Iosua 19:1-51
19 Ona maua lea e Simeona le tofi lona lua,+ mo le ituaiga o le fanauga a Simeona+ e tusa ma o latou aiga. O lo latou tofi foʻi sa iai i totonu o le tofi o le fanauga a Iuta.+
2 Sa iai i lo latou tofi o Peresepa+ faatasi ma Sepa, o Molata,+
3 o Asara-suala,+ o Pala, o Asema,+
4 o Elitolita,+ o Petueli, o Horema,
5 o Sekeleka,+ o Petemakapa, o Asara-susa,+
6 o Petelepaota,+ ma Saruena; e sefulu tolu aai ma nuu e latou te nonofo ai.
7 O Aino,+ o Rimoni,+ o Etelu ma Asana;+ e fā aai ma nuu e latou te nonofo ai,
8 o nuu uma foʻi e latou te nonofo ai, na siʻomia e nei aai e oo atu lava i Paalapere+ i Rama+ i le itu i saute. O le tofi lea o le ituaiga o le fanauga a Simeona e tusa ma o latou aiga.
9 O le tofi o le fanauga a Simeona, na maua mai i le tofi o le fanauga a Iuta, auā ua telē tele le tofi o le fanauga a Iuta mo i latou.+ O lea la, na maua e le fanauga a Simeona se fanua i totonu o lo latou tofi.+
10 Ona maua lea e le fanauga a Sepulona+ le tofi lona tolu+ e tusa ma o latou aiga, ma e oo atu le tuaoi o lo latou tofi i Sariti.
11 Na alu aʻe foʻi lo latou tofi agaʻi i sisifo i Marala ma oo atu ai i Tapaseta, ma oo atu ai i le ālia lea e i luma o Iokeneama.+
12 Ona toe liliu lea i Sariti i le itu i sasaʻe e agaʻi i le mea e oso aʻe ai le lā, e oo atu i le tuaoi o Kaselo-tapora, ma alu atu i Taparata+ ma alu aʻe i Iafia.
13 Ona ui atu lea mai i inā i le itu i sasaʻe e agaʻi i le mea e oso aʻe ai le lā i Kataferu,+ i Ita-kasena, ma alu atu ai i Rimoni, ma faailoga ai i Nea.
14 Ona ui faataamilo atu lea o le tuaoi i le itu i mātū i Anatonu, ma e gata mai i le vanu o Iefita-elu,
15 o Katata, o Naalali, o Semarona,+ o Itala, ma Peteleema;+ e sefulu lua aai ma nuu e latou te nonofo ai.
16 O le tofi+ lenei o le fanauga a Sepulona e tusa ma o latou aiga.+ O aai nei ma nuu e latou te nonofo ai.
17 Ua maua e Isakara+ le tofi lona fā, mo le fanauga a Isakara e tusa ma o latou aiga.
18 Sa oo lo latou tuaoi i Isereelu,+ o Kesulota, o Sunema,+
19 o Afaraima, o Seiona, o Anaarata,
20 o Rapati, o Kiseona, o Apesa,
21 o Remeta, o Enekanima,+ o Eneata ma Petepasesa.
22 E oo atu le tuaoi i Tapora,+ i Saasuma, ma Petesemesa, ma e gata mai lo latou tuaoi i Ioritana; e sefulu ono aai ma nuu e latou te nonofo ai.
23 O le tofi lea o le ituaiga o le fanauga a Isakara e tusa ma o latou aiga,+ o aai ma nuu e latou te nonofo ai.
24 Ua maua e le ituaiga o le fanauga a Asera+ le tofi lona lima+ e tusa ma o latou aiga.
25 O lo latou tuaoi o Helekata,+ o Ali, o Petena, o Akasafa,+
26 o Alameleka, o Amataa, ma Meseala.+ Ua oo atu lo latou tuaoi e agaʻi i sisifo i Karamelu+ ma Seora-lipenata,
27 ona toe liliu ane lea e agaʻi i le mea e oso aʻe ai le lā i Petetakona, ma e oo atu i Sepulona,+ ma le vanu o Iefita-elu i le itu i mātū, i Petemeka ma Neieli, ma e alu atu i Kapula i le itu tauagavale,
28 ma oo atu ai i Eperona, o Reopa, o Hamoni, ma Kana, e oo atu lava i le aai tele o Saitonu.+
29 E toe liliu ane le tuaoi i Rama ma oo atu i le aai malupuipuia o Turo.+ Ona toe liliu ane lea o le tuaoi i Hosa, e gata mai i le sami i le laueleele o Akasepa,+
30 o Uma, o Afeka,+ ma Reopa;+ e lua sefulu lua aai ma nuu e latou te nonofo ai.
