Mataio 3:1-17
3 I na ona pō, ua talaʻi atu ai Ioane le Papatiso+ i le toafa+ o Iutaia,
2 ma faapea atu: “Inā salamō+ ia outou, auā ua latalata mai le malo o le lagi.”+
3 E moni, o ia lenei na valoia e le perofeta+ o Isaia e faapea: “Faalogo! O loo alaga se tasi i le toafa, ‘Ia outou sauniuni+ le ala o Ieova! Ia faasaʻosaʻo ala i ona luma.’”
4 O ofu o Ioane o le fulufulu kamela+ ma le fusipaʻu+ i lona sulugātiti, ma o lana meaʻai o sē akerise+ ma le meli vao.+
5 Ona ō mai ai lea iā te ia o Ierusalema ma Iutaia uma, ma le vaipanoa uma o le vaitafe o Ioritana.
6 Ua ia papatisoina foʻi tagata i le Vaitafe o Ioritana,+ ma ua faailoa ane a latou agasala.
7 Ua ia iloa atu ua ō mai le toʻatele o le ʻau Faresaio* ma le ʻau Satukaio*+ i le mea o fai ai le papatisoga, ona faapea atu lea iā i latou: “O outou o fanau a gata feʻai,+ o ai ua na faailoa atu iā te outou ia sosola ese mai i le toʻasā+ o loo sau?
8 O lea, ia outou fua mai ni fua e tatau ma le salamō;+
9 ma aua neʻi outou manatu ifo e faapea, ‘O lo matou tamā o Aperaamo.’+ Auā ou te fai atu iā te outou, e mafai lava e le Atua ona faia ni fanau ma Aperaamo+ mai i nei maa.
10 A ua taatia nei le toʻi+ i pogati o laau; o laau uma e lē fua mai i ni fua lelei, e tātuu i lalo+ ma lafo i le afi.+
11 O aʻu nei, ou te papatiso atu iā te outou i le vai,+ auā ua outou salamō;+ a o lē e mulimuli mai,+ e sili atu ona malosi o ia iā te aʻu, e lē aogā iā te aʻu ona ou tatala i ona seevae.+ O ia lenā na te papatiso atu iā te outou i le agaga paia*+ ma le afi.+
12 O loo i lona aao lana suō,* ma o le a ia faamamāina ai le mea e soli ai saito, ma faaputu ana saito i le fale saito,+ ae e susunu+ e ia le otaota o saito i le afi e lē mafai ona tineia.”
13 Ona maliu atu lea o Iesu mai Kalilaia+ i le vai o Ioritana iā Ioane, ina ia papatisoina+ ai o ia.
14 Ae ua taumafai Ioane e taofi iā te ia ma faapea mai: “E tatau ona e papatiso mai iā te aʻu, ae aiseā ua e maliu mai ai iā te aʻu?”
15 Ona tali atu lea o Iesu iā te ia: “O lenei inā faia ia o lenei mea, auā e faapea ona tatau iā i tatou ona faataunuuina o mea tonu uma.”+ Ona lē toe taofia lea o ia e Ioane.
16 Ua uma ona papatisoina Iesu, ona maliu aʻe loa lea o ia mai le vai. Faauta! ua matala mai le lagi,+ ma ua iloa atu ai e Ioane le agaga o le Atua e pei o se lupe+ ua alu ifo i ona luga.+
17 Faauta foʻi! Ua faapea mai le siʻufofoga+ mai i le lagi: “O loʻu Atalii+ pele+ lenā, o lē ua malie i ai loʻu loto.”+
Faamatalaga Pito i Lalo
^ O se vaega tāua o le lotu Iutaia e fesootaʻi ma ositaulaga, e leʻi talitonu i le toetū po o agelu.
^ O se vaega tāua o le lotu Iutaia na iai i le uluaʻi senituri T.A.
^ Po o le “mana galue.”
^ O le suō e asu ai le saito ina ia lelea ese le aputi.
