Isaia 8:1-22
8 Ona fetalai mai lea o Ieova iā te aʻu: “Ia e ave se laupapa telē+ ma tusia ai i luga ni mataʻitusi faigofie i se peni, o ‘Maeli-sala-asa-pasa.’*
2 Ia iai se faamaoniga+ o lenei mea iā te aʻu e ala i ni molimau+ faamaoni, o Uria le ositaulaga+ ma Sakaria le atalii o Iperekia.”
3 Ona ou alu ane lea i le perofeta fafine, ma ua tō ai o ia ona fanau ai lea o le tama tama.+ Ua fetalai mai Ieova iā te aʻu: “Ia faaigoa o ia iā Maeli-sala-asa-pasa,
4 auā a o leʻi iloa e le tamaitiiti ona valaau atu faapea,+ ‘Loʻu tamā e!’ ma ‘Loʻu tinā e!’ e aveesea e se isi oloa uma o Tamaseko ma vete a Samaria i luma o le tupu o Asuria.”+
5 Ua toe fetalai mai Ieova iā te aʻu, e faapea:
6 “Talu ai ua teena e lenei nuu+ le vai o Seloa*+ o loo tafe lemū, ma ua matuā fiafia+ iā Resina ma le atalii o Remalia;+
7 o le mea lea, faauta! o le a aumaia e Ieova faasaga iā i latou+ o vai o le Vaitafe,+ e malolosi ma e tele lava, o le tupu lea o Asuria+ ma lona mamalu+ uma. O le a ia alu aʻe i ona alāvai uma ma ona auvai uma
8 ma alu atu agaʻi i Iuta. O le a pei o ia o se tafega e tafe atu,+ e oo aʻe lava ia i le ua.+ E faaloloa ona apaʻau+ ma e tumu ai le lautele o lou laueleele, Emanuelu e!”+
9 O outou nuu e, ia outou sauni e faamanuʻalia i latou, peitaʻi e nutililiia outou; inā faalogologo ia outou o ē o nonofo i mea mamao o le lalolagi!+ Inā fusi ia a outou auupega+ ae peitaʻi e nutililiia outou!+ Inā fusi ia a outou auupega ae peitaʻi e nutililiia outou!
10 Inā sauniuni ia se faufauga, ae o le a faalēaogāina!+ Inā tautala ia i so o se upu, ae e lē faatumauina, auā ua iā i matou le Atua!+
11 Auā o le fetalaiga lenei ua fetalai mai ai Ieova iā te aʻu ma le malosi o lona aao, ina ia lapataʻia aʻu e aua lava neʻi oʻu savali i le ala o lenei nuu, i lona faapea mai:
12 “E lē tatau ona outou faapea mai, ‘O le taupulepulega!’ e tusa ma mea uma ua fai mai soo ai lenei nuu, ‘O le taupulepulega!’+ ma aua tou te matataʻu i le mea o loo latou matataʻu i ai, aua foʻi tou te fefefe i ai.+
13 E ao ona outou manatua e na o Ieova o ʻau e paia+ lava o ia, ma e ao ona outou matataʻu+ iā te ia, o Ia foʻi e ao ona outou fefefe i ai.”+
14 E ao ona avea o ia e pei o se nofoaga paia;+ ae ia pei o se maa e tausuai+ ai ma se papa e tautevateva ai i aiga uma e lua o Isaraelu, ia avea foʻi e pei o se mailei ma se matāsele i ē o loo nonofo i Ierusalema.+
15 E toʻatele i latou o le a tautevateva ma paʻuʻū ma gaugau, e maileia foʻi ma puʻea.+
16 Ia tāʻai le molimau,+ ma ia faamaufaailogaina le tulafono i oʻu soo!+
17 Ou te faatalitali pea iā Ieova,+ o lē ua ʻaloese ona fofoga mai i le aiga o Iakopo,+ ma ou te faamoemoe iā te ia.+
18 Faauta! O aʻu ma le fanau, o ē ua foaʻiina mai e Ieova iā te aʻu,+ o ni faailoga+ ma ni vavega ia i Isaraelu mai iā Ieova o ʻau, o lē ua afio i le Mauga o Siona.+
19 Afai e latou te fai atu iā te outou: “Ia saʻili atu i taulāitu+ po o i latou ua iai le mana e faia ai valovaloga, o ē e musumusu+ ma leo lāiti ma memumemu,” pe e lē tatau ea ona saʻili atu tagata i lo latou Atua?+ Pe e tatau ea ona fesili atu i ē ua oti ona o ē o loo ola?+
20 Ia saʻili i le tulafono ma le molimau!+
E mautinoa o le a latou tautatala atu pea e tusa ma ia upu+ ae e latou te lē maua lava le malamalama o le vaveao.+
21 E taʻitasi ma ui ane i le atunuu ua puapuagatia ma fia ʻai;+ talu ai ua fia ʻai o ia ma ua ita foʻi, ona ia fetuu lea i lona tupu ma lona Atua+ ma autilo atu i luga.
22 O le a vaai atu o ia i le lalolagi ma auē! o le puapuaga ma le pogisa,+ o le puaoa, o taimi faigatā ma le pōuliuli e aunoa ma se malamalama.+
Faamatalaga Pito i Lalo
^ O lona uiga, “Ua faataalise i le mea ua faoa, ua ia faavave i le mea ua gaoia.”
^ O lona uiga, “O lē ua auina atu,” ma e faatatau atu i se alāvai.
