Isaia 57:1-21
57 Ua fano lē ua amiotonu,+ ae e leai se isi e manatu i ai.+ Ua feoti tagata faamaoni* a ua lē mātauina e se isi,+ ua oti le tagata amiotonu ma sao ai mai i mala.+
2 Ua ulu atu o ia i le filemu;+ ua mālōlō i latou+ i o latou moega,+ ua taʻitoʻatasi i latou ma savavali ma le tonu.+
3 “A o outou, ia outou faalatalata mai i inei,+ o outou o fanau tama a le fafine vavalo,+ o fanau a lē e mulilua ma le fafine talitane:+
4 O ai ua fai i ai a outou faafiafiaga?+ O ai tou te faamaga i ai o outou gutu, ma faaeto i ai o outou laulaufaiva?+ Pe e lē o outou ea o fanau o le solitulafono, o fanau foʻi o le pepelo,+
5 o ē e faatupu le manaʻo i atua sesē i mea ua iai laau tetele,+ i lalo o laau lauolaola uma,+ o loo fasiotia ai fanau i vanu i lalo o maluapapa?+
6 “Na avea maa lamolemole mai le vanu ma au vaega.+ O ia mea, o ia mea ua fai ma ou tofi.+ E lē gata i lea, ua e liligi le taulaga i meainu i ia mea,+ ua e ofo atu foʻi i ai se meaalofa. Pe e faamāfanafanaina ea aʻu i ia mea?+
7 Ua e tuu lou moega i le tumutumu o le mauga maualuga.+ O i inā foʻi ua e alu aʻe i ai ina ia faia ai taulaga.+
8 O tua foʻi o le faitotoʻa ma pou o le faitotoʻa, ua e tuu ai se mea e faamanatu ai.+ Ua e tuulafoaʻi aʻu ma faaalialia oe ma ua e alu aʻe; ua e faalautele atu lou moega.+ O lou lava lelei ua e osia ai le feagaiga ma i latou.+ Ua e manaʻo i lo latou moega. Ua e vaai i le totogasā o le tane.
9 Ua e alu ifo ma le suāuu iā Meleke,* ma le tele o au uu manogi.+ Ua e auina atu pea au avefeʻau i mea mamao, ma ua e tuuina ifo au mataupu i le Tuugamau.*+
10 O le tele o ou ala ua e matuā galue mamafa ai.+ Ua e lē fai mai, ‘Ua siliga se faamoemoe!’ Ua e toe maua lou lava malosi.+ O le mea lea ua e lē maʻi ai.+
11 “O ai na e fefe+ ma mataʻu i ai ua e pepelo ai?+ Ae e lē o aʻu na e manatuaina.+ Ua e lē teua se mea i lou loto.+ Pe na ou lē gagana ea ma natia mataupu?+ O lea, e te leʻi fefe ai lava iā te aʻu.+
12 O aʻu lava ou te taʻutaʻu atu lou faatagā amiotonu+ ma au galuega+ o le a lē aogā iā te oe.+
13 Pe a e alaga atu mo se fesoasoani e lē laveaʻiina oe e au faaputuga tupua,+ ae o le a aveese ia mea uma e le matagi.+ E aveese foʻi ia mea e se mānava, a o lē e sulufaʻi mai iā te aʻu+ o le a fai le laueleele ma ona tofi ma nofo i loʻu mauga paia.+
14 O le a faapea mai se isi, ‘Inā outou atiaʻe ia, inā atiaʻe ia! Ia faalaulelei le ala.+ Ia aveese o so o se mea o loo faalavelave i le ala o loʻu nuu.’”+
15 Auā o le fetalaiga lenei a Lē ua Silisili ma Maualuga,+ o lē e afio e faavavau+ ma o lē e paia lona suafa:+ “Ou te nofo i le mea maualuga ma le mea paia,+ e ma te mau foʻi ma lē ua nutimomoia ma faamaulalo,+ ina ia faafouina loto o ē ua faatauvaa ma faafouina loto o ē ua nutimomoia.+
16 Auā e lē faavavau ona ou finau pe ita pea lava pea;+ auā o le a vaivai+ le loto o le tagata ona o aʻu, e oo lava i foafoaga o loo mānava na ou faia.+
17 “O le auala lē saʻo e mauaina ai ana polofiti i faiga faagaoi,+ na tupu ai loʻu ita, ona ou taia ai lea o ia ma natia oʻu foliga+ ina ua ou ita. A ua savali pea o ia ma le fouvale+ e tusa ma lona lava loto.
18 Ua ou vaai i ona lava ala; ma ua oo ina ou faamālōlōina o ia+ ma taʻitaʻi iā te ia+ ma tauia o ia i faamāfanafanaga+ atoa ma i latou o loo faanoanoa faatasi ma ia.”+
19 Ua fetalai mai Ieova: “O loo oʻu faia le fua o laugutu.+ O le a iai pea lava pea le filemu i lē ua mamao atoa ma lē ua lata mai,+ ma ou te faamālōlōina o ia.”+
20 “A o ē e amioleaga, ua pei i latou o le sami ua sousou, e lē mafai ona malū, ae e laga aʻe i luga e le suāsami o limu ma le palapala.”
21 Ua fetalai mai loʻu Atua: “E leai se filemu i ē o amioleaga.”+
Faamatalaga Pito i Lalo
^ Po o le “alofa faamaoni.”
^ Tagaʻi i le Faaopoopoga e 6.
^ Atonu o le igoa po o le faalupega e faasino i se Tupu mai i se isi nuu, po o se atua pepelo.
