Failauga 5:1-20
5 Ia e faaeteete i ou vae+ pe a e alu i le fale o le Atua moni; ia faalatalata atu e faalogo,+ nai lo o le avatu o taulaga e pei ona faia e tagata vālea,+ auā latou te lē o iloa e leaga le mea o loo latou faia.+
2 Aua e te vave tautala atu; aua foʻi le faataalise lou loto+ e fai atu se upu i luma o le Atua moni.+ Auā ua afio le Atua moni i le lagi+ a ua e iai i le lalolagi. O le mea lea e ao ai ona itiiti au upu.+
3 O le tele o mea e atugalu ai e tupu ai le miti,+ ma o le tele foʻi o upu e iloa ai le leo o le tagata valea.+
4 Pe a e faia se tautoga i le Atua, aua e te faatuai ona avatu, auā e leai se isi+ e fiafia i ē e valelea.+ O le mea ua e tautō ai, ia e avatu.+
5 E sili ona lelei ona e lē tautō+ nai lo o lou tautō ae e lē avatua.+
6 Aua e te tuu atu lou gutu e agasala ai lou tino,+ aua foʻi e te fai atu i luma o le agelu+ o se mea sesē lea mea.+ Aiseā e toʻatamaʻi ai le Atua moni ona o lou leo ma lepetia ai le galuega a ou lima?+
7 Auā o le tele o mea e atugalu ai e tutupu ai miti,+ e tele ai foʻi upu ma mea faatauvaa. A ia mataʻu i le Atua moni lava ia.+
8 Afai e te vaai i le sauāina o lē e itiiti ana mea ma le aveesea faamalosi o le faamasinoga+ ma le amiotonu i se itumalo, aua e te ofo i ia mea,+ auā o loo vaai mai lē e sili+ ona maualuga i lē e maualuga,+ ma ua iai i latou o ē e sili ona maualuluga iā i latou.
9 I le ma lea, ua iai i tagata uma polofiti o le lalolagi;+ ua galueaʻiina foʻi le fanua ina ia tausia ai le tupu.+
10 O lē e fiafia i siliva, e lē faamalieina i siliva, o lē e fiafia i le ʻoa e lē faamalieina i ana tupe maua.+ O le mea faatauvaa foʻi lea.+
11 Pe a tele mea lelei, o le a toʻatele foʻi i latou e aai ai.+ O le ā se aogā i le tagata aloaʻia e ona nei mea, ae e na o le vaai atu i ai o ona mata?+
12 E manaia le moe+ a lē e faigaluega, e tusa lava pe itiiti pe tele ana mea e ʻai; a o le tele o mea a le tagata mauʻoa e lē mafai ai ona moe o ia.
13 Ua iai le mala matuiā ua ou vaaia i lalo o le lā: ua teua ʻoa mo le tagata aloaʻia lea e ana ia ʻoa e tigā ai o ia.+
14 Ae ua faaumatia ia ʻoa+ ona o se galuega lē manuia, ma ua fanaua e ia se atalii a ua leai ma se mea i lona lima.+
15 E pei ona fanau lē lavalavā mai se tasi mai i le manava o lona tinā, o le a alu atu lē lavalavā+ o ia e pei ona sau ai; ma e leai se mea e ave+ e ia mai i lana galuega mamafa, lea e mafai ona ia ave i lona lima.
16 O se mala matuiā foʻi lenei mea: e pei ona sau o se tasi e faapea foʻi ona alu o ia; o le ā le aogā i le tagata e galue mamafa ai mo le matagi?+
17 O ona aso uma e ʻai ai o ia i le pogisa, ma le lototigā tele,+ ma lona maʻi, ma mea e ita ai.
18 Faauta! O le mea sili ua ou vaai i ai lea e matagofie, e ao i se tasi ona ʻai ma inu, ma vaai i mea lelei o ana galuega mamafa uma+ ua ia galue mamafa ai i lalo o le lā, i aso uma o lona olaga, ia ua tuuina mai e le Atua moni iā te ia, o lona taui lea.
19 O tagata taʻitoʻatasi uma ua tuuina mai i ai e le Atua moni o le tamaoaiga ma meafaitino,+ o Ia foʻi ua mafai ai ona ʻai le tagata mai i ia mea+ ma ave lona taui ma olioli i lana galuega mamafa.+ O le meaalofa lea mai i le Atua.+
20 Auā e seāseā ona ia mafaufau i aso o lona olaga, auā ua faatumuina pea e le Atua moni lona loto i le olioli.+
