Neemia 3:1-32
3 Ona tulaʻi lea o Eliasipa+ le ositaulaga sili ma ona uso le ʻauositaulaga, ma fausia le Faitotoʻa o Mamoe.+ Ona latou faapaiaina ai lea,+ ma ua faatutūina ona faitotoʻa; ona latou faapaiaina ai lea o lea mea e oo atu i le ʻOlo o Meaa,+ ma oo atu ai i le ʻOlo o Hananiali.+
2 Na pito ane iā i latou tagata o Ieriko+ sa toe faaleleia le pā. Na pito ane iā i latou o Sakuro le atalii o Imeri sa toe faaleleia le pā.
3 Ua fausia e le fanauga a Hasenaa le Faitotoʻa o Iʻa;+ ua latou faia i laupapa+ ma faatutūina ona faitotoʻa,+ o ona faamau, ma ona faamaufaalava.+
4 Na pito ane iā i latou o Meremota+ le atalii o Uria,+ o le atalii lea o Hakosa, sa toe faaleleia le pā, na pito ane iā i latou o Mesulama+ le atalii o Perekia le atalii o Mesesapelu, sa toe faaleleia le pā; na pito ane iā i latou o Satoka le atalii o Paana sa toe faaleleia le pā.
5 Na pito ane iā i latou tagata Tikoa+ sa toe faaleleia le pā; a o o latou alii,+ ua lē fesoasoani i latou i le galuega a o latou matai.
6 Sa toe faaleleia le Faitotoʻa o le Aai Tuai+ e Ioata le atalii o Pasea, ma Mesulama le atalii o Pesotia; ua la faia i laupapa ma faatutūina ona faitotoʻa, o ona faamau, ma ona faamaufaalava.+
7 Na pito ane iā i latou o Melatia le Kipeona+ ma Iatonu le Marono+ sa toe faaleleia le pā, o tagata Kipeona+ ma Mesepa,+ o ē e pulea e le kovana+ i tala atu o le Vaitafe.+
8 Na pito ane iā te ia o Usialu le atalii o Haraia, o se tasi o tufuga fai mea auro,+ sa toe faaleleia le pā; na pito ane iā te ia o Hanania, o se tasi e faia uu manogi,+ sa toe faaleleia le pā; ona latou fola lea o Ierusalema i maa mafolafola e oo atu lava i le Pā Lautele.+
9 Na pito ane iā i latou o Refaia le atalii o Huro, o le perenise o le ʻafa o le itumalo o Ierusalema, sa toe faaleleia le pā.
10 Na pito ane iā i latou o Ietaia le atalii o Harumapu, sa toe faaleleia le pā i luma o lona fale;+ na pito ane iā te ia o Hatusa le atalii o Hasapenia, sa toe faaleleia le pā.
11 O le isi vaega o le pā, sa toe faaleleia e Malakia le atalii o Harima,+ ma Hasupo le atalii o Pakamoapi,+ faapea foʻi ma le ʻOlo o Ogaumu.+
12 Na pito ane iā te ia o Saluma le atalii o Halokesu, o le perenise+ o le ʻafa o le itumalo o Ierusalema, sa toe faaleleia le pā, o ia ma ona afafine.
13 Na toe faaleleia e Anuni ma tagata o Sanoa+ le Faitotoʻa o le Vanu;+ na latou faia ma faatutū ona faitotoʻa,+ o ona faamau,+ ma ona faamaufaalava,+ atoa ai ma le afe kupita o le pā e oo atu i le Faitotoʻa o Otaota.+
14 Na toe faaleleia le Faitotoʻa o Otaota e Malakia le atalii o Rakapa, o le perenise o le itumalo o Peteakarema;+ na ia fausia foʻi le pā, ma faatutū ona faitotoʻa, o ona faamau, ma ona faamaufaalava.
15 Na toe faaleleia le Faitotoʻa o le Vaipuna+ e Saluna le atalii o Kolokuse, o le perenise o le itumalo o Mesepa;+ na ia fausia foʻi, ma ato ai, ma faatutūina ona faitotoʻa,+ o ona faamau, ma ona faamaufaalava, faapena foʻi ma le pā o le Alāvai o le Vai+ e tafe atu i le Togālaau a le Tupu,+ e oo atu lava i le Faasitepu+ lea e alu ifo mai i le Aai a Tavita.+
16 Na sosoo ane iā te ia o Neemia le atalii o Asepuka, o le perenise o le ʻafa o le itumalo o Petesura,+ sa toe faaleleia le pā e oo atu i luma o Fanuatanu o Tavita,+ e oo atu i le vai+ na faia, e oo atu i le Fale o Ē e Malolosi.+
17 Na sosoo ane iā te ia le ʻau sa Levī+ sa toe faaleleia le pā, o Rekuma le atalii o Pani;+ na pito ane iā te ia Hasapea, o le perenise o le ʻafa o le itumalo o Kaila,+ sa toe faaleleia le pā o lona itumalo.
