Mika 2:1-13
2 “Oi talofa i ē e faufau i mea leaga, ma i latou o ē e manatunatu i le faia o mea leaga a o taooto i o latou moega!+ Pe a malama aʻe le taeao, ona latou faia lea o ia mea,+ auā ua i o latou lima le malosi e faia ai.+
2 Ua latou mananaʻo i fanua ma latou faoa ai;+ ua latou ave foʻi fale; ma ua latou faasesē i le tagata ma lona aiga+ ma le tagata ma lona tofi.+
3 “O lea, o le fetalaiga lenei a Ieova, ‘O loo oʻu mafaufau i se malaia+ faasaga i lenei aiga,+ lea e lē mafai ona ʻaloese ai o outou ua,+ ina ia outou lē savavali ai ma le faamaualuluga;+ auā o le aso lea o le malaia.+
4 O lenā aso, e saunia ai e se tasi se faaupuga masani+ e faatatau iā te outou, ma o le a ia faia se auēga, o se auēga lava.+ O le a fai mai se tasi: “Ua matuā faatafunaina i tatou!+ Ua ia suia le laufanua o loʻu nuu.+ Auē ua ia aveesea mai iā i tatou! Ua ia vaevae o tatou lava fanua i ē e lē faamaoni.”
5 O le mea lea, o le a leai se isi iā te oe i le faapotopotoga a Ieova na te fuaina le fanua i le manoa ia ua vaevaeina e ala i le vili.+
6 Aua tou te faia valoaga.+ E faia e i latou o valoaga, ae e lē faia e i latou e tusa ma ia mea. E lē mavae atu le māsiasi.+
7 “‘Le aiga e, o Iakopo,+ ua outou faalogo o faapea mai tagata: “Po ua lē malie ea le agaga o Ieova, ma po o ana gaoioiga ea ia?”+ Pe e lē o aʻu upu ea e lelei+ ai lē e savali ma le amiotonu?+
8 “‘E leʻi leva atu na tulaʻi ai loʻu nuu ma avea ma fili.+ Ua outou sasaeese le teuteu matagofie mai i luma o le ofu, mai i ē ua ui ane ma le mautinoa, e pei o i latou ua toe foʻi mai i le taua.
9 Ua outou tuliesea fafine o loʻu nuu mai i le fale e fiafia i ai le fafine. Ua outou aveesea mai i lana fanau oʻu faamanuiaga matagofie+ mo aso uma lava.+
10 Inā tulaʻi ia ma alu,+ auā ua lē toe avea lenei laueleele ma ou atunuu.+ Talu ai ua lē mamā o ia,+ o le a faaumatia ai; ma o le faaumatiaga o se mea e tigā ai.+
11 Afai e mulimuli se tagata i le matagi ma le pepelo, ma ua tautala pepelo:+ “Ou te fai atu se valoaga iā te oe e faatatau i le uaina ma le ʻava malosi,” o le a avea foʻi o ia ma perofeta mo lea nuu.+
12 “‘Ou te faapotopotoina lava Iakopo, o outou uma lava;+ ou te faapotopotoina faatasi foʻi o ē e totoe o Isaraelu.+ Ou te autasia i latou e pei o se lafu i le lotoā, e pei foʻi o se lafu i totonu o le laufanua e aai ai manu;+ o le a iai le pisapisaō o tagata i inā.’+
13 “E alu aʻe i o latou luma o lē na te lepetia:+ ma e latou te sopoʻia ai.+ E latou te ui ane i le faitotoʻa o le pā ma ō atu ai. E muamua lo latou tupu i o latou luma, ae e taʻimua Ieova iā i latou uma.”+
