Hosea 9:1-17
9 “Isaraelu e, aua e te olioli.+ Aua e te fiafia e pei o isi tagata.+ Auā o le faitaaga ua e teʻa ese ai mai i lou Atua.+ Ua e fiafia e totogi faiga faatalitane ua e faia i luga o mea uma e soli ai saito.+
2 E lē fafagaina i latou e mea e soli ai saito+ ma mea e soli ai vine, e na te lē toe maua ni uaina suamalie.+
3 E latou te lē nonofo pea i le laueleele o Ieova,+ e ao ona toe foʻi Efaraima i Aikupito,+ ma o le a latou aai i mea e lē mamā i Asuria.+
4 E latou te lē liligi atu pea le uaina iā Ieova.+ E lē fiafia o ia i a latou taulaga;+ ua pei ia mea iā i latou o meaʻai i le taimi e faavauvau ai;+ ma e lē mamā i latou uma e aai i ia mea. Auā o a latou meaʻai e mo i latou lava; o le a lē avatua a latou meaʻai i le fale o Ieova.+
5 O le ā se mea tou te faia i le aso o le feiloaiga ma le aso o le tausamiga iā Ieova?+
6 Faauta foʻi! e ao ona ō i latou ona ua faatamaʻia a latou mea.+ O le a faapotopotoina faatasi+ i latou i Aikupito; o le a tanuina i latou i Mafi.+ O le a fai ma laau tuitui a latou mea mananaia o siliva;+ e iai foʻi i o latou faleʻie laau talatala.+
7 “E ao ona oo mai aso o le asiasiga;+ e ao foʻi ona oo mai aso e taui ai.+ O le a iloa e i latou i Isaraelu lea aso.+ E valea le perofeta,+ e iloa ai foʻi le valea o le tamāloa ua iai le upu mai i le agaga ona o le tele o au mea sesē,+ ma le tele o le ʻinoʻino.”
8 Na faatasi le tagata vāai+ o Efaraima ma loʻu Atua.+ O le perofeta+ foʻi, ua iai se mailei a lē e puʻe manulele i ona ala uma;+ ua iai le ʻinoʻino i le fale o lona Atua.
9 Ua matuā aafia i latou i mea e oo mai ai le faatafunaga,+ e pei o aso o Kipea.+ O le a ia manatuaina a latou mea sesē;+ ma e faasalaina e ia i latou ona o a latou agasala.
10 “Na ou maua Isaraelu ua pei o fua o le vine i le toafa.+ Na ou vaai i o outou augātamā e pei o mati faatoʻā fua i le laau o le mati.+ Na latou ō atu iā Paala o Peoro,+ ma latou tuuina atu i latou i le mea e māsiasi ai,+ ma ua inosia ai i latou e pei o le mea na latou naunau tele i ai.+
11 A o Efaraima, ua lele ese lo latou mamalu e pei ona lele ese o le manulele,+ ua leai nisi e fananau, ua leai foʻi nisi e maʻitaga ma ua leai ni ē e afuafua.+
12 Auā e ui ina latou tausia aʻe a latou fanau, ae ou te faaumatia a latou fanau ma faanoanoa ai i latou, ma e lē oo foʻi ina avea i latou ma tagata matutua.+ Oi talofa iā i latou pe a ou liliuese mai iā i latou!+
13 Na totōina Efaraima i le fanua e aai ai manu ma na ou iloa ua pei o Turo,+ ae o le a avatu foʻi e Efaraima lana fanau i le fasioti tagata.”+
14 Ieova e, ia avatu iā i latou o mea e ao ona e avatu i ai.+ Ia avatu iā i latou le manava ua fafano+ ana tama ma susu ua maanuminumi.
15 “Na tutupu i Kilikala+ a latou amioleaga uma, auā o i inā na ou ʻinoʻino ai iā i latou.+ O le a ou tulia i latou mai i loʻu fale ona o le matuā leaga o a latou mea ua fai.+ Ou te lē toe alofa iā i latou.+ Ua faaulumalō o latou perenise uma.+
16 E ao ona faaumatia Efaraima.+ E mamago o latou aa.+ O le a leai ni fua latou te fuaina mai.+ Afai foʻi latou te fananau, ou te fasiotia a latou fanau pele na fananau mai i o latou manava.”+
17 E teena i latou e loʻu Atua,+ auā ua latou lē faalogo iā te ia,+ e avea i latou ma ē e maumausolo i atunuu.+