18 Na sosoo ane iā te ia o latou uso sa toe faaleleia le pā, o Pavai le atalii o Henatati, o le perenise o le ʻafa o le itumalo o Kaila.
19 Na pito ane iā te ia o Eseri le atalii o Iesua,+ o le perenise o Mesepa+ sa toe faaleleia le isi vaega o le pā i luma o le mea e alu aʻe ai i le Fale o Auupega i le Tulimanu o le Pā.+
20 Na sosoo ane iā te ia o Paruka le atalii o Sapai,+ sa galue ma le tinoū+ ma toe faaleleia le isi vaega o le pā, e amata mai i le Tulimanu e oo atu i le mea e ui atu ai i le fale o Eliasipa+ le ositaulaga sili.
21 Na sosoo ane iā te ia o Meremota le atalii o Uria+ le atalii o Hakosa, sa toe faaleleia le isi vaega o le pā, e amata mai i le mea e ui atu ai i le fale o Eliasipa, e oo atu lava i le isi pito o le fale o Eliasipa.
22 Na sosoo ane iā te ia le ʻauositaulaga, o tagata o le Itumalo o Ioritana,+ sa toe faaleleia le pā.
23 Na sosoo ane iā i latou Peniamina ma Hasupo, sa toe faaleleia le pā i luma o lo la fale. Na sosoo ane iā i latou o Asaraia le atalii o Maaseia le atalii o Anania, sa toe faaleleia le pā e latalata i lona fale.
24 Na sosoo ane iā te ia o Penui le atalii o Henatati, sa toe faaleleia le isi vaega o le pā, e amata mai i le fale o Asaraia e oo atu i le Poutū Lagolago,+ e oo atu foʻi i le tulimanu.
25 Na sosoo ane iā te ia o Palala le atalii o Usai, sa toe faaleleia le pā i luma o le Tulimanu ma le ʻolo e alu atu mai i le Fale o le Tupu,+ o le ʻolo i luga o le Lotoā o le Leoleo.+ Na sosoo ane iā te ia Petaia le atalii o Parose.+
26 Na nonofo le ʻau Netini+ i Ofele;+ sa latou toe faaleleia le pā e oo atu i luma o le Faitotoʻa o le Vai+ i le itu i sasaʻe ma le ʻolo e maualuga atu.
27 Na sosoo ane iā i latou tagata Tikoa,+ sa toe faaleleia le isi vaega o le pā e amata mai i luma o le ʻolo sili e maualuga atu e oo atu i le pā o Ofele.
28 I luga aʻe o le Faitotoʻa o Solofanua,+ sa toe faaleleia ai e le ʻauositaulaga le pā, e taʻitoʻatasi i luma o lona lava fale.
29 Na sosoo ane iā i latou o Satoka+ le atalii o Imere, sa toe faaleleia le pā i luma o lona fale.
Na sosoo ane iā te ia o Semaia le atalii o Sekania, o le leoleo o le Faitotoʻa i Sasaʻe,+ sa toe faaleleia le pā.
30 Na sosoo ane iā te ia o Hanania le atalii o Selemia, ma Anuni, o le atalii lona ono lea o Salafa, sa toe faaleleia le isi vaega o le pā.
Na sosoo ane iā te ia o Mesulama+ le atalii o Perekia, sa toe faaleleia le pā i luma o lona potu tele.+
31 Na sosoo ane iā te ia o Malakia, o se tufuga o le ʻau fai mea auro,+ sa toe faaleleia le pā e oo atu i le fale o le ʻau Netini+ ma le ʻaufaatauʻoa,+ i luma o le Faitotoʻa e Suʻesuʻe ai, ma oo atu ai i le potu pito i luga o le tulimanu.
32 Sa toe faaleleia e tufuga fai mea auro ma le ʻaufaatauʻoa le pā i le va o le potu pito i luga o le tulimanu, ma le Faitotoʻa o Mamoe.+
