Hosea 4:1-19
4 Le fanauga a Isaraelu e, inā faalogo mai ia i le afioga a Ieova auā ua faia e Ieova se faamasinoga ma ē o nonofo i le atunuu,+ auā ua leai se upu moni,+ po o se alofa faamaoni, ua leai foʻi sē na te iloa le Atua i le atunuu.+
2 Ua iai malaia,+ o faiga taufaasesē,+ o le fasioti tagata,+ o le gaoi,+ ma le mulilua,+ ua faateteleina ma ua sosoo le isi faamasaatoto ma le isi faamasaatoto.+
3 O le mea lea o le a faavauvau+ ai le atunuu, e tauau ina vaivai ai i latou uma o loo nonofo ai, atoa ma manu o le fanua, o manu felelei o le lagi, e mamate foʻi iʻa o le sami.+
4 “Ae peitaʻi, aua neʻi iai se tagata e finau atu,+ pe aʻoaʻi e se tagata se isi, auā o lou nuu ua pei i latou o ē ua finau atu faasaga i se ositaulaga.+
5 O le a e tautevateva lava i le ao,+ e tautevateva foʻi se perofeta faatasi ma oe e pei ona tautevateva o se isi i le pō.+ O le a ou faaumatia lou tinā.+
6 O le a faaumatia lava loʻu nuu, auā ua leai se poto.+ Ona ua e teena le poto,+ ou te teena foʻi oe e te lē toe auauna mai o se ositaulaga iā te aʻu;+ talu ai ua e faagaloina pea le tulafono a lou Atua,+ o aʻu foʻi ou te faagaloina lau fanau.+
7 E pei ona faatoʻateleina o i latou, e faapena foʻi ona faateleina o a latou agasala iā te aʻu.+ Ua latou faamāina aʻu nai lo o le faamamaluina o aʻu.+
8 E aai pea i latou i le agasala a loʻu nuu, ua naunau pea o latou loto i mea sesē a le nuu.+
9 “E tasi le mea e oo i le nuu atoa ma le ositaulaga;+ ou te taui atu iā i latou e tusa ma o latou ala;+ ou te faasala foʻi iā i latou e tusa ma mea na latou faia.+
10 E latou te aai ae e lē maoona.+ E latou te feusuaʻi ma fafine e pei ona feusuaʻi o tamāloloa ma fafine talitane; ae e lē faatoʻateleina ai i latou,+ auā ua latou lē toe faalogo atu iā Ieova.+
11 O le faitaaga ma le uaina ma le uaina suamalie, e aveesea ai uunaʻiga lelei.+
12 Ua fesili+ atu pea loʻu nuu i o latou tupua laau,+ ma e tali mai pea lo latou tootoo iā i latou; auā o le agaga o le faitaaga ua latou see ese ai, o le faitaaga+ foʻi ua ō ese ai i latou mai i le usiusitaʻi i le Atua.+
13 Ua latou faia taulaga i tumutumu o mauga,+ ma latou faamū foʻi taulaga i luga o aʻega,+ i lalo o laau mafalā ma laau o le lipeno ma laau tetele, ona o le manaia o le paolo.+ O le mea lea ua faitaaga ai o outou afafine, ma ua mulilulua ai avā a o outou atalii.
14 “Ou te lē faasalaina o outou afafine ona ua faitaaga, ou te lē faasalaina foʻi avā a o outou atalii ona ua mulilulua i latou. A o tamāloloa ua latou ō ese ina ia faatasi ma fafine talitane,+ ua latou fai taulaga faatasi ma fafine talitane o le malumalu;+ e solia i lalo le nuu ua leai so latou malamalama.+
15 Isaraelu e, e ui ua e faia le faitaaga,+ aua neʻi nofosala Iuta,+ aua tou te ō mai i Kilikala+ pe ō aʻe i Petavene+ pe tautō foʻi ‘O loo soifua Ieova!’+
16 Auā e pei o le povi fafine ulavale, ua faapea foʻi ona faalogogatā Isaraelu.+ Po o le a leoleoina nei ea i latou e Ieova e pei o se tamaʻi mamoe poʻa i se mea taalaelae?
17 Ua pupū tele Efaraima i tupua.+ Ia tuu ai pea o ia!+
18 Ua uma a latou pia ua faia i le saito,+ ua latou feusuaʻi ma fafine e pei ona feusuaʻi o tamāloloa ma fafine talitane.+ Ua naunau tele ona pule i amioga matagā e māsiasi ai.+
19 Ua saisaitia o ia e le matagi i ona apaʻau.+ O le a māsiasi i latou ona o a latou taulaga.”+
