Iopu 37:1-24
37 “Ua matuā gatete lava loʻu loto i lenei mea,+
Ma ua tātā vale foʻi mai i totonu.
2 Inā outou faalogologo lelei atu ia i le taalili o lona siʻufofoga,+
Ma le gogolo mai i lona fofoga.
3 Ua ia auina atu i lalo o le lagi atoa,
Ma ua oo atu foʻi lona uila+ i tuluʻiga uma o le lalolagi.
4 Ua mavae lea, ona taalili mai lea o se leo;
Ua taalili mai le faititili+ o lona siʻufofoga sili,+
Ma e na te lē taofia na mea pe a lagonaina lona siʻufofoga.+
5 Ua taalili le siʻufofoga+ o le Atua e pei o se faititili i se auala matagofie,
Ua faia ai mea tetele tatou te lē iloa.+
6 Auā ua ia fetalai atu i le kiona, ‘Inā totō ifo ia i le eleele,’+
Ma le maligi ifo o timuga, e oo foʻi i le maligi ifo o ona timuga malolosi.+
7 Ua ia taofia galuega a tagata uma
Ina ia iloa e tagata uma lana galuega.
8 Ua alu atu le manufeʻai i le mea o loo lalafi ai,
Ua nofo ai i mea e lalafi ai.+
9 E sau le matagi malosi mai i le potu i totonu+
E aumaia foʻi e matagi mai i mātū le mālūlū.+
10 O le mānava a le Atua ua aumaia ai le aisa+
Ma o le lautele o le vai ua toʻa ai le aisa.+
11 Ioe, ua ia faamamafa le ao i le susū,
Ua faataapeape foʻi e lona malamalama+ le ao,
12 Ua ia feliuaʻi i latou ina ia faatinoina a latou galuega
I mea uma e poloaʻi ai+ o ia iā i latou i luga o le fogāeleele.
13 E na te faaaogāina le ao e faaoo mai ai aʻoaʻiga+
E faasūsū ai lona laueleele,+ pe faaalia ai lona alofa faamaoni.+
14 Iopu e, ia e faalogo mai ia i lenei mea;
Inā e tu pea ia ma uaʻi atu i galuega ofoofogia a le Atua.+
15 Pe e te iloa le taimi na tofia ai e le Atua galuega iā i latou,+
Ma le taimi foʻi na ia faasusulu atu ai le malamalama o lona ao?
16 Pe e te iloa ea le auala e opeopea ai le ao,+
O galuega ofoofogia a Lē e atoatoa lona poto?+
17 E faapefea ona vevela ou ofu
A o toʻafilemu le lalolagi e amata mai i saute?+
18 Pe e mafai ona oulua fofola faatasi ea ma ia le lagi+
E pei o loo sasa se faata ʻapamemea malō?
19 Ia faailoa mai iā i matou ni upu e fai atu iā te ia;
Ua lē mafai ona matou saunia ni upu ona o le pōuliuli.
20 Pe e taʻuina atu ea iā te ia ua ou tautala?
Po ua fai mai se tagata e faamatala atu lava?+
21 A o lenei, e latou te lē vāai lava i le malamalama;
O loo pupula i le lagi,
Pe a agi ane se matagi ma faamamāina i latou.
22 E sau le pupula faaauro mai i le itu i mātū.
E mataʻutia foʻi le mamalu+ o le Atua.
23 A o Lē e ona le malosi uma lava, e tatou te lē mafai ona iloa o ia;+
E silisili lona mana,+
E lē manatu faatauvaa+ foʻi o ia i le faamasinogatonu+ ma le tele o le amiotonu.+
24 O le mea lea, ia matataʻu ai tagata iā te ia.+
E lē manatu mai o ia i tagata o ē ua atamamai i o latou lava loto.”+
