Eseta 3:1-15
3 Ua mavae nei mea, ona faasili lea e le Tupu o Asueru o Hamanu+ le atalii o Hametatu le Akako+ ma faaea iā te ia,+ ua faasili foʻi lona nofoa i lo o isi alii sili uma na faatasi ma ia.+
2 O auauna uma foʻi a le tupu sa i le faitotoʻa+ o le tupu, ua latou punonou ma ifo atu iā Hamanu, auā na poloaʻi atu le tupu ia faia faapea iā te ia. A o Moretekai, e leʻi punou pe ifo o ia.+
3 Ona fai atu lea o auauna a le tupu, o ē na iai i le faitotoʻa o le tupu iā Moretekai: “Aiseā ua e solia ai le poloaʻiga+ a le tupu?”
4 Ua talanoa atu i latou iā te ia i lea aso ma lea aso, ae e leʻi faalogo o ia iā i latou, ona latou taʻu atu lea iā Hamanu ina ia iloa ai pe e tumau+ faiga a Moretekai; auā na ia taʻu atu iā i latou o ia o le Iutaia.+
5 Ua vaaia pea e Hamanu e lē o punou pe ifo atu Moretekai iā te ia,+ ona matuā ita+ ai lea o Hamanu.
6 Ae na ʻinoʻino o ia e faaoo atu lona lima tau lava o Moretekai, auā ua latou faailoa atu iā te ia le nuu o Moretekai; ona saʻili lea o Hamanu e faaumatia+ tagata uma o Iutaia, o le nuu lea o Moretekai,+ na iai i le malo uma o Asueru.
7 I le masina muamua,+ o le masina lea o Nisani, i le tausaga+ lona sefulu lua o le nofoaiga a le Tupu o Asueru, na faia ai le Puro,+ o le Vili+ lea, i luma o Hamanu i lea aso ma lea aso, e mai i lea masina i lea masina e oo i le masina lona sefulu lua, o le masina lea o Atara.+
8 Ona fai atu lea o Hamanu i le Tupu o Asueru: “O loo iai le nuu e tasi ua taapeape+ ma vavaeese mai i tagata o itumalo uma o lou malo;+ e ese a latou tulafono mai i isi nuu uma, ua latou lē faia+ foʻi tulafono a le tupu, ma e lē talafeagai ona tuu ai pea i latou e le tupu.
9 Afai e lelei i le tupu, ia tusia se tusi e faaumatia ai i latou; ou te totogi atu foʻi taleni siliva e sefulu afe+ i lima o ē e faia le galuega+ ina ia avatu i mea e teu ai oloa a le tupu.”
10 Ona aveese lea e le tupu o lana mama+ faamaufaailoga mai i lona lima, ma tuu atu iā Hamanu+ le atalii o Hametatu le Akako,+ o lē e ita i tagata Iutaia.+
11 Ona fai atu lea o le tupu iā Hamanu: “Ua tuuina atu siliva+ iā te oe atoa foʻi ma le nuu, ina ia e faia i ai le mea ua lelei iā te oe.”+
12 Ona valaau lea o failautusi+ a le tupu i le masina muamua i le aso sefulu tolu o le masina, ma tusia tusi+ e tusa ma mea uma na poloaʻi atu ai Hamanu i faipule a le tupu ma kovana sa i itumalo eseese, ma alii sili o nuu eseese o itumalo+ taʻitasi, ina ia tusia tusi+ i a latou lava tusilima, ma gagana a nuu taʻitasi; ona tusia lea o tusi i le igoa+ o le Tupu o Asueru ma faamauina i le mama+ faamaufaailoga a le tupu.
13 Ona aauina atu lea o tusi i itumalo uma a le tupu e ala i avefeʻau,+ ina ia faaumatia, fasiotia, ma faafanoina tagata Iutaia uma, o tauleleʻa faapea ma toeaina, o ē e iti ma fafine, i le aso+ e tasi, o le aso lona sefulu tolu o le masina lona sefulu lua, o le masina lea o Atara,+ ma ia faoa a latou vete.+
14 Na lomia foʻi kopi o tusi e fai ma tulafono+ i itumalo+ uma e tuuina atu i tagata uma, ina ia latou nofosauni mo lea aso.
15 Ona ō atu lea o avefeʻau ua matuā televavave+ lava ona o le upu a le tupu, ma ua tuuina atu foʻi le tulafono i le maota i Susana.+ Ua nonofo i lalo le tupu ma Hamanu e feinu;+ a ua atuatuvale+ le aai o Susana.+
