Esekielu 29:1-21
29 Ua oo mai foʻi le afioga a Ieova iā te aʻu i le tausaga lona sefulu, i le masina lona sefulu, i le aso e sefulu lua o le masina e faapea:
2 “Le atalii e o le tagata, ia faasaga atu ou mata iā Farao le tupu o Aikupito,+ ma faia valoaga e faasagatau atu iā te ia ma e faasagatau atu foʻi i Aikupito uma.+
3 Ia e fai atu ma faapea atu, ‘O le fetalaiga lenei a le Alii Pule Silisili Ese o Ieova: “Farao e le tupu o Aikupito,+ ou te faasagatau atu iā te oe, o le meaola lapoʻa o le sami+ o loo taatia ma faaloaloa i totonu o ona alāvai o le Naila,+ o lē na faapea mai, ‘O aʻu e ana le Vaitafe o le Naila, o aʻu foʻi, na ou faia mo aʻu lava.’+
4 O le a ou tuuina mātau* i ou auvae+ ma faapogaia iʻa o lou alāvai o le Naila e pipii i ou una. O le a ou ave aʻe oe mai i totonu o ou alāvai o le Naila atoa ma iʻa uma o ou alāvai o le Naila ia e pipii i ou una.
5 Ou te lafoaʻia oe i le toafa, o oe atoa ma iʻa o ou alāvai o le Naila.+ O le a e paʻū i le laueleele.+ O le a lē aoaoina vaega o lou tino pe e faaputuputuina. O le a ou avatu oe e fai ma meaʻai a manufeʻai o le lalolagi ma manufelelei o le lagi.+
6 O le a iloa ai e ē o nonofo i Aikupito, o aʻu lava o Ieova,+ talu ai na pei o se ū la latou lagolagosua i le aiga o Isaraelu.+
7 Ina ua latou uu oe i o latou lima, ona tuʻimomomo ai lea o oe+ ma masae ai o latou tauʻau ona o oe. Ina ua latou totoo iā te oe, ona e gau ai lea+ ma gatete ai o latou puimanava ona o oe.”+
8 “‘O lea, o le fetalaiga lenei a le Alii Pule Silisili Ese o Ieova: “Ou te faaoo iā te oe le pelu+ ma ou faaumatia mai iā te oe tagata atoa ma manu lalata.+
9 E faatafunaina ma faagaogaoina le laueleele o Aikupito;+ ma o le a latou iloa ai o aʻu lava o Ieova, talu ai ua ia faapea ane, ‘O aʻu e ana le Vaitafe o le Naila, o aʻu foʻi, na ou faia lava.’+
10 O lea, ou te faasagatau atu iā te oe ma ou te faasagatau atu foʻi i ou alāvai o le Naila,+ o le a ou faagaogaoina le laueleele o Aikupito, ia naumati, ia faatafunaina,+ e amata mai i Mekatala+ e oo i Seveni+ ma e oo atu lava i le tuaoi o Aitiope.
11 E lē ui atu ai vae o tagata,+ e lē ui atu ai foʻi vae o manu lalata+ ma e lē ʻaināina mo tausaga e fā sefulu.+
12 O le a ou faatafunaina le atunuu o Aikupito i totonu o atunuu ua faatafunaina;+ o le a faatafunaina ona aai i totonu o aai ua faagaogaoina mo tausaga e fā sefulu;+ ou te faataapeapeina foʻi tagata Aikupito i nuu ma faasalalauina atu i latou i atunuu.”+
13 “‘O le fetalaiga lenei a le Alii Pule Silisili Ese o Ieova: “I le iʻuga o tausaga e fā sefulu,+ ou te aoaoina ai tagata Aikupito mai i nuu na faataapeape i ai i latou,+
14 ou te aumaia tagata Aikupito na aveina faapagota; o le a ou toe avatu i latou i le laueleele o Patoro,+ o le laueleele na latou tupuga mai ai, ma e avea i latou i lea mea ma malo faatauvaa.
15 O le a sili ona faatauvaa i lo o isi malo uma, e lē toe faamaualuga o ia i isi nuu,+ ma o le a ou faaitiitia i latou ina ia lē gauaʻi isi nuu iā te ia.+
16 O le a lē toe avea ia ma faatuatuaga o le aiga o Isaraelu,+ e faamanatu ai a latou mea sesē i lo latou liliu atu iā i latou.+ O le a latou iloa ai o aʻu lava o le Alii Pule Silisili Ese o Ieova.”’”
17 Ua oo mai le afioga a Ieova iā te aʻu i le tausaga lona lua sefulu fitu, i le masina muamua, i le aso muamua o le masina e faapea:
18 “Le atalii e o le tagata, na faamalosia e Nepukanesa+ le tupu o Papelonia lana ʻautau ina ia faia se galuega telē e faasagatau atu ai iā Turo.+ Na oo ina tula ai o latou ulu uma, ma na mafoʻefoʻe o latou tauʻau uma.+ A o le totogi,+ e leai se mea na maua e ia ma lana ʻautau i Turo mo le galuega na ia faia e faasagatau ai iā te ia.
19 “O lea, o le fetalaiga lenei a le Alii Pule Silisili Ese o Ieova, ‘Ou te tuuina atu Aikupito+ iā Nepukanesa le tupu o Papelonia, e na te avea lona tamaoaiga,+ ma ave le vete tele ma matuā faoa oloa e tele; e fai ma totogi o lana ʻautau.’
20 “‘Ou te avatu le laueleele o Aikupito iā te ia e fai ma taui o le galuega na ia faia e faasagatau atu ai iā Turo, auā na latou galulue mo aʻu,’+ ua fetalai mai ai le Alii Pule Silisili Ese o Ieova.
21 “I lenā aso, ou te faatupuina ai se seu* mo le aiga o Isaraelu,+ ma ou te tuu atu foʻi iā te oe le avanoa e te tautala atu ai i lo latou lotolotoi;+ ona latou iloa ai lea o aʻu lava o Ieova.”
Faamatalaga Pito i Lalo
^ O mātau ua tuu i alafau po o isu o manu atoa foʻi ma pagota ina ia toso ai i latou i maea.
^ E masani ona faaaogā le seu o le manu i le Tusi Paia e fai ma faailoga o le malosi, mana ma le pule.
