Isaia 26:1-21
26 O lea aso,+ o le a usu ai lenei pese+ i le laueleele o Iuta:+ “Ua iā i tatou le aai malosi.+ Ua ia faatulaga le faaolataga e fai ma pā ma puipui na fausia.+
2 O outou tane, inā tatala ia faitotoʻa+ o le aai ina ia ulu atu i ai le nuu amiotonu o ē ua amio faamaoni pea.+
3 O i latou ua mausalī o latou loto, o le a e leoleoina ina ia filemu pea i latou,+ auā e faatuatuaina oe.+
4 Ia outou faatuatuaina e lē aunoa Ieova,+ auā o Ioa Ieova o le Papa+ e faavavau ia.
5 “Auā ua ia lafotuina i lalo i latou o ē sa nonofo i le mea maualuga,+ o le aai maualuga.+ Ua ia faamaulaloina, ua ia faamaulaloina e oo i le eleele; ma faapaʻū ai e ia i le efuefu.+
6 E solia e vae, o vae lava o ē e puapuagatia, o alofivae foʻi o ē e faatauvaa.”+
7 E saʻo le ala o ē e amiotonu.+ O lou faia o mea tonu e te faalauleleia ai le ala o lē e amiotonu.+
8 Ioe, Ieova e, ua matou faamoemoe iā te oe i le saʻilia o le ala o au faamasinoga.+ Auā ua naunau o matou loto+ i lou suafa ma lau faamanatuga.+
9 Ua ou naunau iā te oe i le pō;+ ioe ua ou saʻili pea iā te oe i loʻu loto;+ auā afai e te faamasino i le lalolagi,+ o le a aʻoaʻoina le amiotonu+ e ē o loo nonofo i le laueleele ua fua mai.+
10 E ui lava ina faaalia i lē e amioleaga le agalelei, ae e lē aʻoaʻo lava e ia le amiotonu.+ O le a ia faia lava mea lē tonu+ i le laueleele amiotonu, ma o le a lē vaai foʻi i le mamalu o Ieova.+
11 Ieova e, ua e sii lou aao+ ae latou te lē vāai i ai.+ O le a latou vāai ae e faamāina+ i latou pe a e faaalia le maelega i ou tagata. Ioe, o lou lava afi+ o le a faaumatia ai ou fili.
12 Ieova e, o le a e faia le faamasinotonu ina ia matou maua ai le filemu,+ auā e manuia mea uma matou te faia ona o oe.+
13 Ieova e lo matou Atua, sa pule iā i matou nisi matai e ese mai iā te oe.+ Ae e na o oe lava matou te taʻutaʻua lou suafa.+
14 Ua feoti i latou; o le a latou lē toe feola mai.+ Ua feoti i latou,+ o le a lē toe tutū.+ O le mea lea ua e uaʻi atu ai ina ia faaumatia i latou ma lē toe taʻua lava i latou.+
15 Ua e faatoʻateleina le nuu; Ieova e, ua e faatoʻateleina le nuu;+ ua e faamamaluina oe lava.+ Ua e faalautele atu i se mea mamao tuaoi uma o le laueleele.+
16 Ieova e, na latou liliu atu iā te oe ina ua puapuagatia i latou;+ na latou sasaa atu o latou loto i le tatalo taumusumusu ina ua e aʻoaʻia i latou.+
17 E pei o le fafine maʻitō ua lata ona fanau, ua faatigā ma ua alaga ona o lona tigā o le a fanau, Ieova e, ua faapena foʻi i matou ona o oe.+
18 Sa totō i matou, sa faatigā foʻi i matou o le a fananau;+ ae e peiseaʻī na matou fanaua mai le savili. E matou te leʻi faia se faaolataga moni i le laueleele,+ e leai foʻi se isi e fanau mai ina ia nofo i le laueleele.+
19 “O le a toe feola mai ou tagata ua feoti.+ O le a toe tutū mai tagata o lo matou nuu.+ Inā ala mai ia ma alalaga fiafia, o outou o ē o loo nonofo i le efuefu!+ Auā e pei lou sau+ o le sau o laau faisua,+ ma o le a aumaia e le laueleele ē ua feoti ai.+
20 “Loʻu nuu e, ia outou ō ma ulu atu i o outou potu i totonu ma tapuni o outou faitotoʻa.+ Ia outou lalafi mo se taimi puupuu seʻia mavae atu le toʻasā.+
21 Auā faauta! o loo afio mai Ieova mai i lona afioaga ina ia faasalaina o ē o loo nonofo i le laueleele e tusa ma a latou agasala iā te ia,+ o le a faaalia foʻi e le laueleele lona faamasaatoto+ ma e lē toe ufitia ai ona tagata ua fasiotia.”+
