Neemia 8:1-18
8 Ua faapotopoto faatasi le nuu uma e pei o se tagata e toʻatasi+ i le nofoaga faitele,+ i luma o le Faitotoʻa o le Vai.+ Ona latou fai atu lea iā Esera+ le tusiupu, ina ia aumai le tusi+ o le tulafono a Mose+ lea na poloaʻi mai ai Ieova iā Isaraelu.+
2 Ona aumaia lea e Esera le ositaulaga,+ o le tulafono i luma o le faapotopotoga+ o tane, o fafine, ma ē uma e atamamai e faalogo,+ i le aso muamua o le masina lona fitu.+
3 Ua faaauau pea ona ia faitau+ leotele le tusi i le nofoaga faitele, i luma o le Faitotoʻa o le Vai, e amata mai i le tafa o ata+ seʻia tutonu le lā, i luma o tane, o fafine, ma isi o ē e atamamai; ua matuā faalogologo+ foʻi le nuu uma i le tusi o le tulafono.
4 Ua tū pea Esera le tusiupu i luga o le fata laau+ na latou faia mo lea sauniga; ma sa tutū ai i ona tafatafa i lona itu taumatau o Maatatia, o Sema, o Anaia, o Uria, o Hilikia, ma Maaseialima, a o lona itu tauagavale sa tutū ai Petaia, o Mesaelu, o Malakia,+ o Hasumu,+ o Hasepatana, o Sakaria, ma Mesulama.
5 Ona tatala+ lea e Esera o le tusi a o vaavaai atu le nuu uma, auā e maualuga atu le mea na tū ai o ia nai lo o le nuu uma; ma a o ia tatala le tusi, ona tutulaʻi lea o tagata uma.+
6 Ona vivii lea o Esera iā Ieova+ le Atua moni, o Lē e sili, ma ua tali mai le nuu uma, “Amene! Amene!”+ ma sisii i luga o latou lima.+ Ona latou punonou+ lea ma ifo toʻele i luma o Ieova.+
7 O Iesua, o Pani, o Serepeia,+ o Iaminu, o Akupa, o Sapetai, o Hotia, o Maaseia, o Kelita, o Asaraia, o Ieosapa,+ o Hanana, o Pelaia,+ ma le ʻau sa Levī, ua latou faamatala atu le tulafono i le nuu,+ a o laulaututū mai tagata.+
8 Ua faaauau pea ona latou faitau+ leotele le tusi, mai i le tulafono a le Atua moni, ua faamatala atu le uiga; ma ua latou faamalamalama atu pea foʻi mea ua faitauina.+
9 Ona fai atu lea o Neemia+ le Kovana,+ o Esera+ le ositaulaga ma o le tusiupu, ma le ʻau sa Levī o ē na aʻoaʻoina le nuu, ua faapea atu i tagata uma: “O le aso lenei e paia lava iā Ieova lo outou Atua.+ Aua tou te faanoanoa pe fetagisi.”+ Auā na fetagisi tagata uma a o latou faalogologo atu i upu o le tulafono.+
10 Ua ia faapea atu iā i latou: “Inā o ia, ia aai i mea lololo ma inu i mea suamalie, ia auina atu meaʻai+ i lē e leai sana mea ua saunia; auā e paia lenei aso i lo tatou Alii, aua foʻi neʻi outou tigā auā o le olioli mai iā Ieova, o lo outou malosi lea.”
11 Ua faatonu atu foʻi e le ʻau sa Levī le nuu uma ina ia fifilemu, ua faapea atu: “Ia outou fifilemu! auā e paia lenei aso; aua foʻi neʻi outou tigā.”
12 Ona ō lea o le nuu uma e aai ma feinu, ma auina atu meaʻai,+ ma matuā olioli,+ auā ua latou malamalama i upu na faailoa atu iā i latou.+
13 I le aso lona lua, na faapotopoto faatasi mai ai ulu o aiga o tamā o le nuu uma, o le ʻauositaulaga, ma le ʻau sa Levī, iā Esera le tusiupu, ina ia malamalama i upu o le tulafono.+
14 Ona latou iloa ai lea, ua tusia i le tulafono na poloaʻi mai ai Ieova e ala iā Mose,+ ia nonofo le fanauga a Isaraelu i fale lauvao+ i le taimi o le tausamiga i le masina lona fitu,+
15 ma ia latou folafola atu,+ ma ia alu atu se feʻau i o latou aai uma ma Ierusalema atoa,+ e faapea: “Inā ō ia i vaega maugā+ ma aumai lālā laau o olive,+ o lālā laau o le olive vao, o lālā o le atasi, o lālā laau o le pama, ma lālā laau e tele ai laulaau, e fai ai fale lauvao e tusa ma le mea ua tusia.”
16 Ona ō atu lea o le nuu ma ua latou aumaia ma faia fale lauvao mo i latou, e taʻitasi i luga o lona lava fale,+ o o latou lotoā, o lotoā+ o le fale o le Atua moni, o le nofoaga faitele+ o le Faitotoʻa o le Vai,+ ma le nofoaga faitele o le Faitotoʻa o Efaraima.+
17 Ua faia fale lauvao e le faapotopotoga uma o i latou na toe foʻi mai i le aveina faapagota, ma nonofo ai i fale lauvao; auā e leʻi faia faapea e le fanauga a Isaraelu talu mai aso o Iosua le atalii o Nuno+ seʻia oo mai i lenā aso, ona matuā olioli tele ai lea.+
18 Ua faitauina leotele foʻi le tusi o le tulafono a le Atua moni i lea aso ma lea aso,+ e mai i le aso muamua seʻia oo i le aso mulimuli; ma ua latou faia pea tausamiga mo aso e fitu, ae i le aso lona valu na faia ai se fonotaga paia, e tusa ma le tulafono.+
