Faamasino 20:1-48
20 Mulimuli ane, ona ō atu+ ai lea o le fanauga uma a Isaraelu ma ua faapotopoto le faapotopotoga e pei o se tagata e toʻatasi+ i luma o Ieova i Mesepa,+ e amata mai i Tanu+ e oo i Peresepa,+ e oo atu lava i le nuu o Kiliata.+
2 Ua tutū alii sili o le nuu atoa ma ituaiga uma o Isaraelu i le faapotopotoga o le nuu o le Atua moni,+ o tagata e toʻafā selau afe o ē e savavali ua iai a latou pelu.+
3 Ua faalogo le fanauga a Peniamina ua ō aʻe le fanauga a Isaraelu i Mesepa.+
Ona faapea atu lea o le fanauga a Isaraelu: “Seʻi outou taʻu mai. Na faapefea ona tupu o lenei mea leaga?”+
4 Ona tali mai lea o le tagata sa Levī,+ le tane a le fafine na fasiotia, e faapea: “Na ma ō atu ma laʻu palake+ i Kipea,+ i le nuu o Peniamina, ma te nonofo ai i le pō.
5 Ua tutū mai foʻi tagata o Kipea e ona fanua e tau ma aʻu, ma ua latou siʻomia le fale na ou iai i le pō. Na latou manatu e fasiotia aʻu, ae peitaʻi, na latou faaleagaina+ laʻu palake ma oo ai ina oti o ia.+
6 Ona ou tago atu lea ma pena laʻu palake, ma auina atu o ia i fanua uma o tofi+ o Isaraelu, talu ai ua latou faia lenei mea matagā+ ma le valea i Isaraelu.+
7 Faauta! O outou uma le fanauga a Isaraelu, seʻi fai mai ia so outou manatu ma sa outou filifiliga+ i lenei mea.”
8 Ona tutulaʻi lea o le nuu uma e pei o se tagata e toʻatasi,+ ma faapea: “E leai se tasi o i tatou e toe alu atu i lona faleʻie, e leai foʻi se tasi o i tatou e toe afe ane i lona fale.+
9 O le mea lenei e tatou te faia i Kipea. E tatou te faia le vili+ e filifilia ai tagata e ō aʻe e tau.
10 E tatou te filifilia mai ai tamāloloa e toʻasefulu mai i le toʻaselau o ituaiga uma o Isaraelu, ma le toʻaselau mai i le toʻaafe, ma le toʻaafe mai i le toʻasefulu afe, e saunia meaʻai mo tagata pe a siitaua atu iā Kipea o Peniamina, e tusa ai ma mea matuā matagā+ uma na latou faia i Isaraelu.”
11 Ona faapotopoto faatasi lea o tagata uma o Isaraelu e pei o se tagata e toʻatasi e siitaua atu i le aai.
12 Ua aauina atu e ituaiga o Isaraelu o tane, i tagata uma o ituaiga o Peniamina,+ ua faapea atu: “O le ā lenei mea leaga ua outou faia?+
13 O lenei, ia outou tuu mai na tagata+ amioleaga+ o loo i Kipea,+ ina ia o matou fasioti+ iā i latou, ma faamamā ai le leaga mai iā Isaraelu.”+ Ae e leʻi fia faalogo le fanauga a Peniamina i leo o o latou uso, o le fanauga a Isaraelu.+
14 Ona faapotopoto faatasi lea o le fanauga a Peniamina mai i aai o Kipea, ma siitaua atu i le fanauga a Isaraelu.
15 Ua faitauina e le fanauga a Peniamina i lenā aso mai i aai, o tagata e toʻalua sefulu ono afe e iai a latou pelu,+ e ese mai i ē e nonofo i Kipea, na filifilia mai ai tagata e toʻafitu selau.
16 E mai i nei tagata uma, e toʻafitu selau tagata e lima tauagavale+ na filifilia. O i latou uma nei e matuā tomai i le sasauina o le maatā*+ ae e lē misi.
