Neemia 9:1-38
9 I le aso lona lua sefulu fā o lea masina,+ na faapotopoto faatasi ai le fanauga a Isaraelu, ua anapopogi+ ma oofu i ʻie talatala,+ ma le eleele+ i luga iā i latou.
2 Ua vavaeeseina+ e le fanauga a Isaraelu i latou mai i tagata ese uma,+ ua tutū ma taʻutino+ atu a latou agasala+ ma mea sesē na faia e o latou tamā.+
3 Ona latou tutulaʻi lea i le mea na latou iai,+ ma faitau leotele le tusi o le tulafono+ a Ieova lo latou Atua, i le vaega lona fā o le aso;+ ma ua latou taʻutino+ atu foʻi a latou agasala ma ifo atu iā Ieova lo latou Atua,+ i le isi vaega lona fā o le aso.
4 Ona tutū lea i luga o le pulelaa+ o le ʻau sa Levī, o Iesua, o Pani, o Katameeli, o Sepania, o Puni, o Serepeia,+ o Pani, ma Kanani, ua alalaga leotetele+ atu iā Ieova lo latou Atua.
5 Ona faapea atu lea o le ʻau sa Levī o Iesua, o Katameeli, o Pani, o Hasapenia, o Serepeia, o Hotia, o Sepania, ma Petakia: “Inā tutū ia i luga, ia vivii+ atu iā Ieova lo outou Atua mai i le vavau e oo i le faavavau.+ Ia latou vivii i lou suafa mamalu,+ lea ua faaeaina i faamanū ma viiga uma.
6 “Ua na o oe lava o Ieova;+ na e faia le lagi,+ e oo foʻi i le lagi o lagi ma a latou ʻau uma,+ o le lalolagi+ ma mea uma o iai,+ ma le sami+ ma mea uma o iai;+ ua e faaola i latou uma; ma ua ifo atu foʻi ʻau+ o le lagi iā te oe.
7 Ieova e, o oe o le Atua moni, o lē na filifilia Aperamo+ ma aumaia o ia mai i Uro i Kaletaia,+ ma faaigoa iā te ia o Aperaamo.+
8 Ua e silafia le faamaoni o lona loto i ou luma;+ ma osia foʻi se feagaiga+ ma ia e foaʻi atu iā te ia le nuu o sa Kananā, o sa Hetī, o sa Amorī, o sa Perisē, o sa Iepusē, ma sa Kirekasē, ina ia foaʻi mai i lana fanau;+ na e faia foʻi au afioga auā o oe e amiotonu.+
9 “Na e silafia+ le puapuaga o o matou augātamā i Aikupito, ma na e faafofoga foʻi i la latou alaga atu i le Sami Ulaula.+
10 Ona e faia lea o faailoga ma vavega e faasagatau ai iā Farao ma ana auauna uma, ma tagata uma o lona atunuu,+ auā na e silafia lo latou faamaualuga+ iā i latou; ma na viia ai lou suafa+ e pei ona faia i le aso nei.
11 Na e vavaeina le sami+ i o latou luma, ma latou sopo atu i le ogatotonu o le sami i le eleele mātūtū;+ na e lafoina foʻi i mea loloto o ē na tuliloaina i latou,+ e pei ona lafo o se maa+ i le sami sousou.+
12 Na e taʻitaʻiina i latou i le ao faaniutū i le ao,+ ma le afi faaniutū i le pō,+ e faamalamalama+ ai le ala mo i latou e savavali ai.
13 Na e afio ifo i le Mauga o Sinai+ ma e fetalai mai iā i latou i le lagi,+ ma e tuuina atu foʻi iā i latou o faamasinogatonu,+ o tulafono faamaoni,+ o tuutuuga+ ma poloaʻiga lelei.+
14 Na e faailoa mai foʻi iā i latou lau sapati paia,+ o poloaʻiga, o tuutuuga, ma le tulafono na e poloaʻi mai ai iā i latou e ala iā Mose lau auauna.+
15 Na e foaʻiina mai iā i latou o meaʻai mai i le lagi ona o lo latou fia aai,+ na e faatafe mai iā i latou o vai mai i le papa ona o lo latou fia feinu,+ na e fetalai mai foʻi iā i latou e ulu+ atu ma nonofo i le laueleele na sii ai lou aao i se tautoga e foaʻi mai iā i latou.+
16 “Na faamaualuluga+ i latou ma o matou augātamā, ma faauamaaa foʻi,+ e latou te leʻi faalogo i au poloaʻiga.
