Isaia 32:1-20
32 Faauta! O le a pule+ le tupu ma le amiotonu;+ ma o perenise+ foʻi, o le a latou pule o ni perenise ma le faamasinotonu.
2 E avea i latou taʻitoʻatasi ma lafitaga mai i le matagi ma se mea e malu ai mai i timuga mamafa,+ e pei o vaitafe i atunuu e leai ni vai,+ e pei foʻi o le paolo o le papa tele i le laueleele naumati.+
3 E lē faapipiiina faatasi mata o ē e vāai, ma o le a uaʻi atu taliga o ē e faalogo.+
4 O le a manatunatu loto o ē e osovale i le poto,+ ma o le a vave ona tautatala ma le manino laulaufaiva o ē sa tautoʻai a latou tala.+
5 O lē e valea e lē toe taʻua o lē e limafoaʻi; o le tagata e lē popoi, e lē toe taʻua o ia o le tamālii;+
6 ona o le a tautala le tagata valea i mea faavalevalea,+ ma e sauni lona loto e fai mea leaga,+ ina ia fulitua+ ai i le upu moni ma tautala faasagatau ai iā Ieova i mea pepelo, ina ia matelāina le manava o lē e fia ʻai, ma māfua ai foʻi ona lē maua se meainu a lē ua fia inu.+
7 A o le tagata lē popoi, e leaga lava ona ala;+ ua ia avatu fautuaga ina ia faia amioga matagā,+ ma faaleagaina ai lē ua puapuagatia i tala pepelo,+ e ui lava ina tautala le tagata mativa i le mea ua tonu.
8 A o lē ua limafoaʻi, e na te avatu fautuaga e tusa ai ma gaoioiga o le limafoaʻi; o le a ia faaauau pea ona faia mea ma le limafoaʻi.+
9 “O outou fafine, o ē o loo faifailemū inā tutulaʻi ia, ma faalogo mai i loʻu leo!+ O outou afafine ua faatamala, inā uaʻi mai ia o outou taliga i aʻu upu!
10 Pe a mavae le tausaga ma ni nai aso, o le a atuatuvale outou o ē e faatamala,+ auā o le a uma le seleselega o vine, ae e leai se fua e aoina mai ai.+
11 Ia gatete outou fafine o ē e faifailemū! Ia atuatuvale outou o ē e faatamala! Ia tatala o outou ofu ma lē lavalavā ai,* ma ia fusi o outou puimanava i ʻie talatala.+
12 Ia outou tuʻi i o outou susu i le faanoanoa+ ona o fanua+ mananaia, ona o vine e fua mai.
13 O le a tutupu mai i le laueleele o loʻu nuu na o laau tuitui, ma laau talatala,+ auā e sosolo i fale ma tafatafa ane o fale na iai muamua le olioli, ioe o le aai na olioli ai.+
14 Auā ua tuufua le maota,+ ua lafoaʻia foʻi le aai sa pisa ai tagata; ua avea Ofele+ ma le olomatamata ma fanua lafulafuā, ma mea e fiafia ai solofanua tusitusi mo se taimi umi, o le fanua foʻi e tataa ai lafumanu;
15 seʻia oo ina liligi ifo le agaga i o tatou luga mai i se mea maualuga,+ ma ia avea le toafa ma togālaau o fualaau ʻaina, ma e taʻua le togālaau o fualaau ʻaina o le vaomatua moni.+
16 “Ona mau ai lea o le faamasinotonu i le toafa, ma nofo ai foʻi le amiotonu i le togālaau o fualaau ʻaina.+
17 O le a tupu le filemu mai i le galuega a le amiotonu moni, e tupu foʻi le toʻafilemu+ ma le saogalemu mai i le auaunaga a le amiotonu moni, e oo i le faavavau.+
18 E nonofo loʻu nuu i se nofoaga toʻafilemu ma fale e saogalemu ai, ma mea foʻi e mapu ai e lē faalavelave mai i ai se isi.+
19 O le a totō ifo le uatoʻa pe a paʻū le vaomatua+ ma faamaulaloina foʻi le aai i le māsiasi.+
20 “E fiafia outou tagata o loo lūlūina fatu i autafa o vai uma,+ ma tatalaina atu povi poʻa ma asini.”+
Faamatalaga Pito i Lalo
^ Po o “na o ni nai ofu ua ofu ai.”
