Esera 10:1-44
10 A o tatalo+ Esera ma taʻu atu agasala,+ ua tagi o ia ma faō+ i luma o le fale+ o le Atua moni, a ua faapotopoto faatasi mai Isaraelu iā te ia, o se faapotopotoga e matuā toʻatele lava, o tane, o fafine, ma tamaiti, ma ua matuā fetagisi lava le nuu.
2 Ona tali mai lea o Sekania le atalii o Ikielu+ mai i le fanauga a Elama,+ ua faapea mai iā Esera: “O i matou—ua matou lē faamaoni i lo matou Atua, auā ua matou faaipoipo atu i fafine ese mai i tagata o le nuu.+ A o lenei, ua iai le faamoemoe+ mo Isaraelu e faatatau i lenei mea.
3 O lenei, ia tatou osia se feagaiga+ ma lo tatou Atua e aveesea+ avā uma ma ē na fananau mai iā i latou, e tusa ai ma le faaiʻuga a Ieova ma ē e matataʻu+ i le poloaʻiga+ a lo tatou Atua, ina ia faia e tusa ai ma le tulafono.+
4 Inā tū ia i luga, auā e paʻū atu lava iā te oe lenei mea, e matou te faatasi ma oe. Ia e faamalosi ma ia faia.”
5 Ona tulaʻi lea o Esera, ua ia faatautō+ alii sili o ositaulaga, o le ʻau sa Levī, ma Isaraelu uma ina ia faia e tusa ai ma lenei upu. Ona latou tautō ai lea.
6 Ua tulaʻi Esera mai i luma o le fale o le Atua moni, ma alu atu i le fale e aai+ ai o Iokana le atalii o Eliasipa. E ui ina alu atu o ia i inā, ae e leʻi ʻai i se meaʻai+ ma e leʻi inu foʻi i se vai, auā ua faanoanoa+ o ia ona o le lē faamaoni o le nuu na ave faapagota.
7 Ona alu atu lea o la latou feʻau i Iuta ma Ierusalema uma mo tagata na ave faapagota muamua,+ ina ia faapotopoto faatasi mai i latou i Ierusalema;
8 ma o so o se tasi e lē sau+ i aso e tolu, e tusa ai ma le fautuaga a alii sili+ ma toeaina—e aveesea+ ana oloa uma ma vavaeesea+ foʻi o ia mai i le faapotopotoga o le nuu na aveina faapagota.
9 Ona faapotopoto faatasi lea o tagata uma o Iuta ma Peniamina i Ierusalema, i aso e tolu i le masina lona iva+ o le aso lona lua sefulu o le masina, ua nonofo pea foʻi le nuu atoa i le lotoā o le fale o le Atua moni, ua tetemū ona ua latou nofosala, ma ona o le maligi o timuga.+
10 Ona tulaʻi lea o Esera le ositaulaga ma faapea atu iā i latou: Ua outou lē faamaoni ina ua outou faiavā i fafine ese,+ e faaopoopo ai i le nofosala o Isaraelu.+
11 O lenei, ia taʻu atu a outou agasala+ iā Ieova le Atua o o outou augātamā, ma faia mea e finagalo malie+ i ai o ia, ia vavaeeseina foʻi outou mai i tagata o le nuu ma fafine ese.”+
12 Ona tali mai lea o le faapotopotoga uma, ua latou faapea mai ma le leotetele: “E matou te faia lava e pei ona e fai mai ai.+
13 Ae peitaʻi, e toʻatele le nuu, o le tau foʻi lea o timuga tetele, ma e lē mafai ona tutū i fafo; e lē tasi foʻi pe lua ni aso e faia ai lenei mea, talu ai ua tele lava lo matou fouvale i lenei mea.
14 O lea faamolemole, seʻi avea o matou perenise+ e fai ma sui mo le faapotopotoga uma; o i latou uma i o matou aai o ē ua faiavā i fafine ese, ia o latou ō mai i le taimi ua atofaina faatasi ma toeaina o aai taʻitasi ma ona faamasino, seʻia o matou liliueseina le toʻasā aasa o lo matou Atua mai iā i matou ona o lenei mea.”
