti o ia ona o lana mea sesē.+
19 “‘Ona outou faapea atu lea: “Aiseā ua lē nofosala ai le atalii ona o mea sesē a lona tamā?”+ A o le atalii, ua ia faia mea tonu ma le amiotonu,+ ua ia tausia foʻi aʻu tulafono uma ma faia pea.+ E ola pea lava o ia.+
20 O le tagata ola e agasala, e oti lava o ia.+ E lē nofosala le atalii ona o mea sesē a le tamā, e lē nofosala foʻi le tamā ona o mea sesē a lona atalii.+ O le amiotonu a lē ua amiotonu e i ona lava luga,+ o le amioleaga foʻi a lē ua amioleaga e i ona lava luga.+
21 “‘Ae o se tagata e amioleaga, afai foʻi ua liliuese mai i ana agasala uma na faia, ma ia tausia aʻu tulafono uma+ ma faia le mea tonu ma le amiotonu,+ e ola pea lava o ia. E lē oti lava.+
22 O solitulafono uma na ia faia e lē toe lāgā mai e faasaga iā te ia.+ O le a ola pea o ia ona o le amiotonu ua ia faia.’+
23 “‘Po ou te fiafia ea i le oti o le tagata amioleaga,’+ ua fetalai mai ai le Alii Pule Silisili Ese o Ieova, ‘ae po ou te lē fiafia ea pe a liliuese o ia mai i ona ala ma ola ai pea o ia?’+
24 “‘Pe a liliuese lē ua amiotonu mai i lana amiotonu ae fai mea lē tonu;+ e tusa ma mea inosia uma ua faia e le tagata amioleaga ua ia faia+ pea a o ola o ia, e lē manatuaina+ ana galuega amiotonu na faia. O lona lē faamaoni ma lana agasala na ia agasala ai, o le a oti o ia ona o ia mea.+
25 “‘Ona outou faapea ane lea: “E lē tonu ala o Ieova.”+ Faamolemole, le aiga o Isaraelu e, inā faalogo mai ia. Pe e lē tonu ea oʻu ala?+ Pe e lē o outou ea ua lē tonu o outou ala?+
26 “‘Pe a liliuese lē ua amiotonu mai i lana amiotonu ae fai mea lē tonu,+ ma oti ai ona o ia mea, o le a oti o ia ona o le faia o mea lē tonu.+
27 “‘Pe a liliuese lē ua amioleaga mai i lana amioleaga na fai ae fai le mea tonu ma le amiotonu,+ o ia lea o le a faasaoina lona lava ola.+
28 Pe a iloa+ e ia lana amioleaga ma liliuese mai i ana solitulafono uma na faia,+ e ola pea lava o ia. E lē oti lava.+
29 “‘Ona faapea ane lea o le aiga o Isaraelu: “E lē tonu ala o Ieova.”+ Le aiga o Isaraelu e, pe e lē tonu ea oʻu ala?+ Pe e lē o outou ea ua lē tonu o outou ala?’+
30 “‘O le mea lea, le aiga o Isaraelu e, ou te faamasino iā te outou e taʻitoʻatasi+ e tusa ma lona ala,’ ua fetalai mai ai le Alii Pule Silisili Ese o Ieova.+ ‘Inā liliuese ia, inā liliuese ia mai i a outou solitulafono,+ ma aua lava neʻi avea se mea e tasi e tautevateva ai ma māfuaaga e sesē ai.+
31 Ia lafoaʻi ese mai iā te outou o a outou solitulafono uma na outou solitulafono+ ai, ma ia faia se loto+ fou ma se agaga+ fou mo outou, auā aiseā tou te feoti ai,+ le aiga o Isaraelu e?’
32 “‘Auā ou te lē fiafia i le oti o so o se tasi,’+ ua fetalai mai ai le Alii Pule Silisili Ese o Ieova. ‘O lenei, ia outou liliu mai ma outou ola ai pea.’”+
