Numera 10:1-36
10 Ua fetalai mai Ieova iā Mose e faapea:
2 “Ia e faia mo oe ni pū+ siliva se lua. E te faia e ala i le faaaogāina o le samala, e te faaaogāina e faapotopoto+ mai ai le faapotopotoga ma le taimi e tapena ese ai faleʻie.
3 Pe a latou ilia uma pū e lua, e ao i le faapotopotoga atoa ona tausia le fuafuaga e faapotopoto faatasi ma oe i le faitotoʻa o le faleʻie o le feiloaʻiga.+
4 Pe a latou ilia na o le pu e tasi, e ao i taʻitaʻi o ulu o le faitau afe o tagata Isaraelu ona tausia le fuafuaga e faapotopoto faatasi ma oe.+
5 “Pe a outou ilia faatetetete le leo o le pū, e ao loa iā i latou ua iai faleʻie i le itu i sasaʻe+ ona malaga ese.
6 Pe a outou ilia faatetetete le pū i le taimi lona lua, e ao iā i latou ua iai faleʻie i le itu i saute+ ona malaga ese. E ao ona latou ilia faatetetete le pū i taimi uma e malaga ese ai se vaega o i latou.
7 “Pe a faapotopotoina le faapotopotoga atoa, e ao ona outou ilia le pū,+ ae aua neʻi outou ilia faatetetete le leo.
8 E ao i ositaulaga o atalii ia o Arona ona ilia pū,+ ma o le ilia o ia pū e fai ma tulafono mo se taimi umi mo outou ma o outou tupulaga o loo mulimuli mai.
9 “Pe afai tou te tau ma ē e faasauā iā te outou i lo outou laueleele,+ e ao foʻi ona outou ilia pū e sauni ai mo le taua+ ma o le a manatuaina outou e Ieova lo outou Atua ma e faaolaina outou mai i o outou fili.+
10 “O le aso tou te fiafia ai,+ o aso o a outou tausamiga,+ ma amataga o o outou masina,+ e tou te ilia ai pū i luga o a outou taulaga mū+ ma a outou taulaga faifaatasi;+ o le ilia o ia pū ua fai ma mea e manatua ai outou i luma o lo outou Atua. O aʻu o Ieova lo outou Atua.”+
11 Ua oo i le tausaga lona lua, i le masina lona lua, i le aso lua sefulu o le masina,+ ona alu aʻe ai lea o le ao mai i luga o le faleʻie paia+ i le mea ua iai le Atolaau o le Feagaiga.
12 Ua malaga ese le fanauga a Isaraelu mai i le toafa o Sinai e tusa ma le faasologa masani,+ ma ua latou ō pea seʻia oo ina tū le ao i le toafa o Parana.+
13 Ona latou malaga ese lea mo le uluaʻi taimi e tusa ma le faatonuga a Ieova e ala iā Mose.+
14 Ua muamua malaga ese se vaega o ituaiga e tolu o le fanauga a Iuta i a latou ʻautau,+ ma ua taʻitaʻia le ʻautau e Naasona+ le atalii o Aminatapu.
15 Ua taʻitaʻia e Netanielu+ le atalii o Suaro le ʻautau o le ituaiga o le fanauga a Isakara.
16 Ua taʻitaʻia e Eliapo le atalii o Horona+ le ʻautau o le ituaiga o le fanauga a Sepulona.
17 Ua tala i lalo le faleʻie paia,+ ona ō ai lea o atalii o Keresona+ ma atalii o Merari+ ma ave le faleʻie paia.
18 Ua malaga ese se vaega o ituaiga e tolu o le fanauga a Reupena+ i a latou ʻautau, ma ua taʻitaʻia le ʻautau e Elisura+ le atalii o Seturo.
19 Ua taʻitaʻia e Selumielu+ le atalii o Surisatai le ʻautau o le ituaiga o le fanauga a Simeona.+
20 Ua taʻitaʻia e Eliasafo+ le atalii o Tuelu le ʻautau o le ituaiga o le fanauga a Kato.
21 Ua malaga ese tagata o le aiga o Koato o ē e avea mea paia,+ a ua uma ona faatūina o le faleʻie paia e i latou na muamua ina ua latou taunuu atu.
22 Ua malaga ese se vaega o ituaiga e tolu o le fanauga a Efaraima+ i a latou ʻautau, ma ua taʻitaʻia le ʻautau e Elisama+ le atalii o Ameuta.
23 Ua taʻitaʻia e Kamalielu+ le atalii o Petasura le ʻautau o le ituaiga o le fanauga a Manase.+
24 Ua taʻitaʻia e Apitano+ le atalii o Kitione le ʻautau o le ituaiga o le fanauga a Peniamina.+
25 Ua malaga ese le vaega o ituaiga e tolu o le fanauga a Tanu+ e tusa ma a latou ʻautau e muliʻau+ i ituaiga uma, ma ua taʻitaʻia le ʻautau e Aisera+ le atalii o Amisatai.
26 Ua taʻitaʻia e Pagielu+ le atalii o Okirano le ʻautau o le ituaiga o le fanauga a Asera.+
27 Ua taʻitaʻia e Akira+ le atalii o Enano le ʻautau o le ituaiga o le fanauga a Nafatali.+
28 O le faasologa masani lea pe a malaga ese le fanauga a Isaraelu i a latou ʻautau.+
29 Ona fai atu lea o Mose iā Opapo le atalii o Reuelu+ le Mitiana, o le tamā lea o le avā a Mose: “O le a matou malaga ese atu i le mea na fetalai mai ai Ieova e faapea, ‘Ou te foaʻiina atu iā te outou.’+ Ia e sau tatou ō faatasi, ma matou te faia mea lelei iā te oe,+ auā ua folafola mai e Ieova mea lelei iā Isaraelu.”+
30 Ua ia faapea mai iā te ia: “Ou te lē alu atu, ae ou te foʻi i loʻu atunuu+ ma oʻu aiga.”
31 Ona ia faapea atu lea: “Faamolemole, aua e te tuua i matou, auā ua e iloa lelei le toafa o le a faatutū ai o matou faleʻie, ia avea oe ma mata mo i matou.
32 Afai tatou te ō faatasi, o mea lelei uma e faia e Ieova mo i matou,+ o i matou foʻi, matou te faia mea lelei iā te oe.”
33 Ua latou savavali ese mai i le mauga o Ieova+ mo se malaga e tusa mo le tolu aso, ma ua muamua atu i o latou luma le atolaau o le feagaiga+ a Ieova mo se malaga e tusa mo le tolu aso, ina ia saʻili se mea e latou te mapu ai.+
34 A o ao, ua iai le ao a Ieova+ i o latou luga a o latou savavali mai i le mea na faatutū ai o latou faleʻie.
35 O le mea e masani ai pe a ave le Atolaau, e faapea atu Mose: “Faamolemole Ieova e, inā tulaʻi ia ma faataapeape ou fili;+ ma ia sosola ese mai i ou luma ē ua matuā ʻinoʻino iā te oe.”+
36 Pe a tuu i lalo le Atolaau, e faapea atu o ia: “Ieova e, ia e foʻi mai i le faitau afe o tagata Isaraelu.”+
