Esera 5:1-17
5 Ona faia lea e Hakai+ le perofeta, ma Sakaria+ le atalii o le atalii o Ito+ le perofeta, le valoaga i tagata Iutaia o ē o loo i Iuta ma Ierusalema, i le suafa+ o le Atua o Isaraelu o lē o loo faatasi ma i latou.+
2 O le taimi lea na tulaʻi ai Serupapelu+ le atalii o Salatielu,+ ma Iesua+ le atalii o Iosatako, ma toe fausia le fale o le Atua sa i Ierusalema; ma na faatasi foʻi ma i laʻua perofeta+ a le Atua, e fesoasoani atu iā i laʻua.
3 Ona ō mai lea iā i latou o Tatenai+ le kovana i tala atu o le Vaitafe,+ o Setaraposenai, ma a latou aumea, ua faapea mai iā i latou: “O ai na faatonuina outou e fausia lenei fale ma faaumaina lenei pā?”+
4 Ona latou fai atu lea iā i latou, e faapea: “O ai igoa o tagata o loo faia lenei fale?”
5 O loo silasila+ mai foʻi lo latou Atua i toeaina o tagata Iutaia, ma e leʻi mafai ona latou taofia i latou seʻia oo atu le tala iā Tariu, ma toe auina mai se tusi mai i le tupu e faatatau i lenei mataupu.
6 O le kopi+ lenei o le tusi na auina atu iā Tariu le tupu e Tatenai+ le kovana i tala atu o le Vaitafe,+ o Setaraposenai,+ o ana aumea,+ ma isi kovana na i tala atu o le Vaitafe;
7 ua latou auina atu iā te ia le tusi, ma o upu nei o le tusi:
I le tupu o Tariu:
“Ia iā te oe le filemu+ uma lava!
8 Ia silafia e le tupu, na matou ō atu i le itumalo+ o Iuta i le fale o le Atua+ sili, ma ua fausia i maa tetele, ua tuu foʻi laupapa i pā; ma ua faia ma le maelega lenā galuega, o loo taulau manuia foʻi i o latou lima.
9 Ona matou fesili atu lea i nei toeaina. Ua matou faapea atu iā i latou: ‘O ai na faatonuina outou e fausia lenei fale ma faaumaina lenei pā?’+
10 Na matou fesili atu foʻi i o latou igoa, ina ia o matou tusia igoa o o latou alii sili, ia e silafia ai po o ai i latou.+
11 “Ona latou toe tali mai lea iā i matou e faapea: ‘O i matou o auauna a le Atua o le lagi ma le lalolagi,+ ua matou toe fausia le fale na fausia muamua i le tele o tausaga ua mavae, lea na fausia e se tupu sili o Isaraelu ma faaumaina.+
12 Ae peitaʻi, ona ua faaita+ e o matou tamā le Atua o le lagi, ona ia tuuina atu+ ai lea o i latou i le lima o Nepukanesa+ le tupu o Papelonia, le Kaletaia,+ ma na ia lepeti i lenei fale+ ma ave faapagota le nuu i Papelonia.+
13 Ae peitaʻi, i le tausaga muamua o le nofoaiga a Kuresa+ le tupu o Papelonia, na avatu ai e Kuresa le tupu se faatonuga ina ia toe fausia lenei fale o le Atua.+
14 O mea+ auro foʻi ma siliva o le fale o le Atua na aveina e Nepukanesa mai i le malumalu sa i Ierusalema, ma ave i le malumalu i Papelonia,+ na aumaia e Kuresa le tupu+ o nei mea mai i le malumalu i Papelonia, ma tuuina atu iā Sesepasara,+ o le igoa o le kovana+ na ia tofiaina.
15 Ua ia fai atu iā te ia: “Ia e ave nei mea.+ Inā alu ia ma tuu i le malumalu o loo i Ierusalema, ma ia toe fausia le fale o le Atua i lona tulaga sa iai.”+
16 Ona sau ai lea o Sesepasara ma faataatia faavae o le fale o le Atua+ sa i Ierusalema; ma e mai na aso seʻia oo mai i le asō, ua toe fausia ae e leʻi faamāeʻaina lava.’+
17 “O lenei, afai e lelei i le tupu, ia faia se suʻesuʻega+ i le fale e teu ai oloa a le tupu lenā o loo i Papelonia, pe e faamaoni na faia se faatonuga+ e le tupu o Kuresa, ina ia toe fausia le fale o le Atua i Ierusalema; ma ia auina mai e ia iā i matou se faaiʻuga na faia e le tupu e faatatau i lenei mea.”