31 O le tofi lea o le ituaiga o le fanauga a Asera e tusa ma o latou aiga.+ O aai nei ma nuu e latou te nonofo ai.
32 Ua maua e le fanauga a Nafatali+ le tofi lona ono,+ mo le fanauga a Nafatali e tusa ma o latou aiga.
33 E amata mai lo latou tuaoi i Elefa, mai i le laau telē i Saanaima,+ ma Atame-nekepa, ma Iapenelu e oo atu i Lakuma; e gata mai i Ioritana.
34 Ona toe liliu lea o le tuaoi e agaʻi i sisifo i Aseno-tapora, ma alu atu ai mai i inā i Ukoke, ma oo atu ai i Sepulona+ i le itu i saute, a o Asera+ i le itu i sisifo ma Iuta+ e agaʻi i Ioritana, i le mea e oso aʻe ai le lā.
35 O aai malupuipuia nei, o Sekima, o Sero, o Hamato,+ o Rakata, o Kinereta,+
36 o Akama, o Rama, o Hasora,+
37 o Ketesa,+ o Eterei, o Eneasora,
38 o Irona, o Meketala-elu, o Horoma, o Peteanata, ma Petesemesa;+ e sefulu iva aai ma nuu e latou te nonofo ai.
39 O le tofi+ lenei o le ituaiga o le fanauga a Nafatali e tusa ma o latou aiga,+ o aai ma nuu e latou te nonofo ai.
40 Ua maua e le ituaiga o le fanauga a Tanu+ le tofi lona fitu+ e tusa ma o latou aiga.
41 O le tuaoi o lo latou tofi o Soraa,+ o Esetaola, o Iresemesa,
42 o Salapina,+ o Ailona,+ o Itara,
43 o Aluna, o Timena,+ o Ekerona,+
44 o Eliteka, o Kipetonu,+ o Paalata,+
45 o Ieuta, o Peneperaka, o Katarimoni,+
46 o Meierekuna, ma Rakuna, ma le tuaoi i luma o Iopa.+
47 Ua laʻitiiti tele+ le laueleele o le fanauga a Tanu mo i latou. Ona ō aʻe lea o le fanauga a Tanu ma siitaua iā Lesema,+ ua faatoʻilaloina ma fasiotia i le pelu. Ona latou faoa lea ma nonofo ai, ua latou faaigoa foʻi le aai iā Lesema Tanu, e tusa ai ma le igoa o lo latou augātamā o Tanu.+
48 O le tofi lenei o le ituaiga o le fanauga a Tanu e tusa ma o latou aiga. O aai nei ma nuu e latou te nonofo ai.
49 Ua uma ona latou vaevaeina le laueleele e fai ma tofi e tusa ai ma o latou tuaoi. Ona tuuina atu lea e le fanauga a Isaraelu o se tofi iā Iosua le atalii o Nuno, e faatasi ma i latou.
50 Ona latou avatu lea iā te ia e tusa ai ma le faatonuga a Ieova o le aai lea na ia talosaga+ mai ai, o Timenata-sera,+ i le vaega maugā o Efaraima; ona ia fausia ai lea o le aai ma nofo ai.
51 O tofi nei na tofia+ atu e ala i le vili, e Eleasaro le ositaulaga, ma Iosua le atalii o Nuno, ma ulu o aiga o ituaiga o le fanauga a Isaraelu, i Sailo+ i luma o Ieova i le faitotoʻa o le faleʻie o le feiloaʻiga.+ Ona uma ai lea o le vaevaeina o le laueleele.
