Hosea 2:1-23
2 “Ia fai atu i o outou uso, ‘Loʻu nuu e!’+ ma fai atu i o outou tuafāfine, ‘O oe le fafine e, o lē ua faaalia i ai le alofa mutimutivale!’+
2 Ia faia se moliaga faasaga i lo outou tinā;+ ia molia o ia auā e lē o ia o saʻu avā,+ ma e lē o aʻu o sana tane.+ E ao ona ia lafoaʻia ana faitaaga mai iā te ia, ma ana mulilua mai i le va o ona susu,+
3 neʻi oʻu faatelenoa iā te ia,+ ma tuu o ia e pei o le aso na fanau mai ai,+ ma fai o ia e pei o se toafa,+ ma tuua e pei o se laueleele ua leai se vai+ ma fasiotia o ia i le fia inu.+
4 Ou te lē alofa mutimutivale+ i ana fanau tama, auā o i latou o fanau o le faitaaga.+
5 Auā ua faitaaga lo latou tinā.+ O ia lea na tō iā i latou, na amio matagā,+ auā ua ia faapea ane, ‘Ou te fia mulimuli i ē e mananaʻo iā te aʻu,+ o ē e aumaia iā te aʻu laʻu falaoa ma laʻu vai, o laʻu fulufulu mamoe, o laʻu ʻie lino, o laʻu suāuu ma laʻu meainu.’+
6 “O lea, ou te pupuni lou ala i laau tuitui; ou te atiaʻe se pā maa+ ina neʻi maua e ia ona ala.+
7 E tuliloa e ia o ē e mananaʻo iā te ia ae na te lē mauaina i latou;+ o le a ia saʻili mo i latou, ae na te lē mauaina. O le a ia faapea ane, ‘Ou te manaʻo ou te toe foʻi i laʻu tane,+ o laʻu tane muamua,+ auā sa sili ona ou manuia ai i lenā taimi nai lo o le taimi nei.’+
8 A ua lē amanaʻiaina+ e ia o aʻu na tuuina atu iā te ia o fatu,+ ma le uaina suamalie, ma le suāuu, o aʻu foʻi na faateleina ana siliva ma auro, na faaaogā e le nuu mo Paala.+
9 “‘O lea, o le a ou toe foʻi i ai ma aveese aʻu fatu i le taimi o le seleselega ma laʻu uaina suamalie i le taimi o le aoaoina,+ ou te aveesea foʻi laʻu fulufulu mamoe ma laʻu ʻie lino na ufiufi ai lona lē lavalavā.+
10 O lenei, ou te faaalialia ona totogasā i luma o ē e mananaʻo iā te ia,+ e leai foʻi se tamāloa e na te aveesea o ia mai i loʻu lima.+
11 O le a ou faamutaina lona olioli,+ o lana tausamiga,+ o lana masina+ faatoʻā vaaia, o lana sapati, ma aso uma o ana tausamiga.
12 Ou te faatafunaina ona vine+ ma ona laau o le mati,+ ia na ia faapea mai ai: “O mea na aumai iā te aʻu e i latou e mananaʻo iā te aʻu, o meaalofa mo aʻu”; ou te tuua ia mea e avea ma togāvao,+ ma e faatamaʻia ai e manufeʻai o le fanua.
13 Ou te taui atu iā te+ ia ona o aso o tupua o Paala+ lea na ia faamū i ai taulaga,+ ua ia teuteu+ ai iā te ia i mama ma ana teuga, ma mulimuli atu pea i ē e mananaʻo iā te ia,+ a ua ia faagaloina+ aʻu,’ ua fetalai mai ai Ieova.
14 “‘O lenei ou te faatauanau iā te ia, ma avatu o ia i le toafa,+ ou te tautala foʻi ma le agalelei iā te ia.+
15 Ou te tuuina atu ona togāvine iā te ia i lea taimi,+ ma fanua laugatasi o Akori+ e fai ma faitotoʻa i le faamoemoe; e tali mai foʻi o ia iā te aʻu e pei ona faia i aso o lona teine muli,+ ma aso na alu aʻe ai o ia mai i le atunuu o Aikupito.+
16 O lea aso foʻi e te taʻua aʻu, o Laʻu tane ma e te lē toe faapea mai e uiga iā te aʻu, o Lē e ona aʻu,’* ua fetalai mai ai Ieova.+
17 “‘Ou te aveesea mai i lona gutu o igoa o tupua o Paala,+ ma e lē toe manatuaina o latou igoa.+
18 O le mea lea, ou te osia ai se feagaiga i lea aso ona o i latou, e tusa ai ma manufeʻai o le fanua,+ o manufelelei o le lagi, o mea fetolofi o le laueleele, ma ou te faaumatia foʻi le ʻaufana, o le pelu ma le taua,+ ma ou tuua i latou e nonofo ma le saogalemu.+
19 Ou te faia se faamau ma oe i aso uma,+ ou te faia foʻi se faamau ma oe i le amiotonu, i le faamasinotonu, i le alofa faamaoni ma le alofa mutimutivale.+
20 Ou te faia se faamau ma oe i le faamaoni; ma o le a e iloa lava Ieova.’+
21 “‘O lea aso, ou te tali atu ai,’ ua fetalai mai ai Ieova, ‘Ou te avatu i le lagi o mea e manaʻomia, ona foaʻi mai lea e le lagi i le lalolagi o mea manaʻomia;+
22 ae e tali atu le laueleele i fatu,+ o le uaina suamalie ma le suāuu; e tali atu foʻi o ia mea iā Isereelu [‘O le a totōina e le Atua fatu’].+
23 Ou te totōina lava o ia e pei o ni fatu mo aʻu i le eleele,+ ou te alofa mutimutivale iā te ia o lē e leʻi faaalia i ai le alofa mutimutivale,+ ma ou te faapea atu i ē e lē o soʻu nuu: “O loʻu nuu outou”;+ ma e latou te faapea mai: “O oe o lo matou Atua.”’”+
Faamatalaga Pito i Lalo
^ Po o “Loʻu Paala.”
