Numera 1:1-54
1 Ua fetalai mai foʻi Ieova iā Mose i le toafa o Sinai,+ i le faleʻie o le feiloaʻiga,+ i le aso muamua o le masina lona lua. O le tausaga lona lua lea talu ona latou ō ese mai i le atunuu o Aikupito,+ ma ua ia faapea mai:
2 “Ia oulua faitau le aofaʻi+ o le faapotopotoga uma o atalii o Isaraelu e tusa ma o latou ituaiga, o aiga o o latou tamā, o le aofaʻi o igoa, o tane taʻitoʻatasi uma,
3 e amata mai i ē ua lua sefulu tausaga agaʻi i luga le matutua,+ o tagata Isaraelu uma e ō i le taua.+ O oe ma Arona, ia oulua lesitalaina o latou igoa e tusa ma a latou vaegaʻau.
4 “E ao ona iai nisi tamāloloa faatasi ma oulua, o le tamāloa mai i ituaiga taʻitasi; o i latou o ulu i aiga o o latou tamā.+
5 O igoa nei o tamāloloa o le a fesoasoani iā te oulua: O Elisura+ le atalii o Seturo mai i le ituaiga o Reupena;+
6 o Selumielu+ le atalii o Surisatai mai i le ituaiga o Simeona;+
7 o Naasona+ le atalii o Aminatapu mai i le ituaiga o Iuta;+
8 o Netanielu+ le atalii o Suaro mai i le ituaiga o Isakara;+
9 o Eliapo+ le atalii o Horona mai i le ituaiga o Sepulona;+
10 o Elisama le atalii o Ameuta mai i le ituaiga o Efaraima,+ o Kamalielu le atalii o Petasura mai i le ituaiga o Manase,+ o atalii ia o Iosefa;+
11 o Apitano+ le atalii o Kitione mai i le ituaiga o Peniamina;+
12 o Aisera+ le atalii o Amisatai mai i le ituaiga o Tanu;+
13 o Pagielu+ le atalii o Okirano mai i le ituaiga o Asera;+
14 o Eliasafo+ le atalii o Tuelu+ mai i le ituaiga o Kato;+
15 o Akira+ le atalii o Enano mai i le ituaiga o Nafatali.+
16 O i latou ia sa taʻua i le faapotopotoga, o taʻitaʻi+ o ituaiga o o latou tamā. O i latou o ulu o aiga o le faitau afe o tagata Isaraelu.”+
17 Ua aami e Mose ma Arona o nei tamāloloa o ē ua taʻua o latou igoa.
18 Ona latou faapotopoto faatasi ai lea o le faapotopotoga atoa i le aso muamua o le masina lona lua, ina ia faamauina ai o latou gafa+ e tusa ma o latou ituaiga, ma aiga o o latou tamā, o le aofaʻiga o igoa, e amata mai i ē ua lua sefulu tausaga agaʻi i luga le matutua,+ o tane taʻitoʻatasi uma,
19 e pei ona poloaʻi mai ai Ieova iā Mose; ma ua ia lesitalaina+ i latou i le toafa o Sinai.
20 O le fanauga a Reupena, o le ulumatua+ a Isaraelu, o o latou tupuaga e tusa ma o latou ituaiga, ma aiga o o latou tamā, e tusa ma le aofaʻiga o igoa, o tane taʻitoʻatasi uma, o tane uma e amata mai i le sefulu tausaga agaʻi i luga le matutua, o i latou uma e ō i le taua,
21 ma o i latou ua lesitalaina mai i le ituaiga o Reupena, e fā sefulu ono afe lima selau.+
22 O le fanauga a Simeona,+ o o latou tupuaga e tusa ma o latou ituaiga, ma aiga o o latou tamā, o i latou ua lesitalaina e tusa ma le aofaʻiga o igoa, o tane taʻitoʻatasi uma, o tane uma e amata mai i ē ua lua sefulu tausaga agaʻi i luga le matutua, o i latou uma e ō i le taua,
23 o i latou ua lesitalaina mai i le ituaiga o Simeona, e lima sefulu iva afe tolu selau.+
24 O le fanauga a Kato,+ o o latou tupuaga e tusa ma o latou ituaiga, ma aiga o o latou tamā, e tusa ma le aofaʻiga o igoa e amata mai i ē ua lua sefulu tausaga agaʻi i luga le matutua, o i latou uma e ō i le taua,
25 o i latou ua lesitalaina mai i le ituaiga o Kato,+ e fā sefulu lima afe ono selau lima sefulu.+
26 O le fanauga a Iuta,+ o o latou tupuaga e tusa ma o latou ituaiga, ma aiga o o latou tamā, e tusa ma le aofaʻiga o igoa e amata mai i ē ua lua sefulu tausaga agaʻi i luga le matutua, o i latou uma e ō i le taua,
27 o i latou ua lesitalaina mai i le ituaiga o Iuta, e fitu sefulu fā afe ono selau.+
28 O le fanauga a Isakara,+ o o latou tupuaga e tusa ma o latou ituaiga, ma aiga o o latou tamā, e tusa ma le aofaʻiga o igoa e amata mai i ē ua lua sefulu tausaga agaʻi i luga le matutua, o i latou uma e ō i le taua,
29 o i latou ua lesitalaina mai i le ituaiga o Isakara, e lima sefulu fā afe fā selau.+