17 Ua faitauina tagata Isaraelu e aunoa ma Peniamina, e toʻafā selau afe tagata e iai a latou pelu.+ O i latou uma nei o tagata o taua.
18 Ua tutū i latou ma ō aʻe i Peteli, ua latou fesili atu i le Atua.+ Ua faapea atu le fanauga a Isaraelu: “O ai o i matou e taʻimua i le taua ma le fanauga a Peniamina?”+ A ua fetalai mai Ieova: “E taʻimua Iuta.”+
19 Ua mavae lenā mea, ona tutū lea o le fanauga a Isaraelu i le taeao ma tolauapi e siitaua iā Kipea.
20 Ua ō atu tagata Isaraelu e tau ma Peniamina; ma ua faapotopoto faatasi tagata Isaraelu e tau ma i latou i Kipea.
21 Ona ō atu lea o le fanauga a Peniamina mai i Kipea,+ ua fasiotia i lenā aso tagata Isaraelu e toʻalua sefulu lua afe, ma tuu ai e taatitia i le eleele.+
22 Ae na lototetele le nuu o tagata Isaraelu, ma toe faapotopoto faatasi e tau i le nofoaga na latou faapotopoto faatasi ai i le aso muamua.
23 Ona ō aʻe lea o le fanauga a Isaraelu ua fetagisi+ i luma o Ieova ua oo lava i le afiafi, ma fesili atu iā Ieova e faapea: “Ou te toe alu aʻe ea e tau ma le fanauga a Peniamina loʻu uso?”+ Ona fetalai mai lea o Ieova: “Ia e alu aʻe e tau ma ia.”
24 Ona faalatalata atu lea o le fanauga a Isaraelu i le fanauga a Peniamina i le aso lona lua.+
25 Ua ō mai Peniamina mai i Kipea e faafetaiaʻi i latou i le aso lona lua, ma toe fasiotia le isi toʻasefulu valu afe o tagata o le fanauga a Isaraelu ma tuu ai e taatitia i le eleele,+ o i latou uma nei e iai a latou pelu.+
26 Ua ō aʻe le fanauga uma a Isaraelu+ ma le nuu uma ua ō atu i Peteli, ua fetagisi+ ma nonofo ai i luma o Ieova, ua anapopogi+ i lenā aso seʻia oo lava i le afiafi, ma ofo atu taulaga mū+ ma taulaga faifaatasi+ i luma o Ieova.
27 Ona fesili atu lea o le fanauga a Isaraelu iā Ieova,+ auā o i inā sa iai le atolaau o le feagaiga+ a le Atua moni i na aso.
28 I na aso,+ ua tū ai i luma o le Atolaau o Fineaso+ le atalii o Eleasaro, o le atalii lea o Arona, ua fesili atu e faapea: “Ou te toe alu ea e tau ma le fanauga a Peniamina loʻu uso, pe e leai?”+ Ona fetalai mai lea o Ieova: “Inā alu aʻe ia, auā o taeao ou te tuuina atu ai o ia i lou lima.”+
29 Ona faalalafi+ lea e Isaraelu o ʻau e siitaua i itu uma o Kipea.
30 Ua ō aʻe le fanauga a Isaraelu e siitaua i le fanauga a Peniamina i le aso lona tolu, ma ua faapotopoto faatasi e tau ma Kipea e pei o isi taimi.+
31 Ina ua ō atu le fanauga a Peniamina e faafetaiaʻi le nuu, ona tataʻi ese ai lea o i latou mai i le aai.+ E pei o isi taimi, ua latou fasiotia nisi o tagata na manunuʻa i ala tetele pe tusa ma le toʻatolu sefulu i Isaraelu,+ o le tasi o ala tele e alu aʻe i Peteli,+ ma le isi e agaʻi i Kipea+ i le fanua.
32 Ua faapea ane foʻi le fanauga a Peniamina: “Ua toe toʻilalo i latou e pei ona iai muamua.”+ A ua faapea ane le fanauga a Isaraelu: “Inā tatou sosola+ ia ina ia tataʻi ese mai ai i latou mai i le aai i ala tetele.”
