Iosua 13:1-33
13 Ua toeaina Iosua ma ua afu lona soifua.+ Ona fetalai mai lea o Ieova iā te ia: “Ua e toeaina ma ua tele ou tausaga, ae e matuā telē lava le laueleele o loo totoe e fai mo outou.+
2 O le laueleele lenei o loo totoe:+ o laueleele uma o tagata Filisitia+ ma tagata Kasuri+
3 (mai i le maga o le vai o le Naila lea e i luma o Aikupito e oo atu i le tuaoi o Ekerona i le itu i mātū,+ na taʻua muamua o laueleele o tagata Kanana);+ o alii e toʻalima o Filisitia ua pule faatasi,+ o tagata Kasa,+ o tagata Asetota,+ o tagata Asekelona,+ o tagata Kata,+ o tagata Ekerona,+ ma tagata Gavi.+
4 I le itu i saute o le laueleele uma o Kanana; ma Meara, o le laueleele o tagata Saitonu,+ e oo atu i Afeka, e oo atu i le tuaoi o tagata Amorī;
5 ma le laueleele o tagata Kavali,+ ma Lepanona uma e oo atu i le mea e oso aʻe ai le lā, e mai i Paalakato+ i le auvae o le Mauga o Heremoni, e oo i le mea e ui atu ai i Amato;+
6 ou te tuliesea i latou uma o loo nonofo i vaega maugā ai luma o le fanauga a Isaraelu, e amata mai i Lepanona+ e agaʻi atu i Meserefomaima,+ o Saitonu+ uma. Ua vaevaeina lea iā Isaraelu+ e fai ma o latou tofi, e pei ona ou poloaʻi atu ai iā te oe.+
7 O lea la, ia vaevae lenei laueleele e avea ma tofi o ituaiga e iva, ma le ʻafa o le ituaiga o Manase.”+
8 A ua maua e le isi ʻafa o le ituaiga o Reupena ma Kato lo latou tofi, lea na avatu e Mose iā i latou i le itu i sasaʻe o Ioritana, e pei ona avatu e Mose le auauna a Ieova iā i latou,+
9 e amata mai i Aroeru,+ lea e i auvai o le ālia o Arinona,+ ma le aai i le ogatotonu o le ālia, ma fanua laugatasi uma o Metepa+ e oo atu i Tipona;+
10 ma aai uma o Sekono le tupu o tagata Amorī, o lē na pule i Hesepona, e oo atu i le tuaoi o le fanauga a Amoni;+
11 ma Kiliata, ma laueleele o tagata Kasuri,+ ma tagata Maakati, ma le Mauga atoa o Heremoni,+ ma Vasana+ uma e oo atu i Saleka;+
12 o le malo atoa o Oko+ i Vasana, o lē na pule i Aserota ma Eterei,+ o lē na totoe i Rafaimi,+ na fasia foʻi ma tuliesea i latou+ e Mose.
13 Ae e leʻi tuliesea+ e le fanauga a Isaraelu ia tagata Kasuri ma tagata Maakati, a ua nonofo ai pea Kasuri+ ma Maakati faatasi ma Isaraelu e oo mai i aso nei.
14 Ae e na o le ituaiga o Levi e na te leʻi tuuina atu i ai se tofi.+ O lo latou tofi+ o taulaga e fai i le afi+ iā Ieova le Atua o Isaraelu, e pei ona ia folafola mai iā i latou.+
15 Ona tuuina atu lea e Mose o le tofi i le ituaiga o le fanauga a Reupena, e tusa ma o latou aiga,
16 ona avea lea o le laueleele mo i latou e amata mai i Aroeru,+ i le auvai o le ālia o Arinona, ma le aai o loo i le ogatotonu o le ālia, faapea le fanua laugatasi uma o Metepa;+
17 o Hesepona+ ma ona aai uma+ o loo i le fanua laugatasi, o Tipona,+ o Pamotapaala,+ o Petepaalameona,+
18 o Iaesa,+ o Katemoti,+ o Mefata,+
19 o Kiriataima,+ o Sepena,+ o Saretasaara i le mauga o le vanu,
20 o Petepeoro, ma malifa o Peseka,+ o Petesemota,+
21 ma aai uma i le fanua laugatasi+ i le malo o Sekono le tupu o Amorī, o lē na pule i Hesepona,+ o lē foʻi na fasia+ e Mose faatasi ai ma taʻitaʻi o Mitiana, o Evi, o Rekima, o Suro, o Huro, o Repa,+ ma alo alii o Sekono o ē na nonofo i le laueleele.
22 Atoa foʻi ma Palaamo le atalii o Peoro+ le faataulāitu,+ o lē na fasiotia e le fanauga a Isaraelu i le pelu, faatasi ai ma o latou tagata ua fasiotia.
23 O tuaoi foʻi o le fanauga a Reupena o Ioritana lea; ma o lenei laueleele o le tofi lea o le fanauga a Reupena+ e tusa ma o latou aiga, faatasi ma aai ma nuu e latou te nonofo ai.
24 Ua foaʻi atu foʻi e Mose le tofi i le ituaiga o Kato, i le fanauga a Kato e tusa ma o latou aiga,+
25 o lo latou laueleele o Iasaru,+ ma aai uma o Kiliata,+ ma le ʻafa o le laueleele o le fanauga a Amoni+ e oo atu i Aroeru,+ lea e i luma o Rapa;+
26 e amata mai i Hesepona+ e oo atu i Ramamesepa, o Patanima, e amata mai foʻi i Maanaima+ e agaʻi atu i le tuaoi o Tiperi;+
27 ma i le fanua laugatasi o Petearama,+ ma Petenimara,+ o Sukota+ ma Sefono, o le isi vaega o le malo o Sekono le tupu o Hesepona,+ o lo latou tuaoi o le itu o Ioritana e oo atu i le itu e gata mai ai le vai o Kinereta,+ i le itu i sasaʻe o Ioritana.
28 O le tofi lea o le fanauga a Kato+ e tusa ma o latou aiga, faatasi ma aai ma nuu e latou te nonofo ai.
29 Ua foaʻi atu e Mose le tofi i le ʻafa o le ituaiga o Manase, o le tofi lea o le ʻafa o le ituaiga o le fanauga a Manase e tusa ma o latou aiga.+
30 O lo latou laueleele e amata mai i Maanaima+ i Vasana uma, o le malo uma o Oko le tupu o Vasana,+ ma nuu nofo faleʻie uma o Iairo+ o loo i Vasana, e ono sefulu aai.
31 Ua tuuina atu foʻi le ʻafa o Kiliata, ma Aserota,+ ma Eterei,+ o aai o le malo o Oko i Vasana, i le fanauga a Makiro+ le atalii o Manase, i le ʻafa o le fanauga a Makiro e tusa ma o latou aiga.
32 O laueleele ia na tuuina atu e Mose e fai ma o latou tofi, i fanua laugatasi o Moapi i le itu o Ioritana, i Ieriko e agaʻi i sasaʻe.+
33 Ae e leʻi tuuina atu e Mose se tofi+ i le ituaiga o Levi. O Ieova le Atua o Isaraelu o lo latou tofi lea, e pei lava ona ia folafola mai iā i latou.+
