Iopu 1:1-22
1 Sa i le nuu o Usa+ le tagata e igoa iā Iopu;+ e leʻi taʻuleagaina+ ma na amio saʻo+ lenā tagata, na mataʻu i le Atua+ ma ʻaloʻalo ese i mea leaga.+
2 Na fanaua e ia o atalii e toʻafitu ma afafine e toʻatolu.+
3 E fitu afe mamoe i lana lafu,+ ma kamela e tolu afe, ma povi poʻa taʻilua e lima selau, ma asini fafine e lima selau, faatasi ai ma auauna e toʻatele; ma na silisili lenā tagata i tagata uma i Sasaʻe.+
4 Na feoaʻi ona atalii ma faia se tausamiga+ i o latou fale, e taʻitoʻatasi ma lona aso; ma na valaaulia ai o latou tuafāfine e toʻatolu e aai ma inu faatasi ma i latou.
5 Ina ua soo aso o tausamiga, ona auina atu lea e Iopu o se feʻau ma faatonuina lana fanau e faapaia i latou;+ ona ala lea o Iopu i le taeaopō ma faia taulaga mū+ mo i latou e tusa ma lo latou faitau aofaʻi; auā na faapea ifo Iopu, “atonu na agasala oʻu atalii ma latou faifai+ i le Atua i o latou loto.”+ Sa masani ona faia pea e Iopu lenā mea.+
6 Ua oo i le aso e ō mai ai atalii o le Atua moni+ e tutū i luma o Ieova,+ ma na sau ai foʻi Satani+ faatasi ma i latou.+
7 Ona fetalai atu lea o Ieova iā Satani: “O fea e te sau ai?” Ua tali mai Satani iā Ieova e faapea: “Ua ou sau na ou fealualuaʻi i le lalolagi+ ma fesavaliaʻi ai.”+
8 Ona fetalai atu lea o Ieova iā Satani: “Po ua e mafaufau ea i laʻu auauna o Iopu, e leai se tasi e pei o ia i le lalolagi,+ o le tagata e lē taʻuleagaina+ ma amio saʻo,+ e mataʻu i le Atua+ ma ʻaloʻalo ese i mea leaga?”+
9 Ona tali mai lea o Satani iā Ieova, ua faapea mai: “Po ua mataʻu fua ea Iopu i le Atua?+
10 Po ua e lē siʻosiʻomia ea o ia i le pā,+ ma lona fale, atoa ma ana mea uma? Ua e faamanuia+ foʻi galuega a ona lima, ma ua faateleina ana manu i le laueleele.
11 Ae peitaʻi, ia aapa atu lou aao faamolemole, ma tago i mea uma ua iā te ia, pe e lē faifai ai o ia i ou lava luma.”+
12 Ona fetalai atu lea o Ieova iā Satani: “Faauta! Ua i ou lima mea uma lava ua iā te ia. E na o lona ola e aua neʻi tago i ai lou lima!” Ona alu ese ai lea o Satani i luma o Ieova.+
13 Ua oo i le aso na aai ma inu uaina ai ona atalii ma ona afafine i le fale o lo latou uso ulumatua.+
14 Ona sau lea o se avefeʻau+ iā Iopu ua faapea mai iā te ia: “Na suatia+ e povi le fanua, na aai ai foʻi ma asini fafine i o latou tafatafa
15 ona ō mai ai lea o tagata Seepa+ ma osofaʻi ma ave i latou, na latou fasiotia foʻi auauna i pelu; ma e na o aʻu lava na ou sola ese mai, e taʻu mai iā te oe.”+
16 A o tautala mai o ia, ae sau le tasi ua faapea mai: “Na paʻū ifo le afi a le Atua mai i le lagi+ ma susunu ai mamoe ma auauna, ma faaumatia ai i latou; ma e na o aʻu lava na ou sola ese mai, e taʻu mai iā te oe.”
17 A o tautala mai ia lenei, ae sau le isi ua faapea mai: “Na tofia e tagata Kaletaia+ ni ʻau se tolu ma osofaʻia kamela ma ave, na latou fasiotia foʻi auauna i pelu; ma e na o aʻu lava na ou sola ese mai, e taʻu mai iā te oe.”
18 A o tautala mai ia lenei, ae sau foʻi le isi ua faapea mai: “Na aai ma inu uaina+ ou atalii ma ou afafine i le fale o lo latou uso ulumatua.
19 Ae faauta! ua agi mai le matagi+ malosi mai i vaipanoa o le toafa, ma taia ai tulimanu e fā o le fale, ona paʻū ai lea i luga o lau fanau ma ua feoti ai. E na o aʻu lava na ou sola ese mai, e taʻu mai iā te oe.”
20 Ona tulaʻi lea o Iopu ma saei+ lona ofu, ua ʻoti lona lauulu+ ma faapaʻū faō i le eleele+ ma ifo+
21 ma faapea atu:
“Na ou sau lē lavalavā mai i le manava o loʻu tinā,+
Ou te toe foʻi lē lavalavā atu foʻi i ai.+
Na foaʻiina mai e Ieova,+ ma ua aveeseina foʻi e Ieova.+
Ia viia pea le suafa o Ieova.”+
22 E leʻi agasala Iopu i nei mea uma pe taʻuleagaina foʻi le Atua i se mea.+
