Ieremia 45:1-5
45 O le upu na fai atu ai le perofeta o Ieremia iā Paruka+ le atalii o Neria, ina ua ia tusia i se tusi nei upu mai i le gutu o Ieremia,+ i le tausaga lona fā o le nofoaiga a Ioakima+ le atalii o Iosia, o le tupu o Iuta, e faapea:
2 “O le mea lenei ua fetalai mai ai Ieova le Atua o Isaraelu e faatatau iā te oe, Paruka e,
3 ‘Ua e faapea ane: “Oi talofa iā te aʻu,+ auā ua faaopoopo e Ieova le faanoanoa i loʻu tigā! Ua ou vaivai ona o loʻu ōi, ma ua ou lē maua lava se mea ou te mapu ai.”’+
4 “Ia faapea ona e fai atu iā te ia, ‘O le mea lenei ua fetalai mai ai Ieova: “Faauta! O le mea na ou fausia, ou te lepetia, o le mea foʻi na ou totōina, ou te liaʻiina, e oo lava i le nuu uma.+
5 A o oe, ua e saʻilia pea mea tetele mo oe.+ Aua lava neʻi e toe saʻilia.”+
“‘Auā ou te aumaia le malaia i luga o tagata uma,’+ ua fetalai mai ai Ieova, ‘ou te tuuina atu iā te oe lou ola e fai ma vete i mea uma e te alu atu i ai.’”+
