Failauga 10:1-20
10 O lago mamate e elo ma masa ai le suāuu a le tagata fai suāuu.+ E faapena foʻi le valea itiiti i lē ua faaaloalogia ona o lona atamai ma lona mamalu.+
2 O le loto o le tagata atamai ua i lona lima taumatau,+ a o le loto o le tagata valea ua i lona lima tauagavale.+
3 O so o se ala foʻi e savali ai le tagata valea ua leai se faautaga loloto i lona loto,+ ma ua ia faapea atu i tagata uma o ia o le vale.+
4 Afai e tupu le ita* o le tupu faasaga iā te oe, aua e te tuua le mea ua e iai,+ auā o le toʻafilemu e fai ifo ai agasala e tele.+
5 Ua iai le mala na ou vaaia i lalo o le lā e pei o se mea sesē+ ua tupu mai i se taʻitaʻi:+
6 Ua tofia tagata vālea i le tele o tulaga maualuluga,+ a ua nonofo tagata mauʻoa i se tulaga maulalo.
7 Ua ou vaai i auauna o loo tiʻetiʻe i solofanua a ua savavali perenise i le laueleele e pei o ni auauna.+
8 O lē na te eliina le lua e toe paʻū lava i ai o ia;+ ma o lē o loo talepeina se pā maa, e ono ūina o ia e se gata.+
9 O lē na te eliina maa e ono toe tigā ai o ia. O lē na te taisi ogālaau e ao ona faaeteete i ia mea.+
10 Afai e matatupa se toʻi ma e leʻi faamaʻaia e se tasi le mata,+ e ao ona ia faaaogā lona malosi atoa. O le faaaogā tatau o le atamai e maua ai iʻuga lelei.+
11 Afai e ū e le gata ae e leʻi faaʻoleʻoleina i faiga faataulāitu,+ ua leai la se aogā o lē e poto lona laulaufaiva e faaʻoleʻole ai.
12 O upu a le gutu o le tagata atamai e logoleleia ia,+ a o laugutu o le tagata valea e fano ai o ia.+
13 O le amataga o upu mai i lona gutu e valea lea,+ ma o le iʻuga foʻi o upu mai i lona gutu o le valea e malaia ai.
14 E tele naʻuā tala a le tagata valea.+
E lē iloa e le tagata le mea o le a oo mai; ma o ai e mafai ona taʻu atu iā te ia mea o le a tutupu pe a mavae atu o ia?+
15 O galuega mamafa a ē e vālea e vaivai ai i latou,+ auā e leai se tasi e iloa pe faapefea ona alu atu i le aai.+
16 Le atunuu e, o le a faapefea oe, pe afai o se tamaitiiti lou tupu+ ma ua taumamafa pea ou perenise a o faagasolo le taeao?
17 Le atunuu e, e fiafia oe pe afai o lou tupu o se alo mai i le aigātupu, ma e taumamafa foʻi ou perenise i le taimi talafeagai ina ia malolosi ai, ae e lē o le soona inu i le ʻava.+
18 O le matuā paiē e goto ai laau faalava, ma o le lē faagaoioi o lima e tutulu ai le fale.+
19 O meaʻai e toē ai le ʻaufaigaluega, ma o le uaina e fiafia+ ai i le olaga; a o le tupe e aogā i mea uma.+
20 E oo foʻi i totonu o lou potumoe aua e te faia ai se tala leaga e faatatau i le tupu,+ aua foʻi e te faia se tala leaga i ē ua mauʻoa i potu i totonu o loo e taoto ai;+ auā e faasalalau atu e se manulele o le lagi au tala ma e toe taʻu atu e se mea fai apaʻau au tala.+
Faamatalaga Pito i Lalo
^ I le gagana Eperu ruʹach, e faasino atu i mafaufauga o le tagata.