30 O le fanauga a Sepulona,+ o o latou tupuaga e tusa ma o latou ituaiga, ma aiga o o latou tamā, e tusa ma le aofaʻiga o igoa e amata mai i ē ua lua sefulu tausaga agaʻi i luga le matutua, o i latou uma e ō i le taua,
31 o i latou ua lesitalaina mai i le ituaiga o Sepulona, e lima sefulu fitu afe fā selau.+
32 O atalii o Iosefa: o le fanauga a Efaraima,+ o o latou tupuaga e tusa ma o latou ituaiga, ma aiga o o latou tamā, e tusa ma le aofaʻiga o igoa e amata mai i ē ua lua sefulu tausaga agaʻi i luga le matutua, o i latou uma e ō i le taua,
33 o i latou ua lesitalaina mai i le ituaiga o Efaraima,+ e fā sefulu afe lima selau.+
34 O le fanauga a Manase,+ o o latou tupuaga e tusa ma o latou ituaiga, ma aiga o o latou tamā, e tusa ma le aofaʻiga o igoa e amata mai i ē ua lua sefulu tausaga agaʻi i luga le matutua, o i latou uma e ō i le taua,
35 o i latou ua lesitalaina mai i le ituaiga o Manase, e tolu sefulu lua afe lua selau.+
36 O le fanauga a Peniamina,+ o o latou tupuaga e tusa ma o latou ituaiga, ma aiga o o latou tamā, e tusa ma le aofaʻiga o igoa e amata mai i ē ua lua sefulu tausaga agaʻi i luga le matutua, o i latou uma e ō i le taua,
37 o i latou ua lesitalaina mai i le ituaiga o Peniamina, e tolu sefulu lima afe fā selau.+
38 O le fanauga a Tanu,+ o o latou tupuaga e tusa ma o latou ituaiga, ma aiga o o latou tamā, e tusa ma le aofaʻiga o igoa e amata mai i ē ua lua sefulu tausaga agaʻi i luga le matutua, o i latou uma e ō i le taua,
39 o i latou ua lesitalaina mai i le ituaiga o Tanu, e ono sefulu lua afe fitu selau.+
40 O le fanauga a Asera,+ o o latou tupuaga e tusa ma o latou ituaiga, ma aiga o o latou tamā, e tusa ma le aofaʻiga o igoa e amata mai i ē ua lua sefulu tausaga agaʻi i luga le matutua, o i latou uma e ō i le taua,
41 o i latou ua lesitalaina mai i le ituaiga o Asera, e fā sefulu tasi afe lima selau.+
42 O le fanauga a Nafatali,+ o o latou tupuaga e tusa ma o latou ituaiga, ma aiga o o latou tamā, e tusa ma le aofaʻiga o igoa e amata mai i ē ua lua sefulu tausaga agaʻi i luga le matutua, o i latou uma e ō i le taua,
43 o i latou ua lesitalaina mai i le ituaiga o Nafatali, e lima sefulu tolu afe fā selau.+
44 O i latou ia na lesitalaina, o ē na lesitalaina e Mose, faatasi ma Arona atoa ma taʻitaʻi o Isaraelu, o ni tamāloloa e toʻasefulu lua. E taʻitasi le tagata e fai ma sui o le aiga o ona tamā.
45 O i latou uma o le fanauga a Isaraelu na lesitalaina e tusa ma aiga o o latou tamā, e amata mai i ē ua lua sefulu tausaga agaʻi i luga le matutua, o i latou uma e ō i le taua i Isaraelu na lesitalaina.
46 O i latou uma lava na lesitala, e ono selau ma le tolu afe, lima selau lima sefulu.+
47 Peitaʻi, e leʻi lesitalaina le ʻau sa Levī+ e tusa ma le ituaiga o o latou tamā.+
48 Auā ua fetalai mai Ieova iā Mose e faapea:
49 “E na o le ituaiga o Levi, aua e te lesitalaina, pe faitauina i latou faatasi ma atalii o Isaraelu.+
50 Ae ia e tofia le ʻau sa Levī e pule i le faleʻie paia i le mea ua iai le Atolaau o le Feagaiga,*+ o ona ipu uma ma ana mea uma.+ E latou te tauave le faleʻie paia ma ona ipu uma,+ latou te auauna+ ai i inā; ma latou api faataamilomilo ai i le faleʻie paia.+
51 Pe a ave le faleʻie paia, o le ʻau sa Levī e talaina i lalo;+ ma pe a faatū le faleʻie paia, o le ʻau sa Levī e faatūina; ma o se isi tagata e faalatalata i ai e fasiotia lava o ia.+
52 “E ao i le fanauga a Isaraelu ona faatutū o latou faleʻie, ia taʻitasi e tusa ma le mea ua faatulaga e nonofo ai, ia taʻitasi le tagata i le mea e iai o latou ituaiga e tolu+ ma e tusa foʻi ma a latou ʻautau.
53 E ao i le ʻau sa Levī ona api faataamilomilo i le faleʻie paia i le mea ua iai le Atolaau o le Feagaiga, ina ia aua neʻi oo le toʻasā+ i le faapotopotoga o le fanauga a Isaraelu; ia tausia e le ʻau sa Levī o galuega e tusa ma le faleʻie paia ua iai le Atolaau o le Feagaiga.”+
54 Ua faia e le fanauga a Isaraelu e tusa ma mea uma na poloaʻi mai ai Ieova iā Mose. Ua faapea lava ona latou faia.+
Faamatalaga Pito i Lalo
^ Po o le “Molimau.”
