Failauga 3:1-22
3 E iai le taimi e atofaina mo mea uma,+ e iai foʻi le taimi mo mea uma e tutupu i lalo o le lagi:
2 o le taimi e fanau+ mai ai ma le taimi e oti ai;+ o le taimi e totō ai ma le taimi e liaʻiina ai mea na totō;+
3 o le taimi e fasioti+ ai ma le taimi e toe malosi ai;+ o le taimi e lepeti ai ma le taimi e fausia ai;+
4 o le taimi e tagi+ ai ma le taimi e ʻataʻata ai;+ o le taimi e tagituʻi+ ai ma le taimi e osooso+ ai ma le fiafia;
5 o le taimi e lafoaʻi ese ai maa+ ma le taimi e toe faaputu ai maa;+ o le taimi e fusifusi+ ai ma le taimi e lē fusifusi ai;+
6 o le taimi e saʻili+ ai ma le taimi e tuu ai ua leiloa; o le taimi e tausi ai ma le taimi e lafoaʻi ai;+
7 o le taimi e saeia+ ai ma le taimi e suʻi faatasi ai;+ o le taimi e filemu+ ai ma le taimi e tautala ai;+
8 o le taimi e alofa ai ma le taimi e ʻinoʻino ai;+ o le taimi o le taua+ ma le taimi o le filemu.+
9 O le ā le aogā i lē o loo faigaluega e galue mamafa ai i lana galuega?+
10 Na ou vaai i galuega na tuuina mai e le Atua i le fanau a tagata, ina ia tele ai a latou mea e fai.+
11 O mea uma ua ia faia ia matagofie, ua faia i lona lava taimi.+ Ua ia tuu le faavavau i o latou loto,+ ina ia suʻesuʻeina pea e tagata galuega a le Atua na ia faia mai i le amataga e oo i le iʻuga.+
12 Ua oo ina ou iloa e leai se mea e sili atu mo i latou, nai lo o le olioli ma faia le mea lelei i le olaga o se tasi;+
13 i le ma lea, ia taʻitasi le tagata ma ʻai ma inu ma fiafia i mea lelei ona o ana galuega mamafa uma.+ O le meaalofa lea mai i le Atua.+
14 Ua oo ina ou iloa o mea uma ua faia e le Atua moni, e faavavau ia.+ E leai se mea e faaopoopo i ai e leai foʻi se mea e toese mai;+ a ua faia e le Atua moni lava ia,+ ina ia matataʻu ai tagata iā te ia.+
15 O le mea ua tupu, sa tupu muamua, ma o le mea o le a tupu, ua uma ona tupu;+ e silasila pea le Atua moni+ i le lelei o ē ua tuliloaina.+
16 Na atili foʻi ona oʻu iloa i lalo o le lā, o le mea e ao ona iai le faamasinotonu, ua iai le amioleaga, o le mea e ao ona iai le amiotonu, ua iai le amioleaga.+
17 Ua ou faapea ifo i loʻu loto:+ “O le a faamasinoina e le Atua moni o lē e amiotonu ma lē e amioleaga,+ auā ua iai i le Atua le taimi mo mea uma e tutupu ma galuega uma.”+
18 O aʻu, ua ou faapea ifo i loʻu loto e tusa ai ma le fanau a tagata o ē o le a tofotofoina e le Atua moni, ina ia latou iloa ua tusa i latou ma manu.+
19 Auā o le iʻuga e oo i le fanau a tagata, o le iʻuga foʻi lea e oo i manu, e tutusa iʻuga e oo iā i latou uma.+ E pei ona mate o le tasi, e faapena foʻi ona oti o le isi;+ e tasi le agaga*+ iā i latou uma, e leai se mea e sili ai le tagata i lo o le manu, auā e faatauvaa mea uma.
20 E ō uma i latou i le mea e tasi.+ O i latou uma e mai i le efuefu,+ e toe foʻi atu i latou uma i le efuefu.+
21 O ai sē na te iloa pe alu aʻe i luga le agaga* o le fanau a tagata; ma pe e alu ifo i le eleele le agaga o le manu?+
22 Ua oo ina ou iloa e leai se mea e sili atu i lo o le olioli o le tagata i lana galuega,+ auā o lona taui lea; auā o ai o le a toe aumaia o ia e vaavaai i mea o le a tutupu pe a mavae atu o ia?+
