Le Pese a Solomona 2:1-17
2 “O aʻu, ua na o se fua o le laau i Sarona,*+ o le lili i le fanua laugatasi.”+
2 “E pei o le lili i vao tuitui, e faapena laʻu uō teine i tama teine.”+
3 “E pei o le apu i totonu o laau+ o le vaomatua, o loo faapea laʻu pele i tauleleʻa.+ Na ou matuā naunau i lona paolo, ma o i inā na ou nofo ai, na suamalie foʻi lona fua i loʻu gutu.
4 Na ia aumaia aʻu i totonu o le fale o uaina,+ o lana fuʻa foʻi na agiagia i oʻu luga,+ o le alofa lea.+
5 Ia outou faamalosia aʻu i keke vine,+ ma fafaga aʻu i apu; auā ua ou maʻi i loʻu alofa.+
6 Ua i lalo o loʻu ulu lona lima tauagavale; ma ua fusi mai foʻi iā te aʻu lona lima taumatau.+
7 Tama fafine a Ierusalema e, ou te faatautō+ iā te outou i sevi+ fafine ma ʻaila+ o le fanua, ia aua neʻi outou taumafai e fafagu pe faagaee le alofa i totonu iā te aʻu, seʻia faitalia lava ia.+
8 “O le leo o laʻu pele!+ Faauta! O loo sau o ia,+ o loo aʻeaʻe i luga o mauga ma osooso i luga o aʻega.
9 Ua pei laʻu pele o se sevi+ po o se tamaʻi ʻaila. Faauta! O loo tū mai o ia i tua o lo tatou pā, o loo vaavaai mai i faamalama, o loo autilo mai i mea valavala.+
10 Na tali mai laʻu pele iā te aʻu ma faapea mai, ‘Laʻu uō teine e, inā tulaʻi ia, si oʻu lalelei e,+ inā sau ia.+
11 Auā faauta! ua mavae atu le tau o timuga,+ ua uma foʻi timuga ma ua teʻa ese atu.
12 Ua iloa atu le fuga mai o laau i le fanua,+ ua oo i le taimi e teu ai vine,+ ma ua lagona foʻi le leo o le manutagi+ i lo tatou nuu.
13 A o le laau o le mati,+ ua oo ina matua ona fua sa moto;+ ua fua mai foʻi vine ma ua sasala mai lo latou manogi.+ Si aʻu uō teine e, inā tulaʻi ia, inā sau ia, si oʻu lalelei e, inā sau ia.
14 Laʻu lupe e,+ o loo i ana o le papa, i le mea lilo o le mato, inā faaali mai ia iā te aʻu ou foliga,+ seʻi oʻu faalogo atu i lou leo, auā e mālie lou leo ma e lalelei foʻi ou mata.’”+
15 “Ia outou pupuʻe mai alope mo i tatou, o tamaʻi alope+ o loo faaleagaina o tatou togāvine, auā ua fua mai o tatou togāvine.”+
16 “O aʻu e ona laʻu pele, o ia e ona aʻu.+ O loo fafaga lana lafu+ i laufanua o loo iai lili.+
17 Seʻia mālū le aso ma mou atu ata lafoia, laʻu pele e, inā liliu mai ia; ia pei oe o le sevi+ po o se tamaʻi ʻaila i luga o mauga i lo ta va.
Faamatalaga Pito i Lalo
^ Po o “i le talafatai.”
