Eseta 5:1-14
5 I le aso lona tolu,+ na ofu ai Eseta i ofu o le masiofo,+ ona alu atu lea o ia ma tū i le lotoā i totonu+ o le fale o le tupu e feagai ma le fale o le tupu, a o nofo le tupu i lona nofoālii i le fale o le tupu, e feagai ma le faitotoʻa o le fale.
2 Ina ua iloa mai e le tupu le masiofo o Eseta o tū atu i le lotoā, ona ia alofagia+ ai lea o ia, ua faaloaloa mai foʻi e le tupu le tootoo auro+ sa i lona lima iā Eseta. Ona faalatalata atu lea o Eseta ma paʻi atu i le tumutumu o le tootoo.
3 Ona fai mai lea o le tupu iā te ia: “Le masiofo e, Eseta, o le ā se mea e te manaʻo i ai, o le ā foʻi e te talosaga mai ai?+ E tuuina atu lava iā te oe, e oo lava i le ʻafa o le malo!”+
4 Ona fai atu lea o Eseta: “Afai e lelei i le tupu, ia ō mai le tupu ma Hamanu+ i le asō i le taumafataga+ ou te faia mo ia.”
5 Ona fai mai lea o le tupu: “Ia outou fai atu iā Hamanu e vave gaoioi+ e tusa ma le upu a Eseta.” Mulimuli ane, ona ō lea o le tupu ma Hamanu i le taumafataga na faia e Eseta.
6 Ua fai mai le tupu iā Eseta a o faia le taumafataga o le uaina: “O le ā se mea e te ōle mai ai?+ E avatua lava iā te oe! O le ā foʻi e te talosaga mai ai? E faia lava iā te oe, e oo lava i le ʻafa o le malo!”
7 Ona tali atu lea o Eseta, ua faapea atu: “O laʻu ōlega ma laʻu talosaga,
8 Afai e fiafia le tupu iā te aʻu,+ afai foʻi e lelei i le tupu e talia laʻu ōlega ma faia le mea ou te talosaga atu ai, ia maliu mai le tupu ma Hamanu i le taumafataga ou te faia mo i laʻua a taeao, ma o a taeao foʻi ou te faia ai e tusa ma le upu a le tupu.”+
9 Ona alu atu lea o Hamanu i lenā aso ma le olioli+ ma le lotofiafia; ae ina ua vaai atu Hamanu iā Moretekai i le faitotoʻa o le tupu,+ e leʻi tulaʻi o ia+ ma e leʻi gatete foʻi ona o ia,+ ona matuā ita+ ai loa lea o Hamanu iā Moretekai.
10 Ae peitaʻi, sa taofiofi pea e Hamanu lona ita ma alu atu i lona fale. Ona alu atu lea o lana feʻau, ma aumai ana uō ma Seresa+ lana avā;
11 ona faamatala atu lea e Hamanu iā i latou le tele o lona tamaoaiga,+ o lana fanau toʻatele,+ o mea uma ua faasili ai o ia e le tupu, ma le faaeaina o ia i alii sili ma auauna a le tupu.+
12 Ua toe faapea atu Hamanu: “E lē gata i lea, e leai lava se tasi na valaaulia e Eseta i le taumafataga na ia saunia, e na o aʻu lava+ ma le tupu, ma o taeao+ foʻi ua ia toe valaaulia ai i maʻua ma le tupu.
13 Ae e leai lava se aogā o nei mea uma iā te aʻu, pe a ou vaai atu iā Moretekai le tagata Iutaia o nofo mai i le faitotoʻa o le tupu.”
14 Ona faapea mai lea o lana avā o Seresa ma ana uō uma iā te ia: “Ia latou faia se laau+ e lima sefulu kupita le maualuga. Pe a oo i le taeao,+ ia fai atu i le tupu ina ia o latou faatautau ai Moretekai.+ Ona oulua ō ai lea ma le tupu i le taumafataga ma le olioli.” Ua lelei lea mea+ iā Hamanu, ona ia faia ai lea o le laau.+