15 (Ae peitaʻi, ua tetee+ atu Ionatana le atalii o Asaelu ma Iekasia le atalii o Tikeva i lenei mea, ma ua fesoasoani Mesulama ma Sapetai+ le ʻau sa Levī iā i laʻua.)
16 Ona faia lea faapea e i latou na ave faapagota muamua;+ ua vavaeese Esera le ositaulaga ma tane o ulu o aiga o o latou tamā,+ e oo lava iā i latou uma ua taʻua o latou igoa, ma ua latou ō ese ma amata ona nonofo i le aso muamua o le masina lona sefulu,+ ina ia iloiloina lenei mataupu;+
17 ma ua faasolo ina faaiʻuina la latou iloiloga o tane uma na faiavā i fafine ese+ i le uluaʻi aso o le masina muamua.
18 Na iloa ai nisi o atalii o ositaulaga+ na faiavā i fafine ese; e mai i atalii o Iesua+ le atalii o Iosatako+ ma ona uso, o Maaseia, o Elisara, o Iaripa, ma Ketalia.
19 Ua tautō i latou ina ua lūlū lima e aveesea a latou avā, ma ona ua nofosala+ i latou, e tatau la ona iai se mamoe poʻa+ o le lafu mo lo latou nofosala.
20 E mai i atalii o Imere,+ sa iai Hanani ma Sepatia;
21 e mai i atalii o Harima,+ o Maaseia, o Elia, o Semaia, o Ikielu, ma Usia;
22 e mai i atalii o Pasura,+ o Elioenai, o Maaseia, o Isamaeli, o Netanielu, o Ieosapa, ma Eliasa.
23 E mai i le ʻau sa Levī, o Ieosapa, o Semi, o Kilaia (o Kelita lea), o Petakia, o Iuta, ma Elisara;
24 e mai i ʻaupepese, o Eliasipa; e mai i leoleo faitotoʻa, o Saluma, o Telema, ma Auri.
25 E mai i Isaraelu, e mai i atalii o Parose,+ sa iai Ramea, o Iesia, o Malakia, o Meamina, o Eleasaro, o Malakia, ma Penaia;
26 e mai i atalii o Elama,+ o Matania, o Sakaria, o Ikielu,+ o Opeti, o Ierimota, ma Elia;
27 e mai i atalii o Satu,+ o Elioenai, o Eliasipa, o Matania, o Ierimota, o Sapata, ma Asesa;
28 e mai i atalii o Pepai,+ o Iokana, o Hanania, o Sapai, ma Atalaia;
29 e mai i atalii o Pani, o Mesulama, o Maluka, o Ataia, o Iasuvi, o Seala, ma Ierimota;
30 e mai i atalii o Pakamoapi,+ o Atena, o Kila, o Penaia, o Maaseia, o Matania, o Pesaleli, o Penui, ma Manase;
31 e mai i atalii o Harima,+ o Elisara, o Isia, o Malakia,+ o Semaia, o Simiona,
32 o Peniamina, o Maluka, ma Semaria;
33 e mai i atalii o Hasumu,+ o Matenai, o Mataata, o Sapata, o Elifaleta, o Ieremai, o Manase, ma Semi;
34 e mai i atalii o Pani, o Maatai, o Amaramo, o Ueli,
35 o Penaia, o Petia, o Kilui,
36 o Vania, o Meremota, o Eliasipa,
37 o Matania, o Matenai, ma Iaasau;
38 e mai i atalii o Penui, o Semi,
39 o Selemia, o Natano, o Ataia,
40 o Makenatipai, o Sasai, o Sarai,
41 o Asareelu, o Selemia, o Semaria,
42 o Saluma, o Amaria, ma Iosefa;
43 e mai i atalii o Nepo, o Ieielu, o Maatatia, o Sapata, o Sapina, o Iatau, o Ioelu, ma Penaia.
44 O i latou uma nei na faiavā i fafine ese,+ ma ua latou aauina ese atu avā faatasi ma fanau.
