Ieremia 39:1-18
39 O le tausaga lona iva o le nofoaiga a Setekaia le tupu o Iuta, i le masina lona sefulu,+ na ō mai ai Nepukanesa le tupu o Papelonia ma lana ʻautau uma i Ierusalema, ma siʻomia ai.+
2 I le tausaga lona sefulu tasi o le nofoaiga a Setekaia, i le masina lona fā, i le aso lona iva o le masina, na osofaʻia ai le aai.+
3 Ona ō mai ai lea o perenise uma a le tupu o Papelonia ma nonofo i le Faitotoʻa Tutotonu,+ o Nekala-saresa, o Samaga-nepo, o Sarekima, o Ravesarisa, o Nekala-saresa le Ravemaka,* ma isi perenise uma a le tupu o Papelonia.
4 Ina ua iloa atu i latou e Setekaia le tupu o Iuta ma tagata uma o le taua, ona latou sosola+ lea ma ō ese atu i le pō mai i le aai, e ui atu i le auala o le togālaau a le tupu,+ i le faitotoʻa i le va o pā e lua; ua latou ō atu pea i le auala o le Arapa.+
5 Ona tuliloa lea o i latou e le ʻautau a Kaletaia,+ ma na latou maua atu Setekaia i le fanua laugatasi o Ieriko.+ Na latou ave o ia ma ave aʻe iā Nepukanesa le tupu o Papelonia i Ripelu,+ i le nuu o Hamato,+ ina ia faamasinoina ai o ia.+
6 Ua fasiotia+ e le tupu o Papelonia o atalii o Setekaia i ona luma i Ripelu,+ ma ua fasiotia foʻi e le tupu o Papelonia o tamālii uma o Iuta.+
7 Ua ia faatauaso iā Setekaia,+ ona ia fusifusia lea o ia i faamau ʻapamemea, ina ia ave o ia i Papelonia.
8 Ua susunuina foʻi e le ʻau Kaletaia i le afi le fale o le tupu ma fale o le nuu,+ ua latou soloia foʻi i lalo pā o Ierusalema.+
9 A o isi o le nuu na totoe i le aai, ma ē na sosola na sosola atu iā te ia, ma isi o le nuu o ē na totoe, na ave faapagota e Nepusatana+ le taʻitaʻi o leoleo+ i Papelonia.+
10 A o nisi o le nuu, o ē e faatauvaa ua leai lava ni a latou mea, na tuu pea e Nepusatana le taʻitaʻi o leoleo i le nuu o Iuta;+ ma na ia tuuina atu foʻi iā i latou togāvine ma galuega mamafa i lea lava aso.+
11 Na poloaʻi atu foʻi Nepukanesa le tupu o Papelonia iā Nepusatana le taʻitaʻi o leoleo e faatatau iā Ieremia, e faapea:
12 “Ia e ave o ia ma vaavaai faalelei o ia, ma aua lava neʻi faia se mea leaga iā te ia.+ Ae ia e faia iā te ia, e pei ona ia fai atu ai iā te oe.”+
13 Ona aauina atu lea o Nepusatana+ le taʻitaʻi o leoleo, o Nepusapana le Ravesarisa, o Nekala-saresa le Ravemaka, ma alii sili uma a le tupu o Papelonia;
14 ua latou aauina atu ma aumai Ieremia mai i le Lotoā o le Leoleo,+ ma tuu atu o ia iā Ketalia+ le atalii o Aikamo+ le atalii o Safana,+ ina ia aumai o ia i lona fale ma nonofo faatasi ai ma le nuu.
15 Ona oo mai lea o le afioga a Ieova iā Ieremia, a o taofia o ia i le Lotoā o le Leoleo,+ e faapea:
16 “Inā alu ia, ma e fai atu iā Epetemeleka+ le Aitiope, ‘O le mea lenei ua fetalai mai ai Ieova o ʻau, o le Atua o Isaraelu: “Ou te faaoo lava aʻu upu i lenei aai, ia malaia ae e lē manuia,+ e oo foʻi ia mea i ou luma i lenā lava aso.”’+
17 “‘Ou te laveaʻi iā te oe i lenā aso,’+ ua fetalai mai ai Ieova, ‘e lē tuuina atu foʻi oe i lima o tagata, o ē o loo e fefe ai.’+
18 “‘Auā ou te saunia se mea e te sao ai, e te lē paʻū i le pelu; ma e avea foʻi lou ola ma vete,+ auā ua e faatuatua mai iā te aʻu,’+ ua fetalai mai ai Ieova.”
Faamatalaga Pito i Lalo
^ Po o “le matai o makoi.”
