Hosea 10:1-15
10 “O Isaraelu o se vine ua faasolo ina pala.+ Ua ia fuaina mai pea ni fua e fai mo ia.+ O le tele o ona fua o le tele foʻi lea o ona fata faitaulaga.+ O le tele o le lauusiusi o ona laueleele, o le tele foʻi lea o le mananaia o ona poutū paia.+
2 Ua faalotolotolua i latou;+ ma ua nofosala nei i latou.
“Ua iai lē o le a lepetiaina a latou fata faitaulaga; ma e na te faaleagaina foʻi o latou poutū paia.+
3 Auā o lenei, o le a latou faapea ane, ‘Ua leai so tatou tupu,+ auā ua tatou lē matataʻu iā Ieova. A o le tupu, o le ā se mea e na te faia mo i tatou?’
4 “Ua latou tautatala i upu, ua faia tautoga+ pepelo, ua osia feagaiga;+ ua tutupu faamasinoga lē tonu e pei o se laau oona i le fanua ua suatia.+
5 E fefefe o ē o loo nonofo i Samaria ona o le tupua o le tamaʻi povi a Petavene;+ e faavauvau lava i ai ona tagata, e faapea foʻi ona ositaulaga e tapuaʻi i atua ese, o ē sa fiafia i ai ona o lona mamalu, auā o le a aveesea ai mai i tagata ma avatu i se isi atunuu.+
6 E avea foʻi lenei tupua i Asuria e fai ma meaalofa i se tupu malosi.+ E māsiasi Efaraima lava ia,+ ma e mā foʻi Isaraelu ona o ana faufauga.+
7 E faaumatia Samaria ma lona tupu,+ e pei o se fasi lā laau ua gau i luga o vai.
8 E faatamaʻia mea maualuluga o Petavene,+ o le agasala lea a Isaraelu.+ E tutupu aʻe laau tuitui ma laau talatala+ i o latou fata faitaulaga.+ Ona alalaga atu lea o tagata i mauga, ‘Mafuli mai ia iā i matou!’ ma aʻega, ‘Ia tanumia i matou!’+
9 “Isaraelu e, ua e agasala talu mai aso o Kipea.+ Ua latou tutumau ai. E leʻi matuā faatoʻilaloina atalii amiolētonu i le taua na tau faasaga iā i latou i Kipea.+
10 Pe a ou loto i ai ou te aʻoaʻia i latou.+ O le a faapotopotoina foʻi tagata e faasagatau iā i latou, pe a latou amo faatasi i a latou agasala e lua.+
11 “O Efaraima o le povi fafine ua uma ona aʻoaʻoina,+ e fiafia e soli saito; a o aʻu, ua ou tuuina se amo i luga o lona ua manaia. Ou te faatiʻetiʻe se tasi iā Efaraima.+ E suaina e Iuta+ le fanua; e suatia foʻi e Iakopo le fanua mo ia.+
12 Ia outou lūlū fatu mo outou lava i le amiotonu;+ ia selesele e tusa ai ma le alofa faamaoni.+ Ia outou suatia fanua+ lelei manū o iai pea le taimi ina ia saʻili ai iā Ieova, seʻia afio mai o ia+ ma avatu faatonuga i le amiotonu iā te outou.+
13 “Ua outou suatia le amioleaga.+ Ua outou selesele mai le amiolētonu.+ Ua outou ʻaina le fua o le taufaasesē,+ auā ua e faatuatua i lou ala,+ i le toʻatele o ou tagata malolosi.+
14 Ua tupu le vāvāō i lou nuu,+ ma o le a faoa ou aai malupuipuia uma,+ e pei ona faoa e Salemana o Petarepelu i le aso o le taua, ina ua fasiotia ma le sauā se tinā faatasi ma lana fanau tama.+
15 Peteli e, e faapea foʻi ona faia e se isi iā te outou, ona o le tele o lo outou leaga.+ O le a faaumatia lava le tupu o Isaraelu i le vaveao.”+