17 Ua mumusu i latou e faalogo,+ ua latou lē manatuaina+ foʻi au galuega ofoofogia na e faia iā i latou, ae ua latou faauamaaa+ ma tofia se tasi e taʻitaʻia+ i latou ina ia toe foʻi atu ai i lo latou nofo pologa i Aikupito. A o oe, o le Atua e faamagalo sala,+ e alofa fua,+ e alofa mutimutivale,+ e telegese le toʻasā,+ ma e tele+ le alofa faamaoni, e te leʻi tuua lava i latou.+
18 Ioe, ina ua latou faia se tupua uʻamea o se tamaʻi povi poʻa+ mo i latou ma faapea ane, ‘O lou Atua lea na taʻitaʻiina aʻe oe mai i Aikupito,’+ ma ua faapea ona latou faia ai le tele o gaoioiga e matuā lē faaaloalo,
19 a o oe, o le tele o lou alofa mutimutivale na e lē tuua+ ai i latou i le toafa. E leʻi alu ese mai i o latou luga le ao faaniutū i le ao na taʻitaʻiina i latou i le ala,+ po o le afi faaniutū i le pō e faamalamalama ai i latou, i le ala na latou savavali ai.+
20 Na e foaʻi mai lou agaga+ lelei ina ia latou faautauta ai, e te leʻi taofia foʻi lau manai mai i o latou gutu,+ ma na e foaʻi mai vai i lo latou fia feinu.+
21 Na e saunia meaʻai mo i latou i le toafa mo tausaga e fā sefulu.+ E leai se mea na latou matitiva ai.+ E leʻi pala o latou ofu,+ ma e leʻi fulafula foʻi o latou vae.+
22 “Na e tuuina atu foʻi iā i latou o malo ma nuu,+ ma vaevaeina i latou i lea laueleele ma lea laueleele;+ ona latou nonofo ai lea i le laueleele o Sekono,+ e oo lava i le laueleele o le tupu o Hesepona,+ ma le laueleele o Oko+ le tupu o Vasana.+
23 Ua e faatoʻateleina foʻi a latou fanau e pei o fetu o le lagi.+ Ona e aumaia lea o i latou i le laueleele+ na e folafola mai i o latou augātamā,+ e ulu atu i ai ma fai ma o latou tofi.
24 Ua ō mai a latou fanau+ ma fai mo latou tofi le laueleele,+ ma ua e faatoʻilaloina+ foʻi i o latou luma o ē na nonofo i le laueleele, o tagata ia o Kanana,+ ma tuuina atu i latou i o latou lima, e oo lava i o latou tupu+ ma tagata o le nuu,+ na faia iā i latou e tusa ma le mea na latou mananaʻo i ai.+
25 Ona latou ō atu lea ma faatoʻilalo aai malupuipuia,+ ma le laueleele lafulemu,+ ma nonofo ai i fale ua tumu i mea lelei uma,+ o vaieli ua elia,+ o togāvine, o togāolive,+ ma laau mo le tele o meaʻai, ua latou aai foʻi ma ua maoona ai,+ ua puputa+ ma ua matuā olioli i lou lelei tele.+
26 “Ae peitaʻi, ua latou lē usiusitaʻi+ ma fouvale iā te oe,+ ma lafoaʻiina lau tulafono i o latou tua,+ ua latou fasiotia foʻi au perofeta,+ o ē na lapataʻia i latou ina ia toe foʻi mai iā te oe;+ ua latou faia foʻi le tele o gaoioiga lē faaaloalo.+
27 Ona o lenei mea, ua e tuuina atu ai i latou i lima o o latou fili,+ o ē na faapuapuagatia iā i latou;+ ae na latou alalaga atu iā te oe i taimi o o latou puapuaga,+ ma na e faafofoga mai i ai mai i le lagi;+ ma e tusa ai foʻi ma le tele o lou alofa mutimutivale,+ ua e tuuina atu iā i latou o ē e faaola+ ina ia faasaoina i latou mai i lima o o latou fili.+
