Iopu 35:1-16
35 Ua faaauau ona tali mai Eliu, ua faapea mai:
2 “Po o le mea ea lenei ua e manatu i ai o le faamasinogatonu?
Ua e fai mai, ‘E sili atu laʻu amiotonu nai lo o le Atua.’+
3 Auā ua e fai mai, ‘O le ā le aogā iā te oe?+
O le ā foʻi le aogā iā te aʻu nai lo o loʻu agasala ai?’+
4 Ou te tali atu iā te oe.
Ma au uō+ o loo faatasi ma oe.
5 Ia e tepa aʻe i le lagi+ ma vaai,
Ia iloa atu ao,+ ua maualuluga atu nai lo o oe.
6 Afai ua e agasala, o le ā se mea ua e faia faasaga iā te ia?+
Afai foʻi ua faateleina au fouvalega, o le ā se mea ua e faia iā te ia?
7 Afai e saʻo lava oe, o le ā se mea e te avatu iā te ia,
Po o le ā foʻi se mea e maua e ia mai i lou lima?+
8 O lau amioleaga e ono faamanuʻalia ai se tagata e pei o oe,+
Ma o lau amiotonu foʻi e ono fesoasoani i se atalii o le tagata.+
9 Ua latou valaau atu pea mo se fesoasoani ona o le tele o sauāga;+
Ua latou alalaga atu pea mo se fesoasoani ona o lima o ē e sili.+
10 Ae e leai se tasi ua faapea mai, ‘O fea o iai le Atua o Lē e Sili na faia aʻu,+
O Lē e tuuina mai pesega i le pō?’+
11 O ia o Lē o loo aʻoaʻoina+ i tatou e sili atu i lo o manu o le laueleele,+
Ua ia faia i tatou ia atamamai e sili atu i lo o manufelelei o le lagi.
12 Ua latou alalaga atu pea, ae e leʻi tali mai o ia,+
Ona o le faamaualuluga+ o ē e leaga.
13 Ae e lē faafofoga le Atua i mea e lē moni,+
E lē silasila foʻi i ai Lē e ona le malosi uma lava.+
14 E sili atu ai pe a e faapea mai e te leʻi vaai iā te ia!+
Ua i ona luma le faamasinoga, e tatau la ona e faatalitali ma le naunau iā te ia.+
15 A o lenei, ua lē oo mai le faasalaga ona o lona toʻasā,+
Ua lē silafia foʻi e ia le matuā leai o se faautauta.+
16 Ua tautala mai fua Iopu;
Ua faateleina foʻi ana upu i lona lē iloa.”+
