Filipi 3:1-21
3 Oʻu uso e, o le toe upu lenei, ia faaauau pea ona outou olioli i le Alii.+ E lē faigatā iā te aʻu ona tusi atu o ia lava mea iā te outou, ae peitaʻi e mo lo outou saogalemu.
2 Ia faaeteete i taʻifau,+ ia faaeteete i tagata e faia mea e tigā ai, ia faaeteete foʻi iā i latou o ē e peritomeina le tino.+
3 Auā o i tatou o ē ua peritomeina moni,+ o loo faia le auaunaga paia e ala i le agaga o le Atua,+ ma ua tatou mitamita ai iā Keriso Iesu,+ e tatou te lē o faatuatuaina foʻi lo tatou tulaga faaletino,+
4 ae afai e iai se tasi e iai ni māfuaaga e faatuatuaina ai lona tulaga faaletino, o aʻu lea.
Afai foʻi e iai se tagata e manatu e iai ni māfuaaga e faatuatuaina ai lona tulaga faaletino, e sili lava aʻu:+
5 na peritomeina aʻu i le aso lona valu,+ e tupuga mai i le aiga o Isaraelu i le ituaiga o Peniamina,+ o le Eperu na fanau mai i mātua Eperu;+ o le Faresaio+ foʻi e tusa ma le tulafono;
6 ona o le maelega, na ou sauā ai i le faapotopotoga,+ e tusa ma le amiotonu e ala i le tulafono, e leʻi taʻuleagaina ai aʻu.
7 Ae o mea tāua uma na ou maua, ua ou lotomalie e lafoaʻi ona o Keriso.+
8 O lenei foʻi, e moni lava, ua ou lotomalie e lafoaʻi ia mea ona o le silisili ese o le poto o Keriso Iesu loʻu Alii.+ O ia foʻi, ua ou lafoaʻia ai nei mea uma ma ua ou manatu o otaota+ ia mea, ina ia ou maua Keriso
9 ma ia autasi ma ia, e lē o saʻu lava amiotonu e tusa ma le tulafono,+ ae o le amiotonu e ala i le faatuatua+ iā Keriso, o le amiotonu lea mai i le Atua ona o le faatuatua,+
10 ina ia iloa ai o ia ma le mana o lona toetū mai,+ ma ia tofusia faatasi i ona tigā,+ ma ou lolo atu ai i le oti e pei o lona maliu,+
11 ina ia iloa ai pe e mafai lava ona ou maua le uluaʻi toetū+ mai i le oti.
12 E lē faapea ua ou maua le taui po o ua ou lelei atoatoa foʻi,+ ae o loo oʻu tausinio+ ina ia iloa pe e mafai ona ou mauaina+ le mea na maua+ ai foʻi aʻu e Keriso Iesu.
13 Uso e, ou te lē o manatu iā te aʻu faapea ua ou maua le taui, ae tasi le mea e tāua: O le faagalo lea o mea ua tuanaʻi,+ ae tepa taulaʻi atu i mea o i le lumanaʻi,+
14 ua ou tausinio i le sini,+ o le taui+ lea o le valaau faalelagi+ mai i le Atua, e ala iā Keriso Iesu.
15 O lea, o le toʻatele o i tatou ua avea ma tagata matutua,+ seʻi faapena foʻi ona tatou manatunatu,+ ma afai foʻi e ese so outou manatu i se isi mea, e faaalia lava e le Atua le manatu saʻo iā te outou.
16 O lea la, po o le ā lava le tele o lo tatou agaʻigaʻi i luma, ae seʻi o tatou faaauau ona savavali ma le maopoopo+ e tusa ma lea lava masani.
17 Le ʻauuso e, ia outou autasi e faaaʻoaʻo+ mai iā te aʻu, ma ia outou vaavaai iā i latou o savavali e ōgatusa ma le faaaʻoaʻoga na matou faia iā te outou.+
18 Sa masani ona ou taʻua le toʻatele o tagata, a o lenei ua ou taʻua i latou ma le tagi, auā o loo latou savavali o ni fili o le laau na faapuapuagatia* ai le Keriso,+
19 o lo latou iʻuga o le faaumatiaga lea,+ o lo latou atua o le manava lea,+ o lo latou mamalu o le mea e māsiasi ai,+ e mafaufau foʻi i latou i mea o i lenei lalolagi.+
20 A o i tatou, o tagatānuu+ o le lagi,+ o i inā e tatou te faatalitali ai ma le naunau+ mo se faaola, o le Alii o Iesu Keriso,+
21 o lē na te toe suia o tatou tino+ faatauvaa ina ia pei o lona tino mamalu,+ e tusa ma le gaoioiga+ a lona mana, ma oo foʻi ina faatoʻilaloina+ e ia o mea uma lava iā te ia.