28 “Ae ina ua mapu i latou, ona latou toe faia lea o mea leaga i ou luma,+ ona e tuuina atu lea o i latou i lima o o latou fili o ē e solia i latou.+ Ua latou toe foʻi atu ma valaau atu iā te oe mo se fesoasoani,+ ona e faafofoga mai lea mai i le lagi+ ma e laveaʻiina pea i latou, e tusa ma le tele o lou alofa mutimutivale.+
29 E ui lava e te lapataʻia+ i latou ina ia toe foʻi mai i lau tulafono,+ a ua faamaualuluga+ ma lē faalogo i au poloaʻiga; ua latou agasala+ foʻi i iʻuga o au faamasinoga,+ afai e tausia e se tagata, e tatau ona ola ai o ia.+ A ua latou faataligatuli*+ pea, ma ua latou faauamaaa+ ma lē faalogo.+
30 A ua e onosaʻi iā i latou mo le tele o tausaga+ ma lapataʻi+ pea i latou i lou agaga e ala i au perofeta, a ua latou lē faalogo.+ Mulimuli ane, ua e tuuina atu i latou i lima o tagata o nuu.+
31 O le tele foʻi o lou alofa mutimutivale ua e lē faaumatia ai i latou+ pe tuulafoaʻia+ i latou; auā o oe o le Atua e alofa fua+ ma alofa mutimutivale.+
32 “O lenei, lo matou Atua e, le Atua sili,+ e malosi+ ma mataʻutia,+ o lē e tausia le feagaiga+ ma le alofa faamaoni,+ aua neʻi e manatu ua itiiti+ puapuaga ua oo iā i matou,+ o o matou tupu,+ o o matou perenise,+ o o matou ositaulaga,+ o o matou perofeta,+ o o matou augātamā,+ ma lou nuu uma, e amata mai i aso o tupu o Asuria e oo mai i le aso nei.+
33 Ua tonu lava oe+ e tusa ai o mea uma ua oo mai iā i matou, ua e gaoioi faamaoni+ foʻi, a o i matou o tagata ua faia mea leaga.+
34 Ua lē faia foʻi lau tulafono+ e o matou tupu, o o matou perenise, o o matou ositaulaga, ma o matou augātamā,+ ua lē uaʻi atu foʻi i au poloaʻiga+ po o au faamanatuga na e lapataʻia+ ai i latou.
35 A o i latou, ua latou lē auauna iā te oe+ i o latou malo,+ ma le tele o mea lelei+ na e foaʻi mai iā i latou i le laueleele telē ma lelei+ na e foaʻiina mai iā i latou, e leʻi liliuese foʻi i latou mai i a latou amioga leaga.+
36 Faauta! O i matou o pologa+ i le aso nei; ma o le laueleele foʻi na e foaʻiina mai i o matou augātamā e aai ai i ona fua ma mea lelei, faauta! ua matou pologa ai,+
37 ua matuā tele fua+ o le laueleele mo tupu+ na e tuuina e pule iā i matou ona o a matou agasala,+ ua pule foʻi i latou i o matou tino ma a matou manu, e tusa ma mea e latou te mananaʻo ai, ma ua matou matuā puapuagatia lava.+
38 “Ona o ia mea uma, ua matou osia ai se feagaiga moni,+ ua tusia ma ua faamaufaailogaina+ e o matou perenise, o o matou tagata sa Levī, ma o matou ositaulaga.”+
Faamatalaga Pito i Lalo
^ I le gagana Eperu, “ua faamaaa o latou tauʻau.”
