Isaia 60:1-22
60 “Le fafine e, inā tulaʻi ia,+ ia faasusulu atu le malamalama,+ auā ua oo mai lou malamalama,+ ua susulu mai foʻi i ou luga le mamalu o Ieova.+
2 Auā vaai foʻi! o le a ufitia le lalolagi i le pōuliuli+ ma e matuā pogisa nuu; ae o le a susulu mai Ieova i ou luga, ma e vaaia lona lava mamalu i ou luga.+
3 E ō atu atunuu i lou malamalama,+ e ō atu foʻi tupu+ i le malamalama o lou pupula.+
4 “Ia e tepa aʻe i itu uma ma vaai! Ua faapotopoto faatasi uma i latou;+ ua latou ō mai iā te oe.+ Ua ō mai pea lau fanau tama mai i mea mamao, ma lau fanau teine o ē o loo tausia a o afisi i o latou itu.+
5 I lenā taimi o le a e vaai ai ma e matuā olioli,+ e olioli lou loto ma matuā fiafia auā o le a ō atu iā te oe ʻoa o le sami; e ō mai foʻi iā te oe punaʻoa o atunuu.+
6 O le a tumu lou laueleele i le anoanoaʻi o kamela, o kamela taanoa o Mitiana ma Efa.+ O le a ō mai i latou uma mai i Seepa.+ E latou te tauave auro ma lipano.* E latou te tala atu viiga o Ieova.+
7 E faapotopotoina iā te oe lafu uma o Kitara.+ E auauna iā te oe+ o mamoe poʻa o Nepaiota.+ O le a latou ō aʻe i loʻu fata faitaulaga+ ma e taliaina ma le fiafia, ou te faamatagofieina loʻu lava fale matagofie.+
8 “O ai i latou ia ua felelei mai e pei o se ao,+ ma e pei o le lolofi atu o lupe i pu o o latou fale?
9 Auā o le a faamoemoe mai pea iā te aʻu motu,+ o vaa o Tasesa+ e pei o le taimi muamua, ina ia aumai ai lau fanau tama mai i mea mamao,+ faatasi ma a latou siliva ma a latou auro,+ i le suafa+ o Ieova lou Atua ma Lē e Paia o Isaraelu,+ auā ua ia faamatagofieina oe.+
10 E fausia ou pā e tagata mai isi atunuu,+ e auauna atu foʻi iā te oe o latou tupu;+ auā na ou taia oe i loʻu ita,+ ae ona o loʻu lotomalie o le a ou alofa mutimutivale ai iā te oe.+
11 “O le a tatala pea ou faitotoʻa;+ e lē tapunia i le ao ma le pō, ina ia aumai ai iā te oe o punaʻoa o atunuu,+ ma e tausolomua o latou tupu i le faia faapea.+
12 Auā o le a faaumatia so o se atunuu ma so o se malo e lē auauna iā te oe; e oo lava le faatafunaina i atunuu.+
13 “O le a oo mai iā te oe le mamalu o Lepanona, faatasi ma le laau o le perosi, o le laau o le titara, ma le paina+ ina ia faamatagofie ai loʻu malumalu;+ ma ou te faamamaluina foʻi le mea e tū ai oʻu vae.+
14 “E ō atu ma ifo atu iā te oe o atalii o ē o loo faapuapuagatia oe;+ e punonou i ou alofivae i latou uma e lē faaaloalo iā te oe,+ e latou te taʻua foʻi oe o le aai o Ieova, o Siona+ o Lē e Paia o Isaraelu.
15 “O le a ou faia oe ma mitamitaga i aso uma, ma se mea e fiafia ai i lea tupulaga ma lea tupulaga,+ e lē matuā tuulafoaʻiina oe ma inosia, e aunoa ma se tasi e ui ane ai.+
16 E te susu i le suāsusu o atunuu,+ e te susu foʻi i susu o tupu;+ ma e te matuā iloa ai o aʻu o Ieova,+ o lou Faaola,+ o Lē e na te toe faatauina oe+ o Lē e Malosi+ o Iakopo.
17 Ou te aumaia le auro+ e sui aʻi le ʻapamemea, ou te aumaia foʻi le siliva e sui aʻi le uʻamea, o le ʻapamemea e sui aʻi le laupapa, o le uʻamea e sui aʻi maa; ou te tofia le filemu e fai ma ou ovasia+ ma le amiotonu e fai ma lē e tofia atu galuega.+
18 “E lē toe lagonaina i lou laueleele ni faiga sauā, po o le faoa o mea ma le lepetia o mea i totonu o ou tuaoi.+ O le a e taʻua ou lava pā o le Faaolataga,+ ma ou faitotoʻa o le pā, o le Viiga.
19 E lē toe avea le lā ma malamalama iā te oe i le ao, e lē toe faamalamalamaina oe i le susulu o le masina. E fai Ieova ma ou malamalama e tumau pea,+ e fai foʻi lou Atua ma ou matagofie.+
20 E lē toe goto lou lā, e lē mavae atu foʻi lou masina; auā o le a fai Ieova lava ia ma ou malamalama e tumau pea,+ ma e uma foʻi aso o lou faavauvau.+
21 Auā o le a amiotonu tagata uma o lou nuu, o i latou uma;+ o le a fai ma o latou tofi i aso uma le laueleele,+ o le tātupu o aʻu mea totō,+ o le galuega a oʻu lima+ ina ia faamatagofie ai aʻu.+
22 O le a avea lē e toʻaitiiti ma toʻaafe, e avea foʻi lē e faatauvaa ma se atunuu malosi.+ O aʻu o Ieova ou te faavave ona fai i ona aso.”+
Faamatalaga Pito i Lalo
^ O se mea manogi taugatā lea e manaia lona manogi pe a faamūina. E paʻepaʻe ma e tai pei o le sua o le laau o le pulu.