33 Ona tutū lea o tagata Isaraelu mai i mea sa iai, ma ua faapotopoto faatasi i Paala-tamara, a o ʻau na lalafi+ a tagata Isaraelu, ua osofaʻi mai i mea sa iai i le fanua o Kipea.+
34 Ona ō ane lea o tagata e toʻasefulu afe na filifilia mai iā Isaraelu i luma o Kipea, ua tetele le taua; ma ua lē iloa foʻi e tagata Peniamina ua oo mai le malaia+ iā i latou.
35 Ua faatoʻilalo e Ieova o Peniamina+ i luma o Isaraelu, ona matuā faaumatia lea e le fanauga a Isaraelu i lenā aso o tagata Peniamina e toʻalua sefulu lima afe ma le selau, o i latou uma nei e iai a latou pelu.+
36 Peitaʻi, ua manatu le fanauga a Peniamina, ua toʻilalo tagata Isaraelu ona o le solomuli soo+ iā Peniamina, auā sa latou faalagolago i ʻau na lalafi e latalata i Kipea.
37 Ua vave gaoioi ʻau na lalafi, ua latou osofaʻi atu e agaʻi i Kipea.+ Ona salalau atu lea o ʻau na lalafi+ ma fasia le aai atoa i le pelu.+
38 Ona faia lea e tagata Isaraelu se fuafuaga ma ʻau na lalafi, ina ia latou faia se faailoilo ia faamū se afi, ma alu aʻe ai le asu mai i le aai.+
39 Ina ua liliu mai le fanauga a Isaraelu i le taua, ona fasia lea e Peniamina ma manunuʻa ai tagata o Isaraelu+ pe tusa e toʻatolu sefulu, auā ua latou faapea ane: “Ua matuā toʻilalo i latou i o tatou luma, e pei ona tupu i le taua muamua.”+
40 Ona alu aʻe lea o le faailoilo+ mai i le aai e pei o se asu faaniutū.+ O lea, ina ua faliu i tua Peniamina, faauta! ua alu aʻe i le lagi+ le mū o le aai atoa.
41 Ua toe liliu+ mai tagata Isaraelu, ma ua atuatuvale+ tagata Peniamina, auā ua latou iloa ua oo mai iā i latou le malaia.+
42 Ona latou liliu lea i luma o tagata Isaraelu e agaʻi atu i le toafa, ua latalata atu le tuliloaga o le taua iā i latou, ua fasia i latou e tagata o aai a o iai ma i latou.
43 Ua latou siʻosiʻomia Peniamina.+ Ua latou lē mālōlō+ mai i le tuliloaina o ia. Ua latou soli o ia e feagai ma Kipea,+ e agaʻi atu i le mea e oso aʻe ai le lā.
44 E toʻasefulu valu afe tagata Peniamina na fasiotia, o i latou uma o tagata totoa.+
45 Ona latou liliu lea ma sosola i le toafa i le papa o Rimoni.+ Ua latou aoaoina foʻi tagata e toʻalima afe i ala tetele,+ ma tuliloa atu pea i latou e oo atu i Kitoma, ma fasiotia isi o latou tagata e toʻalua afe.
46 O i latou uma foʻi o Peniamina na fasiotia i lenā aso, na oo atu lava i le toʻalua sefulu lima afe o tagata e iai a latou pelu,+ o i latou uma o tagata totoa.
47 A ua liliu ma sosola tagata e toʻaono selau i le toafa i le papa o Rimoni, ua nonofo ai pea i le papa o Rimoni+ i masina e fā.
48 Ua toe foʻi atu tagata o Isaraelu e tau ma le fanauga a Peniamina, ma fasiotia i latou o loo i le aai i le pelu, e amata mai i tagata e oo i manu, ma mea uma o loo maua ai.+ Na latou susunuina foʻi i le afi+ aai uma na maua.
Faamatalaga Pito i Lalo
^ I le gagana Eperu, e “sasau le maatā i le lauulu.”
