Isaia 56:1-12
56 O le fetalaiga lenei a Ieova: “Ia outou tausisi i le faamasinotonu,+ ma faia le mea tonu.+ Auā ua latalata ona oo mai laʻu faaolataga,+ ma faaalia laʻu amiotonu.+
2 E fiafia le tagata e na te faia lenei mea,+ ma le atalii o le tagata e taofimau i ai,+ o loo tausia le sapati ina ia lē solia,+ ma taofia lona lima mai i le faia o so o se mea leaga.+
3 Ia aua neʻi faapea ane le tagata mai se isi atunuu, o lē ua faatasi atu iā Ieova,+ ‘E lē taumatea o le a aveesea aʻu e Ieova mai i lona nuu.’+ Aua foʻi neʻi faapea ane le eunuka,+ ‘Faauta! O aʻu o le laau mago.’”
4 Auā o le fetalaiga lenei a Ieova i eunuka, o ē ua tausia oʻu sapati ma ua filifili i le mea ou te fiafia i ai,+ ma taofimau i laʻu feagaiga:+
5 “O le a ou avatua iā i latou i loʻu fale+ ma i totonu o oʻu pā se mea faamanatu+ ma se igoa,+ e sili atu ona lelei nai lo o atalii ma afafine.+ O le a ou avatu iā i latou se igoa mo aso uma,+ lea e lē aveeseina lava.+
6 “O tagata mai isi atunuu o ē ua faatasi atu iā Ieova ina ia auauna iā te ia,+ ma alolofa i le suafa o Ieova,+ ina ia fai ma ana auauna, o i latou uma o ē e tausia le sapati, ina ia lē solia ai ma taofimau i laʻu feagaiga,+
7 o le a ou aumaia i latou na i loʻu mauga paia,+ ma oʻu faafiafia iā i latou i loʻu fale tatalo.+ O le a taliaina i loʻu fata faitaulaga+ a latou taulaga mū+ ma a latou taulaga.+ Auā e taʻua loʻu fale o le fale tatalo mo tagata uma.”+
8 O le fetalaiga lenei a le Alii Pule Silisili Ese o Ieova, o lē o loo faapotopotoina o ē ua faataapeapeina o Isaraelu:+ “Ou te faapotopotoina iā te ia o isi e ese mai i ona tagata ua uma ona faapotopotoina.”+
9 O outou manufeʻai uma o le fanua, ia ō mai e aai, o outou manufeʻai uma foʻi o le vaomatua.+
10 E tauaso ona tagata vāai.+ E leai se isi o i latou ua mātauina se mea.+ O i latou uma o taʻifau e gūgū; e lē mafai ona ōu,+ ae e selasela, e taooto ma e fiafia foʻi e momoe.+
11 O i latou o taʻifau e naunau e ʻai tetele;+ ae e lē maoona i latou.+ O i latou foʻi o leoleo mamoe e leai so latou malamalama.+ Ua taʻitasi i latou ma alu i lona lava ala, ua taʻitasi ma maua polofiti mai i faiga faagaoi mai i lona lava vaipanoa:+
12 “Tane e, inā ō mai ia! Seʻi o tatou aumai le uaina; ma tatou feinu ina ia tatou onanā ai i lenei ʻava malosi.+ O le a pei taeao o le asō, ma e sili atu ona manaia.”+
