Iopu 11:1-20
11 Ona tali mai lea o Sofara le Naama,+ ua faapea mai:
2 “Po o le a lē tali atu ea i le tele o upu,
Po o le a taʻutonuina ea lē e gugutu?
3 Pe e faalologo ea tagata ona o au tala lē aogā,
Pe e te tauemu pea e aunoa ma se tasi e aʻoaʻia oe?+
4 Ua e faapea mai foʻi, ‘E mamā laʻu faatonuga,+
Ma ua faamaonia foʻi loʻu matuā mamā+ i ou luma.’
5 Ae pe ana seʻi tulei mai le Atua
Ma fetalai mai iā te oe!+
6 Ona ia taʻu mai lea iā te oe o mealilo o le atamai,
Auā e lasi aogā o le atamai.
Ma e iloa ai foʻi, o le a faagaloina e le Atua nisi o au mea sesē.+
7 Pe e mafai ona e iloa mea loloto a le Atua,+
Pe e mafai foʻi ona e iloa le mea e gata mai ai le malosi o Lē e ona le malosi uma lava?
8 E maualuga atu nai lo o le lagi. O le ā se mea e mafai ona e faia?
E loloto atu nai lo o le Tuugamau.*+ O le ā se mea e mafai ona e iloa?
9 E umī atu nai lo o le fua o le lalolagi,
Ma e lautele atu nai lo o le sami.
10 Afai e afio atu o ia ma ia tuuina atu se tasi
Ma valaauina se faamasinoga, o ai ea na te mafai ona tetee atu iā te ia?
11 Auā ua silafia lelei e ia tagata faaʻoleʻole.+
Afai e silasila o ia i se mea tigā, pe e lē uaʻi mai ea o ia i ai?
12 E mafai e le tagata valea ona mafaufau lelei
E pei ona mafai foʻi e se asini vao ona fanau mai e pei o se tagata.
13 Afai e te saunia lelei lou loto
Ma faaloloa atu ou lima iā te ia,+
14 Afai foʻi o loo i lou lima se mea e tigā ai, inā ave mamao ese ia,
Aua foʻi neʻi ulu atu i ou faleʻie ni mea e lē tonu.
15 Ona ea ai lea i luga o ou mata e leai se mea e ponā ai+
E faatumauina foʻi oe, ma e te lē fefe lava.
16 Auā e galo lava iā te oe le faafitauli;
E te manatuaina foʻi e pei o vai e tafe atu.
17 Ona sili atu lea ona malamalama o lou ola+ i lo o le tutonu o le lā;
E avea foʻi le pōuliuli e pei o le malamalama o le taeao.+
18 E te faatuatua foʻi, auā o loo iai le faamoemoe;
E te vaavaai solo ma e taoto ma le saogalemu.+
19 E te taoto faaloloa, ae e leai se tasi e faamataʻu atu iā te oe.
E faatoʻafilemu foʻi oe e tagata e toʻatele;+
20 E faatauasoina mata+ o ē e amioleaga;
E faaumatia le mea e latou te sosola i ai,+
O lo latou faamoemoe ua pei o se mānava ua mavae atu.”+
Faamatalaga Pito i Lalo
^ Tagaʻi i le Faaopoopoga e 6.
