Ioane 3:1-36
3 E iai le tagata o le ʻau Faresaio e igoa iā Nikotemo,+ o ia o se taʻitaʻi Iutaia.
2 Ua sau o ia iā Iesu i le pō+ ma faapea mai: “Le Aʻoaʻo e,*+ ua matou iloa o oe o le faiaʻoga,+ e te sau mai i le Atua.+ E leai se tasi na te mafai ona faia nei faailoga+ ua e faia, pe a lē iā te ia le Atua.”+
3 Ona tali atu lea o Iesu iā te ia:+ “E moni, e moni, ou te fai atu iā te oe, Afai e lē toe fanau mai se tasi,+ e lē mafai ona ia iloa le malo o le Atua.”+
4 Ona faapea mai lea o Nikotemo iā te ia: “E faapefea ona toe fanau mai se tagata ua toeaina? E mafai ea ona toe ofi i le manava o lona tinā, ma toe fanau mai ai?”
5 Ua tali atu Iesu: “E moni, e moni, ou te fai atu iā te oe, Afai e lē toe fanau se tasi i le vai+ ma le agaga,+ e lē ulu atu o ia i le malo o le Atua.
6 O lē ua fanau mai i le tino, o le tino lea. A o lē ua fanau mai i le agaga, o le agaga lea.+
7 Aua e te ofo i loʻu fai atu, E tatau ona toe fanau mai outou.+
8 E agi le matagi+ i le itulagi e manaʻo i ai, e te faalogo o agi, ae e te lē iloa le itulagi e sau ai ma agaʻi atu i ai. E faapena foʻi i latou uma o ē e fananau i le agaga.”+
9 Ona tali mai lea o Nikotemo iā te ia: “E faapefea ona taunuu o nei mea?”
10 Ua tali atu Iesu: “O oe o le faiaʻoga o Isaraelu, ae e te lē iloa ea nei mea?+
11 E moni, e moni, ou te fai atu iā te oe, Ua matou iloa mea ua matou tautatala ai, ma molimau+ foʻi i mea ua matou vāai i ai, ae e tou te lē taliaina la matou molimau.+
12 Pe afai ua ou taʻu atu iā te outou mea a le lalolagi ae tou te lē talitonu i ai, e faapefea la ona outou talitonu, pe a ou taʻu atu iā te outou mea o i le lagi?+
13 E leai foʻi se tasi na alu aʻe i le lagi,+ e na o lē na alu ifo mai i le lagi,+ o le Atalii lea o le tagata.+
14 E pei ona siitia i luga e Mose o le gata+ i le toafa, e faapena foʻi ona tatau ona siitia i luga o le Atalii o le tagata,+
15 ina ia maua e tagata uma e talitonu iā te ia le ola e faavavau.+
16 “Ona o le alofa+ tele o le Atua i le lalolagi, na ia foaʻi mai ai lona Atalii e toʻatasi,*+ ina ia lē fano+ tagata uma e faatuatua+ iā te ia, a ia maua le ola e faavavau.+
17 Auā na auina mai e le Atua lona Atalii i le lalolagi ina ia lē faamasinoina+ le lalolagi, ae ia faaolaina+ e ala iā te ia.
18 E lē faamasinoina se tasi e faatuatua iā te ia.+ Ae e faamasinoina le tagata e lē faatuatua iā te ia, auā e lē faatuatua o ia i le igoa o le Atalii e toʻatasi o le Atua.+
19 O le mea lea ua faamasinoina ai le lalolagi, auā ua oo mai le malamalama+ i le lalolagi,+ ae ua naunau tagata i le pōuliuli nai lo o le malamalama,+ auā e leaga a latou amio.
20 E ʻinoʻino i le malamalama lē ua faia mea e sili ona leaga,+ e lē sau foʻi o ia i le malamalama, neʻi aʻoaʻia o ia ona o lana amio.+
21 A o lē faia le mea tonu e sau o ia i le malamalama,+ ina ia iloa ai ua ōgatusa lana amio ma le finagalo o le Atua.”
22 Mulimuli ane, ona maliu atu ai lea o Iesu ma ona soo i Iutaia, ma nonofo ma i latou mo sina taimi ma faia ai ni papatisoga.+
23 Ua faia foʻi e Ioane+ ni papatisoga i Ainona e lata i Salima, auā e tele ai vai+ i inā, ma ua gasolo ane tagata iā te ia ina ia papatisoina;+
24 auā o le taimi lea e leʻi lokaina ai Ioane i le falepuipui.+
25 Ona tupu ai lea o le finauga i le va o soo o Ioane ma se tagata Iutaia, e uiga i le faamamāina.+
26 O lea, ua latou ō atu ai iā Ioane ma faapea atu: “Le Aʻoaʻo e, o le tagata lea sa lua faatasi i le isi itu o Ioritana, lea foʻi na e molimau i ai,+ o loo ia faia papatisoga, ma ua gasolo atu tagata uma iā te ia.”+
27 Ona tali mai lea o Ioane: “E lē maua e se tagata se mea e tasi, seʻiloga ua foaʻiina mai iā te ia mai i le lagi.+
28 O lenā tou te molimau, na ou fai atu, e lē o aʻu o le Keriso,+ ae na auina mai aʻu e muamua iā te ia.+
29 O le alii faaipoipo, o ia e ana le tamaʻitaʻi faaipoipo.+ Peitaʻi, pe a tū le uō sili a le alii faaipoipo ma faalogo i lona leo, ona matuā olioli ai lea o ia. O lea la, ua atoatoa ai foʻi loʻu olioli.+
30 E tatau ona faateleina pea o ia, a o aʻu nei, e tatau ona faaitiitia.”
31 O lē e maliu mai i lugā e pule o ia i isi uma.+ A o le tagata o le lalolagi e mai i le lalolagi lava ia, ma e tautala o ia i mea a le lalolagi.+ O lē e maliu mai i le lagi, e pule o ia i isi uma.+
32 E molimau o ia i mea uma ua ia silasila ma faafofoga i ai.+ Ae e lē talia lava e se tagata lana molimau.+
33 O lē na te taliaina lana molimau, ua ia faamaonia o le Atua e faamaoni lava ia.+
34 O lē na auina mai e le Atua, e fetalai o ia i afioga a le Atua,+ ma e lē foaʻi faatatauina e ia le agaga.+
35 E alofa+ le Tamā i lona Alo, ma ua ia tuuina atu mea uma i lona aao.+
36 O lē e faatuatua+ i le Alo e maua e ia le ola e faavavau.+ A o le tagata e lē usiusitaʻi i le Alo, e lē maua e ia le ola,+ ae tumau pea le toʻasā o le Atua iā te ia.+
Faamatalaga Pito i Lalo
^ I le gagana Eleni, o “Rapi” po o se faiaʻoga.
^ Na pau lea o le atalii na faia toʻatasi e le Atua.
