Neemia 2:1-20
2 I le masina o Nisani+ i le tausaga lona lua sefulu+ o le nofoaiga a le tupu o Aretaseta,+ na iai i ona luma le uaina, ma na ou ave aʻe le uaina ma avatu i le tupu e pei ona masani ai.+ Ae e leʻi faapea ona ou faanoanoa muamua i ona luma.+
2 Ona faapea mai lea o le tupu iā te aʻu: “Aiseā ua e foliga faanoanoa+ ai ae e te lē o maʻi? E na o le faanoanoa lava o le loto.”+ Ona ou matuā fefe ai lea.
3 Ona ou faapea atu lea i le tupu: “Ia faafualoa le soifua o le tupu!+ Aiseā o le a ou lē foliga faanoanoa ai, ina ua faatafunaina le aai+ o loo tanu ai oʻu augātamā,+ ma ua faaumatia foʻi ona faitotoʻa i le afi?”+
4 Ona fai mai lea o le tupu iā te aʻu: “O le ā se mea o e taumafai e fai?”+ Ona ou tatalo+ loa lea i le Atua o le lagi.+
5 Ona ou fai atu lea i le tupu: “Afai e lelei i le tupu,+ afai foʻi e te finagalo malie i lau auauna,+ ia e auina atu aʻu i Iuta i le aai o loo tanu ai oʻu augātamā, ina ia ou toe fausiaina.”+
6 Ua fai mai le tupu iā te aʻu a o nofo lana masiofo i ona tafatafa: “O le ā le umi o lau malaga, a o afea foʻi e te toe foʻi mai ai?” Ua lelei+ i le tupu ona ia auina atu o aʻu, ina ua ou taʻu atu iā te ia le taimi ua atofaina.+
7 Ona ou toe fai atu lea i le tupu: “Afai e lelei i le tupu, ia tuuina mai iā te aʻu ni tusi+ e avatu i kovana+ i tala atu o le Vaitafe,+ ina ia latou tuu mai aʻu ou te ui atu seʻia ou oo i Iuta;
8 faapea foʻi ma se tusi iā Asafo o lē e vaaia le vaomatua a le tupu, ina ia aumaia e ia ni laupapa iā te aʻu e fai ai faitotoʻa o le Maota+ o le fale,+ ma le pā+ o le aai, ma le fale o le a ou alu atu i ai.” Ona tuuina mai lea e le tupu o tusi iā te aʻu, e tusa ai ma le aao agalelei o loʻu Atua sa i luga iā te aʻu.+
9 Ona ou oo atu lea i kovana+ i tala atu o le Vaitafe, ma tuuina atu iā i latou tusi a le tupu. Ua aauina atu foʻi aʻu e le tupu faatasi ma alii sili o le ʻautau ma tagata tiʻetiʻe solofanua.
10 Ina ua faalogo i ai Sanepalata+ le Horono,+ ma Tovia+ le auauna, o le sa Amonī,+ ona manatu lea o i laʻua o se mea matuā leaga+ ua sau ai lenā tagata, e saʻili se mea lelei mo le fanauga a Isaraelu.
11 Ona ou oo lea i Ierusalema, ma ua ou nofo ai pea i inā mo aso e tolu.
12 Ua ou tulaʻi i le pō, o aʻu ma nai tagata sa iā te aʻu, ae ou te leʻi taʻu atu i se tagata+ le mea na tuuina e loʻu Atua i loʻu loto e fai mo Ierusalema,+ e leai foʻi se manu na iā te aʻu ae e na o le manu na ou tiʻetiʻe ai.
13 Ona ou alu atu lea i le pō e ui atu i le Faitotoʻa o le Vanu+ i luma o le Vaipuna o le Gata Tele, ma ui atu ai i le Faitotoʻa o Otaota,+ ma sa ou vaavaai pea i pā+ o Ierusalema, i le auala na solofa ai i lalo ma faaumatia ai e le afi ona faitotoʻa.+
14 Ua ou ui atu i le Faitotoʻa o le Vaipuna+ ma le Vai Tāʻele a le Tupu, ae e leai se mea e ui atu ai le manu na ou tiʻetiʻe ai.
15 A ua ou ui aʻe pea i le ālia+ i le pō ma vaavaai pea i le pā; ona ou toe foʻi mai lea ma ulu atu i le Faitotoʻa o le Vanu,+ ma ou foʻi ai loa.
16 E leʻi iloa e sui pule+ le mea na ou alu i ai ma le mea na ou faia; ma ou te leʻi taʻuina atu foʻi se mea e tasi i tagata Iutaia, o ositaulaga, o tamālii, o sui pule, ma ē na totoe o ē e faia le galuega.
17 Mulimuli ane, ua ou fai atu iā i latou: “Ua outou vāai i le tulaga leaga o loo tatou iai, o le auala ua faatafunaina ai Ierusalema ma ua susunuina foʻi ona faitotoʻa i le afi. Inā ō mai ia, seʻi o tatou toe fausia le pā o Ierusalema, ina ia lē faalumaina ai pea i tatou.”+
18 Na ou faamatala atu foʻi iā i latou le aao+ o loʻu Atua lea na agalelei mai iā te aʻu,+ atoa foʻi ma upu a le tupu+ na ia fai mai iā te aʻu. Ona latou faapea mai lea: “Inā tatou tulaʻi ia ma o tatou fausia loa.” Ona faamalolosi lea o o latou lima mo le galuega lelei.+
19 Ina ua faalogo i lenei mea Sanepalata+ le Horono, o Tovia+ le auauna,+ o le sa Amonī,+ ma Gesemu+ le tagata Arapi,+ ona latou taufaifai mai lea iā i matou+ ma vaavaai mai ma le ʻinoʻino iā i matou, ma faapea mai: “O le ā lenei mea ua outou faia? Ua outou faia ea lenei mea e fouvale ai i le tupu?”+
20 Ae na ou tali atu iā i latou, ma faapea atu iā i latou: “O le Atua o le lagi,+ o Ia e na te faamanuia mai iā i matou,+ o i matou foʻi o ana auauna, e matou te tutulaʻi ma fausiaina; a o outou, e leai so outou tofi,+ po o se aiā, po o se mea e manatua+ ai outou i Ierusalema.”
