Faataoto 5:1-23
5 Loʻu atalii e, inā faalogo mai ia i loʻu atamai.+ Inā uaʻi mai ia ou taliga i laʻu faautaga loloto,+
2 ina ia leoleoina ai le mafaufau lelei;+ ma ia leoleo e ou lava laugutu le poto.+
3 Auā o laugutu o le fafine ese ua pei o le sisina ifo o le meli mai i le faamoega lagomeli,+ e sili ona molemole ona laugutu nai lo o le suāuu.+
4 Ae o le iʻuga e maua mai iā te ia e oona e pei o se laau oona;+ e maʻai e pei o le pelu e faataumaʻai ona itu.+
5 E ō ifo ona vae i le oti.+ E taunuu foʻi ona laasaga i le Tuugamau.*+
6 E leʻi manatunatu o ia i le ala o le ola.+ Ua fesēaʻi ona laasaga ua ia lē iloa po o fea e agaʻi i ai.+
7 O lenei le fanau e, inā faalogo mai ia iā te aʻu+ ma aua neʻi liliuese mai i upu a loʻu gutu.+
8 Ia faamamao ese lou ala mai i lea fafine, ma aua e te faalatalata atu i le faitotoʻa o lona fale,+
9 ina ia lē tuuina atu lou mamalu i isi,+ po o ou tausaga i le sauā;+
10 ina ia lē faamalieina ai e tagata ese i latou lava i au oloa,+ pe e iai i le fale o le tagata ese mea na e tigāina e maua,+
11 pe e te ōi i lou lumanaʻi+ pe a oo mai le iʻuga o lou olaga ma lou tino atoa.+
12 Ona e faapea ane lea: “Sa ou matuā ʻinoʻino i le aʻoaʻoina+ ma na teena e loʻu loto aʻoaʻiga!+
13 Ou te leʻi faalogo i leo o ē na aʻoaʻoina aʻu,+ ma e leʻi uaʻi atu loʻu taliga i oʻu faiaʻoga.+
14 Na faigofie ona ou iai i mea leaga uma,+ i totonu o le faapotopotoga ma le fono.”+
15 Ia inu vai mai i lou lava vaieli, ma le vai e sisina mai i lou lava vaipuna.+
16 Pe e tatau ea ona faataapeape solo ou vaipuna i fafo o lou faitotoʻa,+ ma tafe atu ou vai i nofoaga faitele?
17 Ia fai mo oe lava ia vai, ae e lē o tagata ese faatasi ma oe.+
18 Ia manuia lou vaipuna,+ ma ia e fiafia i lau avā na fai a o e tauleʻaleʻa,+
19 o se ʻaila pele ma o se ʻoti o le mauga o ia e matagofie.+ Ia matuā faamalieina oe i ona susu i taimi uma.+ Ia e matuā fiafia pea foʻi i lona alofa.+
20 Loʻu atalii e, aiseā e te matuā fiafia ai i se isi fafine pe fusi le fatafata o se fafine ese?+
21 Auā o ala o le tagata ua i luma o fofoga o Ieova,+ ma e na te manatunatu i ona ala uma.+
22 O ana amio sesē e maua ai lava le tagata leaga,+ ma e fusia o ia i maea o lana lava agasala.+
23 O le a oti o ia ona ua leai se aʻoaʻiga,+ ma ona o le tele o lona faavalevalea ua sesē ai o ia.+
Faamatalaga Pito i Lalo
^ Tagaʻi i le Faaopoopoga e 6.
