Galuega 14:1-28
14 A o iai i Ikonio,+ ona la ulufale faatasi atu lea i le sunako+ o tagata Iutaia, ma o lo la tautatala atu i upu faaoso naunau, ua talitonu ai le toʻatele o tagata Iutaia atoa ma Eleni.+
2 A o tagata Iutaia e leʻi talitonu, ua latou faaita+ ma faasesēina tagata o nuu ese ina ia tetee atu i le ʻauuso.+
3 O le mea lea, ua umi ai se taimi o la tautatala atu ma le lototetele e ala i le pule mai iā Ieova, o lē ua molimau i le upu o lona agalelei faifua, i le tuuina atu iā i laʻua e faia e o la lima+ faailoga ma mea ofoofogia.
4 Ae ua vaeluaina le toʻatele o tagata o le aai, o isi ua ʻau i tagata Iutaia, a o isi ua ʻau i aposetolo.
5 Ona taupulepule lea o tagata o nuu ese ma Iutaia atoa ma o latou taʻitaʻi, ina ia sauāina ma fetogi i laʻua i maa,+
6 ma ina ua la iloa lenei mea, ona la sosola+ ai lea i aai o Lukaonia, o Lusa, o Teipe, ma nuu tuaoi;
7 ma ua la folafola atu ai pea le tala lelei i inā.+
8 E nofo i Lusa se tasi tamāloa e pipili talu ona fanau mai,+ ma e leʻi savali lava o ia.
9 O loo faalogologo mai lenei tagata a o tautala Paulo ma pulatoʻa atu iā te ia, ona ia iloa ai lea, o loo i lenei tagata le faatuatua+ e malosi ai,
10 ma ua faapea atu ma le leotele: “Ia tū saʻo i luga.” Ona oso lea o ia i luga ma savali.+
11 Ina ua vāai atu le motu o tagata i le mea ua faia e Paulo, ona latou alalaga atu lea i le gagana Lukaonia: “Ua liutagata atua,+ ma ua ō ifo iā i tatou!”
12 Ua latou faaigoa Panapa iā Seu, a o Paulo iā Hereme, ona o ia lea o loo taulamua e tautala atu.
13 Ona aumai ai lea e le faitaulaga a Seu, lea e ona le malumalu o loo tū i luma o le aai, o povi ma pale i le faitotoʻa ma ua manaʻo e ofo atu taulaga+ faatasi ma le motu o tagata.
14 Peitaʻi, ina ua faalogo i ai aposetolo o Panapa ma Paulo, ona la saeia lea o o la ofu ma feosofi atu i le motu o tagata, ua alalaga atu
15 e faapea: “Alii e, aiseā ua outou faia ai nei mea? O i maʻua foʻi o ni tagata+ e iai vaivaiga+ e pei lava o outou, ua ma folafola atu le tala lelei iā te outou, ina ia outou liliuese mai i nei mea lē aogā,+ ae liliu atu i le Atua soifua,+ o lē na faia le lagi+ ma le lalolagi, ma le sami, ma mea uma ua iai.
16 Na ia tuu i le faitalia a nuu ese i tupulaga ua mavae, e savavali i o latou lava ala,+
17 ae o le mea moni, na ia saunia se molimau i mea lelei+ na ia faia, auā na ia foaʻi mai le timu+ mai i le lagi ma fuata o le tau, na foaʻi mai foʻi le anoanoaʻi o meaʻai ma ua tutumu ai o outou loto i le olioli.”+
18 Peitaʻi, e ui lava ina la fai atu nei mea, ae e toetoe lava a lē mafai ona la taofia le motu o tagata, mai i le faia o taulaga iā i laʻua.
19 Ae ua taunuu ane tagata Iutaia mai i Anetioka ma Ikonio, ma latou faaoso i le motu o tagata.+ Ona latou fetogi ai lea o Paulo i maa ma toso o ia i tua o le aai, ma le manatu ua oti o ia.+
20 Peitaʻi, ina ua siʻosiʻomia o ia e le ʻausoo, ona ia tū lea i luga ma alu atu i le aai. I le aso na sosoo ai, ua la ō atu ai ma Panapa i Teipe.+
21 Ina ua uma ona la folafolaina atu le tala lelei i lenā aai, ma maua mai ai le tele o soo,+ ona la toe foʻi lea i Lusa, Ikonio, ma Anetioka.
22 Ua la faamalosia loto o le ʻausoo,+ ma faalaeiauina i latou ina ia tumau i le faatuatua ma faapea atu: “E tatau ona tatou sao atu i le malo o le Atua i le tele o puapuaga.”+
23 Ua la tofia toeaina+ mo i latou i faapotopotoga taʻitasi, ua tatalo ma anapopogi,+ ma ua la tuuina atu i latou iā Ieova,+ o lē ua latou talitonu i ai.
24 Ua la ui atu foʻi i Pisitia ma oo atu ai i Pafulia,+
25 ma ina ua uma ona folafola atu le upu i Pereka, ona la ō ifo ai lea i Ataleia.
26 Ua la folau atu foʻi mai i inā i Anetioka,+ lea na tuuina atu ai i laʻua i le agalelei faifua o le Atua mo le galuega lea ua la faataunuuina.+
27 Ina ua taunuu i laʻua, ona la faapotopoto faatasi lea o le faapotopotoga, ma faamatalaina+ atu le tele o mea na faia e le Atua e ala iā i laʻua, ma ua ia tatalaina le faitotoʻa o le faatuatua mo nuu ese.+
28 E tele foʻi aso ua la nonofo ai ma le ʻausoo.
