Iuta 1:1-25
1 O aʻu o Iuta o le pologa a Iesu Keriso, ma o le uso o Iakopo,+ o le tusi lenei i ē ua valaauina+ ma ua alofagia e le Atua le Tamā,+ ma ua leoleoina+ mo Iesu Keriso:
2 Ia faatuputeleina iā te outou+ le alofa mutimutivale,+ le filemu,+ ma le alofa.+
3 Le ʻaupele e,+ sa ou naunau tele e tusi atu iā te outou e uiga i lo tatou faaolataga.+ A o lenei, e tatau ona ou tusi e fautua atu iā te outou ina ia finafinau mo le faatuatua,+ lea na tuuina atu i le ʻaupaia.+
4 Auā ua ō mai faananā+ isi tagata faalēmataʻu,+ o ē na muaʻi valoia+ i Tusitusiga Paia e oo i ai lenei faasalaga.+ Ua latou liua le agalelei faifua o lo tatou Atua, ma māfuaaga e faia ai amioga matagā+ ma ua lē faamaoni+ ai i lo tatou Matai+ e toʻatasi ma le Alii,+ o Iesu Keriso.
5 E ui lava ua outou iloa nei mea uma,+ ae ou te fia faamanatu atu pea, na faaolaina e Ieova tagata mai i le nuu o Aikupito,+ ma mulimuli ane faaumatia e ia o ē na lē faatuatua.+
6 O agelu foʻi o ē e leʻi taofi i lo latou tulaga na iai muamua, a ua tuua le mea na latou nonofo ai,+ ua taofia e ia i noataga+ e faavavau i le pogisa mo le faamasinoga i le aso tele.+
7 E faapena foʻi tagata o Sotoma ma Komoro ma aai na siʻomia ai,+ na soona faitaaga i latou ma faamalieina o latou tuʻinanauga matagā.+ Ua fai i latou ma faaaʻoaʻoga+ e lapataʻia ai i tatou, auā na faasalaina i latou i le afi e faavavau.+
8 E faapea foʻi o ia tagata moemiti,+ e latou te faaleaga i le tino ma lē faaaloalo i alii+ ma fai upuleaga i ē e mamalu.+
9 Ae ina ua finau+ Mikaele+ le agelu sili+ ma le Tiapolo i le tino o Mose,+ na lē manaʻo o ia e lafo atu se upuleaga+ e faasala ai o ia, ae na ia faapea atu: “Tau ina ia aʻoaʻi atu Ieova iā te oe.”+
10 Peitaʻi, ua upuleaga nei tagata i mea uma latou te lē iloa lelei;+ a o mea uma e masani ona latou malamalama i ai, e pei o meaola e leai ni mafaufau,+ ua faaleagaina+ ai i latou i na lava mea.
11 Oi talofa iā i latou, auā ua latou savavali i le ala o Kaino,+ ma taufetuli i le ala sesē o Palaamo+ ona o le taui, ma fano ai i latou i upu fouvale+ a Koru!+
12 O i latou o papa ua natia i le vai a o latou aai faatasi i a outou faigaʻai alofa,+ o i latou o leoleo mamoe ua aai ma le lē matataʻu;+ o ao ua leai ni vai+ ua feaveaʻi solo e matagi;+ o laau i le faaiʻuga o le tau e afu ai mea a ua lē fua mai, ua mamate faalua, ma ua liaʻieseina.+
13 O a latou amioga e māsiasi ai, ua pei o le fafati o peau sousou o le sami.+ O i latou foʻi o fetu ua fegasoloaʻi, ua na ona faatali i le pogisa o le pōuliuli e faavavau.+
14 O lea, na valoia mai e Enoka,+ o lona toʻafitu lea o augātamā mai iā Atamu, e uiga iā i latou na e faapea: “Faauta! ua afio mai Ieova ma ana ʻaupaia e mano ni mano,*+
15 e faamasino i tagata uma,+ ma faasala i ē uma e amio faalēmataʻu e tusa ma a latou galuega leaga uma na faia ma le faalēmataʻu, e tusa foʻi ma upu faifai uma na faia iā te ia e tagata agasala faalēmataʻu.”+
16 O i latou o tagata muimui+ ma faitio i o latou lava olaga, ma amioaʻi e tusa ma o latou lava tuʻinanau,+ ua tautatala o latou gutu i upu faasausili,+ ma faaviivii atu i tagata+ ina ia maua ai ni a latou mea.
17 A o outou le ʻaupele e, ia manatua upu na muaʻi fai mai ai le ʻauaposetolo a lo tatou Alii o Iesu Keriso.+
18 Na masani ona latou fai atu iā te outou: “O aso e gata ai o le a iai ē tauemu, e amioaʻi e tusa ma o latou lava tuʻinanauga i mea leaga.”+
19 O i latou ia ua faatupuina fevaevaeaʻiga,+ e amio faamanu,+ ua lē ano i mea faaleagaga.+
20 A o outou le ʻaupele e, ia atiaʻe iā te outou+ i lo outou faatuatua e sili ona paia,+ ma tatalo i le agaga paia.+
21 Ia outou faatumau iā te outou i le alofa o le Atua,+ a o faatalitali atu i le alofa mutimutivale+ o lo tatou Alii o Iesu Keriso, lea e iʻu ai i le ola e faavavau.+
22 Ia faaauau foʻi ona alolofa mutimutivale+ i ē o iai masalosaloga.+
23 Ia faaola iā i latou+ i le seʻi ese mai i le afi.+ Ia faaauau ona alolofa mutimutivale i isi, ae ia faia ma le mataʻu, ma ia outou ʻinoʻino i le ofu* ua pisia i le tino.+
24 O le Atua o lē na te leoleoina+ outou ina neʻi paʻuʻū i le agasala, ma ia lē ponā+ i luma o lona mamalu ma le olioli tele.
25 O ia o lo tatou Atua e toʻatasi o lo tatou Faaola+ lea, ia iā te ia i le taimi nei e ala iā Iesu Keriso+ lo tatou Alii, le viiga,+ le mamalu, le malosi+ ma le pule,+ e mai i le vavau+ e oo i le faavavau.+ Amene.+
