Iakopo 4:1-17
4 O le ā le pogai ua outou fetauaʻi ma femisaaʻi ai? Pe e lē pogai+ mai ea i tuʻinanauga sesē o loo feteenaʻi i totonu o outou tino?+
2 Ua outou tuʻinanau ae ua outou lē maua lava. Ua outou fefasiotiaʻi+ ma mananaʻo tele,+ ae ua outou lē maua. Ua outou femisaaʻi+ ma fetauaʻi. Ua outou lē maua auā ua outou lē ōle atu.
3 Ua outou ōle atu a ua outou lē maua, auā e sesē le māfuaaga ua outou ōle atu ai,+ ina ia faamalieina o outou tuʻinanauga o le tino.+
4 O outou tagata mulilulua e,+ pe e tou te lē iloa ea o le faauō atu i le lalolagi ua fai ai tagata ma fili o le Atua?+ O lea la, o so o se tasi e fia uō+ ma le lalolagi ua fai o ia ma fili o le Atua.+
5 Po ua outou manatu ea ua taʻua fua i tusitusiga paia e faapea: “Ona o le agaga+ o le matauʻa lea e i totonu o i tatou, ua ala ai ona tatou manaʻonaʻo pea”?
6 Ae peitaʻi, e sili atu lava le agalelei faifua+ ua ia foaʻi mai. O lea ua faapea mai ai: “E tetee atu le Atua i ē e faamaualuluga,+ ae foaʻi mai le agalelei faifua i ē e lotomaulalo.”+
7 O le mea lea, ia outou gauaʻi+ atu i le Atua ae ia tetee atu i le Tiapolo,+ ona sola ese ai lea o ia mai iā te outou.+
8 Ia outou mafuta vavalalata atu i le Atua, ona mafuta vavalalata mai lea o ia iā te outou.+ O outou tagata agasala e,+ inā fafano ia o outou lima. O outou tagata faalotolotolua e,+ inā faamamā ia o outou loto.+
9 Inā faanoanoa ia ma faavauvau ma fetagisi.+ Ia liua lo outou ʻataʻata i le faavauvau, ma ia liua lo outou olioli i le lotomafatia.+
10 Inā faamaulalo ia outou i luma o le silafaga a Ieova,+ ona faaeaina lea o outou e ia.+
11 Le ʻauuso e, aua le faitio le tasi i le isi.+ Auā o lē e faitio pe faamasino+ i lona uso, ua faitio ma faamasino e ia le tulafono. O lenei, afai e te faamasino i le tulafono, e lē o oe o sē e usiusitaʻi i le tulafono a o sē e faamasinoina.+
12 Auā e toʻatasi lava lē e faitulafono ma faamasino,+ o ia o lē na te faaola ma faaumatia.+ A o oe, o ai ea oe e te faamasino ai i lou tuaoi?+
13 O lenei, o outou o ē faapea mai: “O le asō po o a taeao tatou te malaga atu ai i lenā aai, ma nonofo ai mo se tausaga, e fai ai se pisinisi ma maua ai ni polofiti,”*+
14 ae peitaʻi, e tou te lē iloa le mea o le a tupu iā te outou a taeao.+ Auā ua pei lava outou o le puao e aliali mai i sina taimi puupuu, ona toe mou atu lea.+
15 Nai lo o lea, e ao ona outou faapea atu: “Pe a finagalo+ i ai Ieova, e tatou te maua le ola, ma faia ai lea mea ma lea mea.”+
16 A o lenei ua outou faamaualuluga i a outou upu faasausili.+ E leaga le faamaualuga.
17 O lea la, afai ua iloa e se tasi le mea saʻo e ao ona fai, ae e lē faia,+ ua agasala+ ai o ia.
Faamatalaga Pito i Lalo
^ O lona uiga o tupe faasili.
